ALLOH Ta'olo go'zal xulqni ko'rinadigan qilib yaratganda edi biz undan go'zalroq narsani ko'rmagan bo'lardik.

Eslating! Zero, eslatma mo'minlarga manfaat yetkazur.

Zoriyot, 55

Yomon fikr (hayol) kelishi bilan qaytarish kerak.

Birinchisida kuchimiz yetmadimi, keyingilarida ham yetmaydi.

Zahmatsiz Rahmat bo'lmas
Ixlos bilan qilgan amallarimiz ALLOH Ta'ologa albatta xush keladi.

Muhimi qalbning taslimiyati va ishonchi.

Kichik va davomli ishlar bizni yuqoriga chiqishimizga yordam beradi.

Bu post orqali siz bilgan ba'zi amallarni eslatib o'tmoqchimiz:

1. Ilm manbaalariga hurmat ko'rsating. Kitoblarga chizmang va ustiga narsa qo'ymang. Ularni yerga qo'ymang. Ko'targanda ham belingizdan yuqorida tursin. (Ilm va hayo belgisi).

2. Kimdir bilan ko'rishganda tabassum bilan ko'rishing. (Samimiyat belgisi)

3. Gapirishdan oldin ko'proq tinglang. (Farosat va axloq belgisi)

4. Har bir insonga ehtirom va iltifot ko'rsating. (Tavoze belgisi)

5. Ota-onangiz yoki Ustozlaringiz bilan ketayotganda 1 qadam ortda yuring. (Go'zal xulq belgisi)

6. Masjidga yoki uyga kirishda, kiyim yoki oyoq kiyimni kiyishda o'ng tarafdan boshlang.

Masjiddan yoki uydan chiqishda, kiyim yoki oyoq kiyimni yechishda esa chap tarafdan boshlang. (Fazl belgisi)

1. Amal qilish uchun yozib oling. (Tolibi ilm belgisi).

P.S.
Yozganlarimga o'zim amal qilmaganimni ko'rsangiz o'sha zahoti ayting (100$ sizniki bo'ladi). Sizga eslatdik siz ham bizga eslating. Xursand bo'lamiz ?**

- Duolaringiz ijobat bo'lishining siri nimada?

- Ijobatiga shubha qilmaganimda...

Sen yaratgan olamu inson go'zal,

Sen yuborgan MUSTAFO, QUR'ON go'zal,

Sen buyurgan har amal, iymon go'zal,

Ruhlar ichra sunganing vijdon go'zal,

Bu go'zalliklar jamolingdan SENING!

Tun hikmati

Ko'ngillarning sultoni bo'lgan inson sultonlarga ham sulton bo'ladi.

(ACO kitobi, 15.04.2024)

Bir piyola suv emas, daryo kabi...

Keling bitta tajribani sinab ko'ramiz.

Bir piyola suvni olamiz.

Ichiga yarim piyola tuz solamiz.

Aralashtiramiz. Kim icha oladi?

- Hech kim

Endi o'sha yarim piyola tuzni daryoga solamiz.

Nimadir o'zgaradimi?

- Yo'q, albatta.

Yarim piyola tuz daryoni oldida hech narsa bo'lmay qoladi.

Hayot ham shunday.

Qiyinchilik va mashaqqatlar yarim piyola tuzga o'xshaydi.

Qalbimiz daryo kabi keng bo'lsa, qiyinchiliklar hech narsa bo'lmay qoladi.

Hech shak-shubha yo'qki, sabr-toqat qilguvchilarga ajr-mukofotlari hisob-kitobsiz to'la-to'kis qilib berilur.

(Zumar, 10)

P.S.
Shoshilish shaytondan. Oxistalik esa RAHMONdandir.