مرتبـط؟

التعليقات في قروب دردشه خاص بقناه

_» سلام عليكم :

_» محبين قناة روايات ليبيا «_

_» قناه روايات تريد منكم التفاعل
علي كل روايه بدون استثناء

_» اليوم سيتم ايقاف:
«_رواية: طورارئ «_ (الحلقه السابعه)

_» بسبب تقصيركم في حق (قناة روايات) بسبب تفاعل:

_» غدا سيتم تنزيل: (الحلقه السابعه)

_» واذا لم يكون هناك (تفاعل مختلف علي الروايه)
_» سيتم( ايقاف الروايه)

✂️꒐ حجره ورقه مقص
👤꒐ اضغط للعب مع (بّـنـٌت شـمِـ͡ـوُخ)

وين تفاعل مختلف علي رويات 🌷❤️

هاني >> وين سارح ؟
بلال>> قاعد معاكم بيستلمني توا خطاني
هاني >> شنجو الحاجه خطرها
بلال>> قاعده مسكينه كويس انه معاها ام حسن عشان ما تقعدش بروحها
زيدان>> و يونس ؟
بلال>> برضو ام حسن دايره بالها عليه
هاني>> باه وانت من راد باله عليك ؟
بلال بحت في زيدان>> حوله من حذايا هضا
زيدان>> غير معاه الحق راه😂 بنفرحو بيك ازف بحت شعرك بدا يطلع الشيب
هاني >> احبيه اربعيني 😂*😂
بلال>> اربعيني من مازلت ازح احبيه ثلاثيني 😂
زيدان>> احبيه وخلاص 😂
بلال>> سقدونا بمكرونتكم اللي تقول اطيبو فيها علي لحم جمل
هاني >> مكرونه علي كيف كيفك
بلال>> معناها مكرونه حشا النعمه
زيدان>> زي كل مره 😂*😂

ولاء >> يا امي خذيتي دواك
امها >> خذيته اه
ولاء >> كليتي باهي
امها >> اه انا و طارق قبل ماتنوضي درنا سفره مابيتش انوضك
ولاء >> اه امس روحت متآخر ونعست
امها >> لعند امتي يا بنتي المرمده هذي
ولاء >> مرمدت شنو. ؟ هذي هي الشغله لي نطلع منها في فلوس و هذي الشغله لي معيشتنا اصلا
امها >> نبي نتريح عليك مانبيكش تعيشي عيشة مرار وعذاب كيف عيشتي
ولاء>> متريحه وما ناقصني شي فكينا من نفس الكلام ... وكان بتفتحيلي سيرة الافندي راه خلاص خطبة وانفسخت مش اول ولا اخر وحده تفسخ
امها>> بس هو يبيك ورد عليك
ولاء >> يا امي افهميني طارت منه النيه خلاص معش نحبه و بعدين نقعد مع حد يذلني عشان بس نعيش عيشة كويسه ؟ نعنبو العيشه اللي بالذل
قاعده نشتغل معززه مكرمه ونحصل في فلوسي بتعبي
امها>> ماعندي مانقولك
ولاء>> ما تقولي شي طارق طلع ؟
امها >> اه
ولاء>> بنصبي نشوف حاجه ناكلها

صبت ولاء وامها مازالت مش مقتنعه بكلامها

يوم الجمعة

كان عندي دوام صباحي فالمسشتفي

خشيت لقيت ولاء عالريسبشن ومعاها حذيفة ورنيم

انا>> صبح صبح
هما>> صباح النور
وشوشت ولاء>> كنا حذيفه يبس هنا
ولاء>> صبح يا فتاح

وبرمت تجيب فالاوراق وانا نضحك عليها
خش علينا بلال

بلال>> صباح الخير .. رنيم الحقيني
رنيم >> باه

مشى ولحقاته رنيم و انا بحتت فيه بطرف عيني

انا>> رنيم ننننننننننن
حذيفة >>😂😂
ولاء >> عدي اركبي جيبي قهوتك 😂
انا>> راكبه

ركبت فوق الايهاب >> صباح الخير
ايهاب >> جمعتك مباركه
انا>> نبي قهوة يا ايهاب مش اشر من فراق الحبايب ؟ لا اشر من فراق الحاجات كلهن
ايهاب>> ياساتر علي هالجمعه😂😂شن في
انا >> انت بروحك قلتها جمعة تو عليش جايين وبعدين انت تفتح الجمعة ليش
ايهاب >>بدال ما نتعارك مع هلي فالحوش نجي هنا احسن 😂
انا >> صدقت ياريت بابا يتعلم منك 😂😂

