السلام عليكم ورحمة الله وبركاته

رسميًا، المنحة تُغلق أبواب التقديم لهذا العام.

عدد المتقدمين من ليبيا حوالي 2164 شخص، وهذا يعتبر أقل عدد متقدمين في أخر أربعة أو خمسة سنوات.

نسأل الله التوفيق والسداد للجميع إن شاء الله
نسأل الله أن يرزقكم الجنة بغير حساب إن شاء الله

نلتقي مجددًا للحديث عن المنحة عند وصول القبولات المبدئية إن شاء الله

والسلام عليكم ورحمة الله وبركاته

السلام عليكم ورحمة الله وبركاته

تذكير ❗️

المنحة تغلق أبوابها اليوم إن شاء الله

السلام عليكم ورحمة الله وبركاته

يلي مازال ما قدموش

غدوة اليوم يلي ما قبل الأخير قبل ما المنحة تصكر
مادابيكم تكملوا التقديم غدوة لأن أخر يوم في العادة وشبه ديما الموقع يكون عليه ضغط وبطيء

بالتوفيق للجميع إن شاء الله

السلام عليكم ورحمة الله وبركاته

القبول النهائي وصل لبعض الطلبة في ليبيا

شيّكوا على الايميل للناس يلي دارت المقابلة

لو في حد وصله القبول
ترا يتواصل معاي خاص ويبعتلي القبول

@bawendi2004

السلام عليكم

القبولات بدت توصل لليبيا ??

شوفوا ايميلاتكم

وصلوا القبولات لمصر اليوم حسب أخر الأخبار ..

السنة يلي فاتت مصر وصلها القبولات في حدود يوم 15/6 والقبولات في ليبيا وصلت بعدها بأسبوع تقريباً بتاريخ 23/6

يعني غالباً خلال الاسبوعين اهما مفروض يوصلوا القبولات لليبيا ?? إن شاء الله

مرات غدوة مرات الاسبوع الجاي مرات يلي بعده بس نسبة ضئيلة ان تتأخر

والله أعلم

المهم راقبوا ايميلاتكم ديما
ولو في حد وصلاته حاجة يقولي @bawendi2004
ولو سمعت حاجة نقوللكم بإذن الله

ربي يفتح عليكم إن شاء الله ..

السلام عليكم ورحمة الله وبركاته

القبولات قاعدة توصل للبلدان العربية ( اليمن، المغرب، لبنان، فلسطين … )

خليكم متابعين ايميلاتكم الأيام هذه يلي حاطينهم في الموقع امتع المنحة

لو في شيء جديد حنبلغكم بيه بإذن الله

بالتوفيق للجميع إن شاء الله

السلام عليكم ورحمة الله وبركاته

مازال 4 أيام وتصكّر المنحة

شن صار فيكم ؟

من يلي قدّم ومن يلي مازال ؟