محبيتش نمد نصائح بصح هاذي اكبر غلطة درتها مش حابة ديروها ❤️

. مشي كي تقعدوا ليل و نهار في لبيرو معنتها راح تنجحو و تدو مليح ?

.اعرفوا كيفاش تنضمو وقتكم مشي كي تضيعلكم نص ساعة تطفر في نهاركم قاع ??‍♀️

. الصح مشي كي تنوض على الثلاثة و تتثاوب و متحكم والو ?

. الصح مشي كي تفلامي في قرايتك و توري لناس ?

. الصح مشي كي تدي برايك و تدخل دور في انستا ?

. الصح مشي كي تشبح في بيرو تاعك و تكلف والديك على الدوزان ( عمر راسك هذاك هو الصح ) ☄️

.الصح كي يكون عندك هدف واحد ?

. الصح كي تقعد فالبيرو تخمم غير على وش راهو مقابلك مشي اي حاجة تلهيك ?

. الصح كي تحسنو الضن بالله ?

(15 في الوقت الحالي معادتش تقضي اخي الكريم اختي الفاضلة، ياو ال16 وبالريسك لا تدخلك لجامعة مسقمة)
سما زيرو رواحكم ❤️في زمن تضخم المعدلات

ومكانش منها تع "اييي انا نقرا اخر شهر ولا اخر يامات ونجيب الباك، ايييي انا نقرا اخر شهرين ونجيب 15 كي والو"

درناها وجبنا ال 15 هذيك حنا ، بصح اسكو رضاتنا؟

لا لانو مين تقرا ذي الهدرة علابالك بلي تا قادر تجيب مكثر والنهار تجيب ال 15 تقول كنت قادر نجيب كثر ، وقتها تحمل عواقب افعالك

متضيعش اخر شهرين برك، اهم نصبحة هاذي ، ابدا من سبتمبر بصح برمج وش رح تدير في اخر شهرين ، ورمضان ايلا تقراه ولا تقرا فيه شوي شوي اومبعد نظم وش تقرا في كل شهر

تبدا بكري تكمل بكري ?

القناة رح تتوقف نشاطاتها الفترة هاذي لكن بعد الباك أنا منيش رح نحبس

رح نظم حوايج الباك لجماعة ٢٠٢٥ ونريقل التشانل ونسيقها ونديرلها الصانيبون

ونديرلكم تحديات تع شطرنج وتاع برمجة ومزالت الليستة طويلة?

اما مادامكم باغين نحبسو ذي الفترة رح نحبس منزيد ولا بوست لا انا لا باقي لي زادمين لا ادعية لا والو باه متتشتوش

this is not a sawn song
but a swan dive

لقاؤنا الخميس المقبل

دمتم في أمان الله وحفظه ?

رسالة باش نشوفها ففترة تاع باك ونتحفز :
الحمد الله شفتي كي جات ساهلة شهد عشتي حلمك بعد مرارة عدم تحقيقه العام الماضي اصبحتي اكثر حكمةة و اكثر رشدا ??
حسيتي بالفرحة بعد الخيبة تتفكري كي كنتي تقولي ابعد الله عني الجميل ليجعله اجمل ???
هاراكي دكتورةةة حققتي حلمك بعد كل هاد الدعوات والتضحيات فرحتي امك وفرحتي نتي وفرحتي باباك لي راه فخور بيك بنتي الطبيبةةة ( كان يقولهالك ونتي مش واصلة واصر انك تبقاي الطبيبة تاعه) شكرا شهدد لانك قاومتي وسهرتي ونلتي الحمد الله ??
اعدك يا شهد انك حتقري هاد مسج ونتي طالبة طب وراح نمد قاععع شعندي وقاع شنقدر ????