خذيت القهوه ونزلت لقيت بابا قدامي

انا >> لا شكله تعلم بسرعه

مشيت شوره >>حمادي
بابا >> ياعليك حاله وخلاص
انا >> في اب يحكي مع بنته هكي
بابا>> لما تقعد البنت انتي ينحكى ونص 😒
انا >> ماقتليش جاي اليوم
بابا >> عندي عملية بعد ربع ساعه وبعدين كنك تبرمي تقول مستشفى بوك؟؟

"بحت لقى دكتور ماهر مخطم "

بابا>> ماهر عندك حاجه ؟
ماهر>> طوارىء
بابا >> خوذها معاك هي
ماهر يضحك>> بسرعه بسرعه هي
انا >> بابا؟

فك مني القهوه وعدا

دكتور ماهر صفق بيديه>> هيا هيا مفيش وقت
انا >> اووووووف اوفففففف

وانا ماشيه الدكتور ماهر شفت دكتور بلال طالع مستعجل من الغرفة وطالع من المستشفي بكل
برمت ومشيت كملت شغلي

بعد ساعتين ⏰

بلال>> انت كويس ؟؟
يونس هز براسه

رنيم >> كويس يا دكتور مافيش شي خذا اكسجين و تمام شوية مشاكل فالنفس بس ويحافظ علي روحه

بلال>> نعرف شنو عنده

نزل يونس من السرير ومشى مع بلال

كنا كلنا شبه مكملين شغلنا كنت مصبية نحكي مع بابا ... وولاء وحذيفة ينضمو في اوراقهم ومصبيين في نفس الجهة

انا >>انت اسبقني في حوش جدي وانا نكمل كم حاجه ونكلم منير

بابا >> خلاص تمام

مع طلعة بلال في يده يونس

بابا >> اوووو بلال كيف حالك
بلال نزل يونس من يده >> دكتورنا الحمدلله والله شن امورك
بابا>> تمام ماشي

يونس ماسك في بالطو بلال من لاوره ويكر فيه >> بابا

بلال>> نعم يا بابا نعم

انا ؟؟؟؟؟؟
ولاء ؟؟؟**
يتبع

https://t.me/lZ_1p/s/115

معناها اطلعني فالليل ناخذ هدية ؟
بابا>> خلي منير يشيلك
انا>> يييي علي منير اليوم روح بيا يعطب ويشطب فكني منه
ماما>> لو بترقد عطيني السيارة نشيلها انا
انا >> باه ليش ما تخلوني انا نطلع ونجي
بابا>> معش تحكيلي فالموضوع هضا بكل بعد لي صار خلي امك تشيلك و ما طولوش بس وردي بالك

جا يبي يخش ، صبيت قدامه

بابا>> شن تبي
انا >> فلوس "ومديت يدي"🙂
بابا>> اللهم طولك ياروح "وخش قدامي"
انا >> يعني نمشي نشري هدية بالدين مثلا 🙄

عطاني فلوس ولزني برا الدار 🙆🏻‍♀️😂

طلعنا انا وماما للمحلات اللي حذانا
ماما>> لنا ساعة نبرمو هيا
انا >> استني بس امشي قدام شويه فيه كم محل متاع هدايا
ماما>> الصبر

قعدت تبرم بعد شويه قتلها>> وقفي وقفييييييي
ماما>> بسم الله
انا>> ح ننزلو هنا
ماما>> لا انزلي بروحك نرجاك هنا انا

سقمت لبستي ونزلت للمحل اللي مصبي قدامة بلال بالصدفة 😌 طبعا ماشية ودروحي مش فاطنة وهكي 🙂

بلال>> اوووو بنت الدكتور
انا >> اسمي ش ي م ا ء !
بلال >> نسينا
انا >> ديما ناسي 😒

فتحت باب المحل وخشيت ، خش بلال وخش وراه الشاب اللي مصبي معاه وطلع هو صاحب المحل 🙆🏻‍♀️

بلا و متكي ع الساس >> شن تبي ؟
انا >> مش عارفة بنشوف هدية لقريبتي عيدميلادها بكرا
بلال>> زيدان طلعلها الحاجات السبشل 😌😂

زيدان>> ممكن تطلع تكمل دخانك برا وتخليني نشوف شغلي ؟
بلال>> مافيش احترام ابدا 🙆🏻‍♀️
انا>> صدق راك مزعج بكل 😌😂
بلال >>مدام هكي مش طالع "وخش جهة الكاش و قعمز"

قعد زيدان يوري فيا فالحاجات واخر شي خذيت زي السيت فيه كريمات ولوشن وعطر مع بعضهن و كانن مغلفات اصلا

