الناشر احمد الفاطمي للنعي
يابو فاضل حالي مايخفي عليك
اني خادم وادري بيك اتروفني
مجلسك ترضاها ما اقره واجيك
وادري لو طحت ابشدد متعوفني
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 2 days, 5 hours ago
غريبه والااهل عنچ بعدين
يخت عباس توجع غربة الشام
ترى اليندفن عن أحبابه ابعيد
مو مثل الذي أبين اخوته ينام
تألمتي اشكثر من البعد الحسين
ابد ماساعه رحمت بيچ الايام
هم ضيم اليسرهم ضيم الافراگ
اعله بالچ دوم يمكن حرگ الخيام
التل الزينبي يبچي اعله طاريچ
ولحد الآن لچلچ لابس الثام
يزينب بينه حسره نزورچ نريد
ونبچي بحضرتچ يااخت الاكرام
كسر گلوبنه يازينب اعليچ
وحگچ صار يشبه كسرت الچام
سعد العبودي
نعي لسان حال الزهراء والحسن العسكري ع
إجيتك يالحسن وايدي على ضلعي
عله امصابك أون يبني ويهل دمعي
يم بابك أريد ابهل مسه أنعي
أنحب يوليدي اويه احبابك..مكسوره وكاسرني امصابك
يايمه لونك تنظر اعليه
لا تسألني يبني ليش محنيه
مصايبكم يولدي أثرن بيه
كل يوم انصب مأتم ليكم..وجروحي اتبچيني اعليكم
ماجافيت نوحي ولا أمل منه
كل ليله لواحد أمشي واتعنه
عد راسه أونن ونه من ونه
واعليكم موش اعله اضلوعي..أتحسر واتهل ادموعي
الكل واحد ييمه أگعد اقراله
عله الداسته الخيل وهضمو اعياله
ثلث تيام ضل وحالته حاله
عالشاطي امگطعين اعضيده..وعطشان ومذبوح اوليده
يايمه العزائك جيت منكسره
اويه احبابك أنوح وبالصحن أقره
على زينبكم ابچي وبالگلب حسره
واسمع هالوادم من تنحب..ماننسه امصابچ يازينب
عاشرت الحزن والحزن هملاي
يدمعاتي على الاولاد هملاي
آنه الوالده وكل يوم هملاي
وعليهم كل وكت أنصب عزيه
سيد علي الموسوي
#نعي **مولاتي فاطمة صلوات الله عليها
من غاب شخصک یا ولينه
علگت روايه الشر علينه
لفانه الصهاکي اوشیاطینه
اویاهم حطبهم شایلینه
نشدته اشعندك جاي لينه
اوكل يوم گلبي املوعينه
وحدنه ابعزانه دخلينه
بس ما لمحني اوزرگ عینه
عصرني اومني استافه دینه
وآمر على اشيوخ المدينه
تگود الفحل ليث العرينه
گادوا اوراسه امچشفینه
اوببنود سیفه امچتفينه
ينخه اولا واحد يعينه
وراه اطلعت ولها او حزينه
لاوین اصيحن ماخذينه
من شافني المشرچ ابدينه
رد لي اوسطر عيني ابيمينه
السيد المرحوم
عبدالحسين الشرع**#اللهم_عجل_لوليك_الفرج
#نعي غربة مولاتنا فاطمة العليلة
(صلوات الله عليها) ?**
درت ظهرك عليه ودار الغروب
مو علتي برحيلك گلبي مصيوب
چا ينعاف وحده الگلبه متعوب
تدروني عليلة الفرگة چندوب....
عليل وماهم اهله اشلون يرتاح
يتخيل هجرهم سيف ذبّاح
من رحتو صحت وگليبي هم صاح
تانوني اريد الگلبي سباح....
چا بس انا حلمي يخضّر اوداع
چا بس انا ارافگ دمعتي امتاع
اي ضاع العمر لمن رحت ضاع
وصفت بس للسهر أيامي تنباع....
