Үлэттэн дьолломмут, үлэттэн үөрүүнү булбут, үлэһит дьоннордоох Биэттэбитигэр СӨ Үлэ сылыгар сөп түбэһэн атырдьах ыйын 23 күнүгэр ООО “Биэттэ Агро” хаһаайыстыба саҥа Зерноскладын, Н.Н. Тарскай аатынан спорт Албан аат музей иһинэн сир үлэтин техникаларын Павильонун аһыллыыта буолла.

Былыр-былыргыттан нэһилиэнньэ сүрүн үлэтэ сүөһү, сылгы иитиитэ, бурдук үүннэриитэ, балыктааһын уонна бултааһын этэ. Алаастарынан бытанан, бытархай хаһаайыстыбаларынан олорбуттара. Баатаҕай нэһилиэгэ төрүттэммитин, сайдыытын, дьонун-сэргэтин, алаастарын, колхозтар, совхозтар тэриллиилэрин уо.д.а олоҕун-дьаһаҕын СӨ норуотун хаһаайыстыбатын үтүөлээх үлэһитэ, Уус-Алдан улууһун, Баатаҕай нэһилиэгин бочуоттаах олохтооҕо, ытык кырдьаҕаспыт Ефимов Денис Алексеевич “Төрөөбүт түөлбэбит-Баатаҕай” диэн кинигэтигэр суруйан хаалларбыта.

Үөрүүлээх тэрээһиҥҥэ ыраахтан-чугастан ыҥырыылаах ыалдьыттар, нэһилиэк олохтоохторо кыттыыны ыллылар.
Салгыыта сиһилии тахсыаҕа...

"Атырдьах ыйын 12 күнүгэр Баатаҕай нэһилиэгэр Дойду үрдүнэн физкультура күнүн, нэһилиэкпитигэр спорт уонна общественнай хамсааһынын сылын чэрчитинэн спортивнай хамсаныылар, 6 төгүлүн түөлбэлэр икки ардыларыгар мини-футбол күрэҕэ ыытылынна.

Бу күн республика бүттүүнэ киэҥ туттар, биир дойдулаахпыт, бөдөҥ государственнай уонна общественнай деятель, Саха сиригэр спорт хамсааһынын төрүттээбит Н. Н. Тарскай төрөөбүтэ 100 сылын кэлэр 2024 сылга бэлиэтииргэ бэлэмнэнэн тэрээһин кыттыылаахтара "Флешмоб 100" суругу таһаардылар.

Нэһилиэккэ үлэлии хамсыы олорор физкультура учууталларыгар Алексей Алексеевич Ядрихинскайга, Антонина Романовна Осиповаҕа, тренер-преподаватель Николай Адамович Николаевка, нэһилиэк спортинструктарыгар Валерия Афансьевна Белолюбскаяҕа эҕэрдэ суруктар туттарылыннылар.

Мини-футбол түмүгүнэн: хамаандаларга 1 м. "Сарыал" (командир Готовцев Ян), 2 м. "Дабаан 2" (командир Лугинов Андриан), 3 м. "Дабаан 1" (командир Сивцев Айсен); номинациялар "Лучший нападающий" - Денис Барамыгин, "Лучший вратарь" - Белолюбский Алексей, "Лучший игрок" - Сивцев Ярослав, "Лучший защитник" - Сивцев Кирилл, спец. приз СВО кыттыылааҕа Саввин Эрхан олохттоото - биир бастыҥ оонньооччуга Лугинов Андриаҥҥа. Уопсай түөлбэнэн түмүккэ 1 м. Дабаан, 2 м. Сарыал, 3 м. Аргыс түөлбэ буоллулар, кубогынан, грамоталарынан наҕараадаланнылар.

Ону тэҥэ, бу күн бары кыттыылаахтарыгар Николай Адамович көҕүлээһининэн "Городки" оонньуу ыытылынна. Дьахталларга 1 м. - Амелия Сивцева, 2 м.- Алена Ефимова, 3 м.- Людмила Готовцева, эр дьоҥҥо 1 м. Николай Николаев, 2 м. - Михаил Белолюбский, 3 м. - Александр Белолюбский буоллулар.

Тэрийэр хамыыһыйа аатыттан, махтанабыт кэлэр кэнчээри ыччаты спордунан дьарыктанарга өрүү көҕүлүүр, чөл олоҕу пропагадалыыр күрэхтэр кылаабынай судьуйатыгар Николай Адамович Николаевка.

Спорду өрө тутун, чөл олоҕу батыһын, инникитин да ыытыллар тэрээһиннэргэ көхтөөх кыттыыны ыларгытыгар ыҥырабыт"

Иһитиннэриини бэлэмнээтэ Сивцева В.П., Баатаҕай нэһилиэгин баһылыгын солбуйааччыта

Бүгүн, СВОттан биир дойдулаахпыт, маршал Георгий Жуков аатынан мэтээллэх буойун-саллаат, улахан бааһырыы кэннэ, дойдутугар сынньана,
реабилитациялана кэллэ✊*

Кинини аэропортка ийэтэ, аҕата, дойдутун дьоно уонна бииргэ сулууспалаабыт уолаттара көрүстүлэр.

Уол санаата бөҕөх, биир ый кэннэ сынньанан баран өссө барабын диир.

Уолга ситиһиини, кытаанах доруобуйаны баҕарыаххайын✊️**

@uusaldan.ru