انا >> ايوه هذي حطها في كيس بس
زيدان>>تمام
انا >> بكم ؟
بِلال>> لا ماعندنش بنات يدفعن
انا >> هو مش عيدميلادي راه ! عيدميلاد بنت عمو
بلال>> بنت عمو بنت جيرانكم خلاص توكلي
زيدان>>تدفعهن ليا راه !
بلال>> الله يفضح بيك 🤦🏻‍♀️
انا >> لا والله ماتجيش لازم ندفع
بلال>> قلنا خلاص عاد ح نقعدو نتعازمو كيف الصبايا ؟

انا "معش بيت نكثر قلت الفلوس اللي معايا نشري بيهن عشا 😂">> اوكي ، وبحتت في زيدان ح نجي مره ثانيه ولو ما دفعنهش لكي ح نتفاهمو

زيدان"ضحك">> تمام 😂

طلعت للسيارة وانا ابتسامتي من الوذن للوذن

ماما>> كان تختاريلها في طاقم الماس را طلعتي بسرعة
انا >> ماهو احترت في كم حاجه سمحه
ماما>> باهي
انا >> قتلك تكيلنا علي مطعم جيعانه
ماما>> ماجبتش معايا فلوس
انا>> انا معايا اصلا المحل مش غالي طلع 😌😂

ثاني يوم قلت المنير يتكي عليا ياخذني للمستشفي

منير>> باتك وين
انا >> راقد ماعندش شغل اليوم
منير>> وامك ؟
انا>> كنك قعدت تذمر كل ما نقولك وصلني ؟ شنو هضا عاد
منير>> كثرتي
انا >> شكله المعلومات اللي سمعتهن صح
منير>> اي معلومات ؟؟؟
انا >> بتخطب ما بتخطب 🙂
منير"ضحك">> وانتي في رايك يعني حتي لو خطبت نبي نتغير عليك ؟
انا >> حتي انا قلتها مستحيل نيرا يتغير عليا اصلا مستحيل تخطب من غير ما تقولي
منير>> لا صح بنخطب
انا انصدمت >> كيف هذي ؟؟؟ وكنك ماقتلي !

درس السيارة قدام المستشفي >> خشي وتو نحكيلك بعدين
انا >> كيف يعني بعدين ؟ بنعرف توا مش نازله
منير >> خرفي عاد ، اصلا انا نبي نحكيلك كنت بس بعدين خلاص عدي
انا >> منير شن فيه ؟؟ مش متريحة انا !
منير >> بتنزلي ولا نرن علي عمي محمود؟
انا >> نازلة يامنير 🙄

نزلت وخبطت الباب وخشيت للمستشفي
منير يضبح >> البااااااب يا وحش الباب

خشيت وما عبرتش

كان بلال دوبة واصل و لابس لبس العمليات عندة عملية ، كان مصبي ع الريسبشن عند ولاء تعطي فيه فالاخبار 🙂

خشيت انا زي القضا المستعجل ع قول المصرية 😂🙆🏻‍♀️

ولاء>>قولي صباح الخير يابتي
انا >> صباح الخير يابتي ، عوض وين
بلال>> مازال ما جا😂
انا >> يجيب فيا بدري وهوا يقعد راقد في حوشهم لا تمام بكل
بلال >> عندي عملية تخشي تحضريها معايا ؟ ومنها تستفيدي ؟
ولاء >> نخش انا عادي 🤤
بلال>> 😂😂😂
انا>> خليك في شغلك اوك😂 ؟ "وبحتت في بلال " ثواي نوتي روحي

خشيت للغرفة و غيرت دبشي ولبست دبش العمليات و غسلت يديا وعقمتهن وحطيت الكمامة و صبيت قدام الغرفة شويه وجا بلال

الممرضة>> الغرفة جاهزة يا دكتور
بلال >> تمام "بحت فيا " حاضرة عملية من قبل ؟
انا >> هلبتها مرحلة حضرتي عملية 😒 كملتها سنة التدريب خلاص
بلال >> تمام 😒 وين نندري انا

يحسابني ما نعرفش ولا مش دكتوره مثلا🙄

خش بلال وخشيت وراه ، كانت عملية زايدة مش حاجة كبيرة ، بس كان مركزززز في شغلة تركيز عميق بكل ! كانن ملامح وجه جدّية وقاسية بكل

كنت نبحت فيه وبدال ما نركز في الشغل قعدت مركزة في تفاصيلة !

بلال>> شيماء المقص !

انا سرحانه

بلال>>

يتبع