بكل لحظة اموتن يخنگ البيت
ياهو الجاي انشدة هيچي ظليت
ردتّ ؟ أسمع خبر انا وتمنيت
رسالة! من ابوي يگلي رديت…
گلت لمن يجي اگعد وره الباب
وصير اگباله والبس احلة الاثياب
واگلة من لمرض جسمي بعد طاب
وترد لمتنه ترجع لمة احباب…
گلت لمن يجي يوصلي تعبان
بيدي ماي اشربه خاف عطشان
وين ادري تظل تاليها ذبلان
وبحر الرمل والشمس حيران…
من جانه بشر طلّع الي الروح
من گلي حبيبچ صار مذبوح
تغير لونه كله وصاير جروح
ثلث تيام باقي حسين مطروح…
اجت عمتي غريبة أدير بلعين
بقه راس برمح گالتلي الحسين
وگتلها رقية عمة ؟ چا وين
ماتت علطشت بدموع الونين
رحت يم الرباب وأنشد الصار
چا عبدلله؟ وينه شنهي الاخبار
معقولة السهم? واصل للزغار
كاروكه احترگ بلخيمة بلنار…
بگد راس السهم نحرة يَعمة
مو مالت سهم عبدلله نسمة
من گد العطش ما باقي دمة
عبدلله اشحلاته وذبل رسمة…
سبونه من بعد ما حرگو اخيام
تعبونه شكثر بلممشه للشام
غرايب من خذونه الروس جدام
خطوات السبي محسوبة اعوام…
زينب عمتچ صارت غريبة
ابدروب الشام مشوها عجيبة
مو بس السبي؟ هوّ المصيبة
بخرابة عمتچ هاية العجيبة…#محرم_1446هـ_ محسن الباوي**#اللهم_عجل_لوليك_الفرج
گلبي بغير حبك علي مو لاه
الكل حر وعبد اصبحت مّولاه
الكلام الكاله طه النبي موإله
كلام الباري و وحاه النبيه
نعي
السيد زينب ع تكول
وحـــك اليرضى بــس اعليك ورضاك
العرش و السمه تنوح اعليك ورضاك
الــحــافــر لـمـن داس اعليك ورضاك
وَصّــلْ دمّــك الــســابــع ثـريـه
السيده زيـنـب ع
إعتگي امـن الـحـزن يــا روح بيداي
الـگـلـب عافيته صـارت حـلـم بيداي
جمـعـت حسـين تـالـي الليل بيداي
الـضـوه بليل اكـثـر يـشـع ضيه
السيده زيـنـب ع
رَش ملحه اعله جرحي السوط وذره
اوفـيّ مـــا خــلــت الـشـمـات وذره
رقـيـه الـگـيـت مــن حـســـيـن وذره
وبـاقـي الــوذر صــارت واهليه
السيده زيـنـب ع
إرتبك چم كوكب بكوكب وذرات
مــن إسيوفهم بـالـنـحــر وذرات
بقيت مـحـيـره اخلافك
يريت الشوف ما شافك
الحافر ساحگ اشفافك
أدور بـالـحـوافــر خـــاف وذرات
كلما ألگه وذره أشبگ رقيه
السيده زيـنـب ع
لمن يسأل مصابي بدمع وصلاه
وتگله الحـره نبع الـحـزن وصلاه
جمعت حسين مـا خليت وصلاه
حرام النعمه تبقه اعله الوطيه
السيده زيـنـب ع
يراوي الجرح لهل الجرح صدره
وعلى سِلّم جــروح اليسر صدره
مــن كـالــو حسينچ ويـن صدره
كـتـلـهـم جـمـعـتـه آنـه او رقيه
السيده رقيه ع
مصيبة مـصـرعـك بويه عمتنه
وتصير إلمن بعد وجهك عمتنه
يبويه الخيمه مـن وجت عمتنه
وحــوافـر خيلهم هـوسـت بيه
واجاني اطراك من ابن الدعيه
السيده سكينه ع
مـو چـم يـوم چـن حسبت عمنه
مــشــه لـلـمـاي وتــأخـــر عمنه
يـمـكـنـهـن إسـهـام الـشـر عمنه
اووگع وگفه اعله شط الغاضريه
وكـتـب عـذريـن للـحـره او إليه
السيده زيـنـب ع
أصـيـحـن آخ مــــن الـسـوط مرآه
وموش اهـواي اعـاتـب ردت مراه
مــا تـنـجـرع طـبـت الـشــام مراه
مـاظـل حـجـر مـا شـمـروا عليه
وچـبـيـر ازغـيـر يـشـتـم بالزجيه
السيده زيـنـب ع
تعال الحك يبعد العمر شمتان
تره البل لكوفه والبشام شمتان
ردت من نحرك اخذ ولو شمتان
واموت عليك چـن موتت رقيه
او ولا أسمع يصيحولي السبيه
- الشاعر سليم الغزالي
#نعي#تراث **مقتل سيدي ومولاي علي الاكبر
صلوات الله وسلامه عليه
-تسايل بالدمع لوداع الأكبر
-ويگلبي ذوب لوداعه او تفطر
يويلي من تلاگوا عند الوداع
امشابگ طول لمن هووا للگاع
لاع ابنٍ لبيّه والأبو لاع
على ابنيّه يويلي اوداع الاگشر
يشم احسين خد ابنه او يحبه
او دمعه مثل دمع ابنه يصبه
والنار اللي ابگلب ابنه ابگلبه
يخفيها على ابنه او نوب تظهر
يگله والدمع بالعين دفاگ
ابعبره امكسره وابگلب خفاگ
يبويه اوداعة الله هذا الفراگ
يبويه اشبيدنه هذا المگدر
يبويه للسيوف اسدر او للزان
او لُوح ابغارتك واشلش الميدان
يبويه اليوم مرواحك لِلجْنان
او بالكوثر يبوي اليوم تِفطر
تحسر ويل گلبي وجذب ونّه
او منّ الماي آه انگطع ظنّه
عرف لنّ المنية دنت منّه
جره دمعه او للميدان سدّر
.
