ما دام محد يجي
المن نسوي درب
والمن نرش الباب

والمن نخلي عطر
و المن نبدل ثياب

والمن نتاني بعد
و اهل البعد غياب

ان شاء الله نحب صدك
ويبين الجذاب

وان شاء الله نرد سوا
ونتعاتب وننعاب

وان شاء الله ما ترد
واصفن بوجهك سنة
خاف ارد مثلك شاب

وان شاء الله من انكسر
جام اوكف بخطوتك
حتى انسحگ و انهاب

#عقيل_العرد

من بعد خلق الائمة
اجة خلق المرسلين
تجلى من عرش الجلاله
ابداع رب العالمين
بالشهادات الثلاثه
استفتحاهم اجمعين
لله نشهد ولمحمد
ولامير المؤمنين

الله سواهم كذلك
واستمع لما يلي
النبوه يم محمد
والامامه يم علي
الرساله يم محمد
والخلافه يم علي
الجلاله يم محمد
والاماره يم علي

يا علي عند الله اسمك
(علي) وعند احمد (النور )
انت انت (الموت الاحمر)
عد عدوك والفجور
(قاضي الحاجات) شخصك
عالصراط وعالعبور
( ايليا )يا علي تعني
بالانجيل و بالزبور

لوهدوني الكون كله
والفلك سوو الي
والله ما بدل الدنيا
بشعره من شارب علي
لان بس هو المحامي
وبس علي هو الولي
واصرخ لساعه مماتي
لا فتى الا علي

انت ذو الفقار سيفك
طبر مرحب والرجس
خاتم سليمان بيدك
جفك الرد الشمس
الك يا علي التولي
والتبري اعظم درس
اعلة ابن ملجم لعنة الله
شما بقى بية نفس
.
ل ذريت الزهراء عليها السلام
.
سيد سجاد الياسري

الخسَارة إنّ لَا ترىٰ أثر لفَاطِمة الزَهراء "عليها السَّلام" بدَاخلك ..

رضا الباري يصاحب من رضاها
بسقر كلمن هظمه من رضاها
يمهدي ضلوع لمك من رضاها
السقيفه تكررت بالغاضريه

..............

أميري هواي الك بالضيج وكفات
التفت ليه تراهي ادبرت وكفات
عليك الي ابسد الباب وكفات
بحك كسر الضلع تلتفت ليه

#كلمات_الحاج_عباس_المشرفاوي

بس انت اشوفك جرح
كلما تدور السنة يذبحني بالزايد

مدري شطفى وظلمت
وجهك كمر ما يجي
وحزنك جمر بارد

سهرني موتك عكس
بعدك ينام الجفن بس الكَلب كاعد

وكلما تمر صورتك اضحكلك وانكسر
افرح واموتن حزن ما اعرف شرايد

ياكحل ربعي رحت
والربع بعدك مشوا
واحد بعد واحد

.............
#عقيل_العرد

يسر البايت بگلبي بعد بات

ولو تگطع من ابتوته بعد بات

يحزني الباني بروحي بعد بات

تريد ابني تره روحي سعية

#عزيز_الفيصلي

يا محمد هاي أمتك
تيهت درب العدل
او راحت اويروج ناسك
التعبت عليهم أنت
دفن ما مدفون بعدك
التمو بسط السقيفة
أو نصّبو واحد خليفه
أو سوو الدنيا ظلام
بعين فاطم والعيال
وفدك مو للزهره كالو
وماكو ورثة أنبياء
أو رادو البيعه عل حيدر
بالغصب مو بالرضاء
اوشبو النار عل بيته
او دفعو الباب فاطم
وطاح محسن والدماء
وماتت الزهرة بغضبهة
وتيتمت زينب وهلهة
وضلت الحسرة بعلي
ليل مينام وينوح
عل فاطم الضلوع
ولعن الله الخليفة
وكل شخص راد الخليفة

✍️ رضا قاسم

‏?:ناس تعشك حاجب ووجه ابيض وطول وگصر … وانه عشكت گبة ومنارات وضريح من الصغر .. ناس تفخر بالمحاسن والملابس والعطر …. وانه افتخر عريان الك دايم ادك عاللصدر

الـطـف شـيـب وزغـر شـيـبـه بـالـطـف جـان عـبـدالله

#انور_السهلاني