Шейх Әли Һанидің (Алла оны сақтасын) «Ажрумия» кітабына жазған «Тасһил» атты түсіндірмесінің жаңа нұсқасы жарық көрді. Бұл кітаптың деңгейі «Таудих» кітабынан кейін тұрады.

https://youtube.com/playlist?list=PLze1ugoPx4vj6stuooWD3GmhLDA-bs3Tm&si=g3PoZN00f5AWqECO

Матуриди мектебінің майталман ғалым тұлғалары:

1) Әбу Мансұр әл-Матуриди.
Матуриди мектебін құрушы тұлға
Мұхаммед бин Мұхаммед бин Махмұд Әбу Мансұр әл-Матуриди. Хижра жыл санау бойынша 333ж – 944ж Самарқанда өмірден өтті.
Еңбектері: әт-Таухид кітабы, әл-мақоләт, баян уаһмил-мүғтәзиләһ, әл-фиқһул-акбар түсіндірмесі, әл-жәдәл, тәуиләтул-Құран.
Ілімдегі ұстаздарының тізбегі : Әбу Бәкір Ахмет әл-Жузжәниден ілім алған. Әбу Бәкір Ахмет әл-Жузжәни Әбу Сүлеймен әл-Жузжәниден ілім алған. Әбу Сүлеймен әл-Жузжәни Мұхаммед бин Хасан әш-Шәйбаниден ілім алған. Мұхаммед бин Хасан әш-Шәйбани Абу Ханифадан ілім алған.
Шәкірттері: Әл-Хаким әл-Қоди Ысхақ бин Мұхаммед әс-Самарқанди, Әли бин Сағид Әбул-Хасан әл-Рустуғфәни, Әбу Мұхаммед Абдул-Кәрім бин Мұса әл-Бәздәуи.
2) Әл-Хаким әс-Самарқанди.
Ысхақ бин Мұхаммед бин Исмайыл Әбул-Қасым Әл-Хаким әс-Самарқанди. Хижра жыл санау бойынша 342ж Самарқанда өмірден өтті. Әбу Мансұр әл-Матуридидің шәкірті. Самарқанның өте ұзақ мерзім қазысы болған.
Еңбектері: әс-сәуадул-ағзам, әс-сахайф әл-иләһияһ.
3) Әбул- Муғин ән-Насафи.
Маймун бин Мұхаммад бин Мұхаммад бин Муғтәд бин Мұхаммад бин Мәкхул бин әл-Фафл Әбул- Муғин ән-Насафи. Хижра жыл санау бойынша 508ж – 1115ж өмірден өтті. Бұхарада өмір сүрген.
Еңбектері: әт-Тәмһид ли қоуайд әт-таухид, табсиратул-әдилләһ, бахрул-кәләм, әл-ғумдәһ фи усулид-дин, әл-алим уәл-муталлим, идохул-мәхаджәһ ли кәунил-ақли худжәһ.
Шәкірті: Аллауд-дин Әбу Бәкір Мұхаммад әс-Самарқанди.
4) Нәжмуд-дин ән-Насафи.
Омар бин Мұхаммад бин Ахмед бин Исмайыл Әбу Хафс Нәжмуд-дин ән-Насафи. Насаф қаласында хижра жыл санауы бойынша 462ж дүниеге келіп, 537ж Самарқандта дүниеден өткен. Атақты әл-ақойд ән-Нәсафияның егесі.
5) Әс-Сайд әш-Шәриф әл-Журжәни.
Әли бин Мұхаммед бин Әли әс-Сайд Әш-Шәриф әл-Журжәни. Хижра жыл санау бойынша 816ж - 1413ж Ширазда өмірден өтті. Ол Сағдуд-дин әт-Тафтазанидің замандасы еді. Әмір Темір әл-Журжәниді әт-Тафтазаниден артық санайтын. Жазған еңбектері 70 асады. Еңбектерінің көпшілігі кәлам мен мантық және араб тілі ілімдеріндегі кітаптарға жиек жазба мен түсіндірмелер.-
6) Сағдуд-дин әт-Тафтазани.
Масғұд бин Омар бин Абдулла әт-Тафтазани. Хижра жыл санауы бойынша 722ж Хорасанның Тафтазан қаласында туылып, 791ж 69 жасында Самарқанда өмірден өткен. Сархаста өмір сүрген. Кейінірек оны Әмір Темір Самарқандқа қарай шеттетіп жіберген. Сол жерде қайтыс болған. Әмір Темірдің кеңесшілерінің бірі болған. Әл-Журжәнидің замандасы. Өз заманында ең үлкен ғалымдардан болған. Барлық ілімде өз ізін қалдырған кісі. Араб тілі ғылымдарында, ақыл және нақыл ілімдерінде жоғарғы деңгейлі ғалым болған. Осы салаларда жазған барлық еңбектері Ислам медреселерінде заманымызға дейін ғасырдан ғасырға оқытылып келе жатыр.
7) Алауд-дин әл-Бұхари.
Мұхаммед бин Мұхаммед бин Мұхаммед бин әл-Ала, Әбу Абдулла әл-Бұхари. Хижра жыл санауы бойынша 779ж – 1377ж дүниеге келіп, 841ж – 1438ж Дамаскіде дүниеден өтеді. әт-Тафтазанидің шәкірті. Ақыл мен нақыл және араб тілі ілімдерінде өте мықты дәрежедегі ғалым болған.
8) Кәмалуд-дин ибн әл-Һумам.
Мұхаммед бин Абдул-Уахид бин Абдул-Хамид бин Масғұд әл-Кәмәл бин әл-Һумам. Хижра жыл санауы бойынша 790 ж дүниеге келіп, 861ж 71 жасында Каир қаласында дүниеден өтеді. Хидаяның шархы фатхул-қадирдің иесі.
9) Әл-кәусари.
Мұхаммед Зәһид бин әл-Хасан бин Әли әл-Кәусари. Хижра жыл санауы бойынша 1296ж – 1879ж Дюздже қаласында дүниеге келіп, 1371ж – 1952ж Каирда дүниеден өткен.
Осы ғалымның еңбектерін көп оқу керек.

شرح_الرضي_على_الشافية_لابن_الحاجب_ج4_.pdf

شرح_الرضي_على_الشافية_لابن_الحاجب_ج3_.pdf

شرح_الرضي_على_الشافية_لابن_الحاجب_ج2_.pdf

شرح_الرضي_على_الشافية_لابن_الحاجب_ج1_.pdf