.
-شبل احسين للميدان سدّر
-او خلّه الخيل بالهامات تعثَر
سدر والكون شابچ زان واسيوف
نشّاب او نَبِل وارماح واحتوف
ما والله رجف گلبه امن الخوف
ولا وجهه من اشراگه تغيّر
هز غدارته او ذبّ العمامه
نِشر راسَه اسم الله اعله النشامه
خز اگلوبها او شرّگ الهامه
او لَف راياتها وللسّرب نشّر
عگب ما شرّگ الهامات والطاس
اجتّه ضربة العبدي على الراس
ضعف واتواردو بسيوفها الناس
شبگ عالمهر ويلي والمهر فر
.
.
-على ابن احسين يا گلبي تفطر
-شبگ علمهر ويلي والمهر فر
شبگ عالمهر لبّاله يودّيه
لبوه احسين عنّ الگوم يحميه
أويلي المهر للعدوان فر بيه
وأوچب آه بِموسط العسكر
داروا بالسيوف عليه والزان
مثل چتال سبع المات فرحان
عسى ابعيد البلا وليته العدوان
أراذل بالمعايب دوم تفخر
هذا يگطع ابسيفه وريده
او هذا بالخناجر فصّل ايده
او هذا يغط من رمحه الحديده
ابخاصرته وهو يعالج او يفْغَر
ثگل بيه الطبر وتلوج روحه ?
اومحد عرف غير الله اجروحه
دِمَاياته على احصانه سفوحه
لمَن خرّ ابهناديها اموذّر
نده يحسين هذا الساع جدي
سگاني الماي واروى عطش چبدي
يگول اسرع تراك اليوم عندي
أويلي احسين صاح: الله واكبر
.
.
-أويلي احسين صاح: الله واكبر
-يبوي ليش هالنومه ابهالحر
گعد عنده او شافه امغمض العين
ابدمّه سابح امترّب الخدين
متواصل طبُر والرّاس نصّين
حنه ظهره على ابنيّه او تحسّر
يبويه گول منهو الشرگ راسك
ينور العين من خمّد انفاسك
يعگلي من نهَب درعك او طاسك
يروحي اشلون اشوفنّك امطبّر
يبويه من عدل راسك او رِجليك
او من غمض اعيونك واسبَل ايديك
ينور العين كل سيف الوصل ليك
گطع گلبي او لعند احشاي سدّر
يبويه من سمع يمّك ونينك
من شبحت لعند الموت عينك
للعشرين ما وصلن اسنينك
او حاتفني عليك الدهر الاگشر
اريد امسح اجروحك واشم خدك
واحط صدري على صدرك ووسدك
ما راعوا يبويه حرم جدك
واجت زينب تصيح: الله واكبر
الشاعر المرحوم محمد بن نصار**#اللهم_عجل_لوليك_الفرج
#نعي **السيدة العليلة ﴿ صلوات الله عليه ﴾
بـهروش گـلـبي تـمدد فراگ
هاذا الدهر چتال لو ضاگ
بنتك يبويه هواي تشتاگ
موش ولامنا أدريه لفراگ
يمر العصر يشتاگ چفي
كلش كبر يبعيد لهفي
گبل الذبح ياريت تلفي
من الدمع يحسين نزفي
أنعاك بين جروحي ولحال
يحز بلعظم لفراگ چتال
ردتك الك ماريد مرسال
يعذب الگلب لفراگ لو طال
چل الحزن و الحيل مو زين
ترجع أليه أنخاك يحسين
تنشف صدك بچفاك يا عين
دچ الگلب لفراگ سچين
الشاب علي حسين الخفاجي**#اللهم_عجل_لوليك_الفرج
يا لثارات البقيع
عـليـك بـفـاطـمـه الـزهــره .. وبنها
يـمـهـدي اعـلـن ضليمـتـهـم .. وبنها
أگــبــور الـهَـلــك شـيّــدهــا .. وبنها
وخـلـي انـشـوف مـرقـد للـزچـيــه
------------------------------------*
يـضـل دسـتـور لـلـعـالــم .. عـلـمـهـم
ويجي يوم اليرف بالجو .. عـلـمـهـم
چـف الـجـسَـر بالسـطـره .. على امهم
فـجــعـنــه وعـاد يــوم الــغــاضــريــه
----------------------------------------------*
✍خادم الحسين (ع)
الشاعر رعد الجريخي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 2 days, 5 hours ago