**يا حبيبي العزيز
تعال !
أمسكْ يدي
اقتل وحدتي
امنحني الحب
الذي يعطيني القوة التي ستساعدني للتغلب على الطريق المحفوف بالمخاطر أمامي.

ـ دانج ثوي ترام
| ترجمة عُلا سعد |**

أنا جداً مبسوطة بكل الأفراد الجدد، والأصدقاء القدامى، رغم أنه ما بهمني عدد بالقناة ... بنبسط أنه في أفراد بيعتبرو الأشياء ال ببعتها هنا هي مصدر دعم وتشجيع وهاد اشي أنا جداً بعتزّ فيه .. وأهلا وسهلا بكل حدا هنا???

جماعة بعرف حكيت كتير، بس لا تعملولي ميوت، مش بكفي الواقع عامللي ميوت، لا تلغوا جناحاتي لو سمحتو ..

وكمان مرة صباح الخيرات لأحلى الأصدقاء والصديقات ??

**الجزء الأكثر حزناً، هو أنني ربما سأحبك دون أن تكون موجوداً معي، لفترة أطول بكثير من تلك التي أحببتك فيها عندما كنا معاً.
يجد بعض الناس ما أقوله غريباً، لكن الحقيقة هي أن مقدار الحب الذي تشعر به تجاه شخص ما والتأثير الذي يحدثه عليك لا يتناسب بأي حال من الأحوال مع مقدار الوقت الذي كنتما فيه معاً.

ـ راناتا سوزوكي
| ترجمة : عُلا سعد |**

**على الرغم من أنني كنتُ أعلم في قرارة نفسي أن كثيراً من الناس شعروا بمثل هذه الخسارة
إلا أن هذه الخسارة خسارتي، وهذا ما يجعلني  أشعرُ أن أحداً لن يفهم ما أعانيه أبداً.
ولأن شعوري بالخسارة مسألة شخصية للغاية، فأنا أعرف في قرارة نفسي أن محاولة شرح الشعور بالوحدة والألم الذي أشعر به، حتماّ ستكون بلا جدوى.

ـ ليندا هاولي
| ترجمة عُلا سعد |**

**يا حبيبتي العزيزة، أعلم أنكِ تشعرين أحيانا بالارهاق الشديد بسبب الحياة,
بسبب ضخامة كل شيء
بسبب اتساع الاحتمالات
بسبب التعدد الهائل في وجهات النظر المطروحة أمامكِ.
أعرف أنكِ تشعرين بالضغط الشديد بسبب كل الأسئلة التي لا تجدين إجابة لها، بسبب كل الأمور المُلِّحة التي من المفترض أن تعالجيها.
أعرف طبيعة المشاعر القوية التي تغمركِ وأنتِ تحاولين حل كل شيء بطريقةٍ ما، وإنجاز الأمور بسرعة وأن تكون في موعدها المحدد، وأعرف أنكِ أحياناً تصلي لمرحلة تحاولين فيها أن تتوقفي عن المحاولة.
أعرف يا حبيبتي أنكِ مرهقة، مرهقة من المحاولة، وعدم المحاولة، وأعرف أنك تكافحين من أجل استعادة ثقتكِ بالحياة.
أعرف أن هذا أكثر مما تستطيعين احتماله، لكنكِ حتماً ستتغلبين على كل شيء. أنتِ فقط مرهقة، وهذا ليس فشلاً منكِ أو خطأ تشعرين بالذنب تجاهه. بل هو أمر عليكِ أن تتقبليه من أجل أن تحصلي على بعض الراحة لتستعيدي طاقتكِ من جديد .

جيف فوستر
| ترجمة عُلا سعد |**

قصة مالها لزوم، ويمكن كتير سخيفة كمان ...

أنا حدا عندي فوبيا من القطط، برتعب منهم وحتى ما بقدر أتطلع فيهم ولو بصورة بالتلفون ..

لما نزحنا وكوننا عايشين اصلا هيك بمكان شبه صحرا وبس خيام، ف طبيعي فيه قطط وكلاب ... المهم جوا الأرض ال احنا فيها، فيه كذا قطة .. المهم أول ما جينا قبل 5 شهور، كنت أرتعب منهم، أحس اذا شفتها دقات قلبي تزيد .. لما بدأت ألاحظ قديشهم هزيلات بدأت اتجرأ وأشوفهم، وأحس أنه بيقطعولي قلبي

كنا نفتحلهم علب اللحمة ال بتيجي بالمساعدات، ما كانوا يقربو عليهم ( المساعدات ال صارعين الدنيا فيهم، حتى القطط ما بتقبل تاكلهم) ..

المهم، جرادل المي برا، كانت أمي تحكيلي أغطيهم عشان ما ينزل فيهم غبرة ورمل، وهي اصلا مية بحر ومش صافية وأصلا مرضنا كتير بسببها وأمراض جلدية وقضينا كل الصيف بحساسية، ولحتى الآن جلودنا مطبعة، المهم ما علينا، بس لاحظت أنه القطط بيجو بيشربو منهم، ف صرت أنه أخلي طشت مي بدون ما أغطيه ( أنا بخاف منهم، ما بتحمل أشوفهم أصلا، بس فيه جواي اشي كان يقول حرام، كمان الحرب عليهم) ..

المهم، صارلنا تقريبا شهر هنا بالجنوب، الحاجات قلت، وطبعا الشمال معدم ما في داعي نحكي عن الحصار ال صاير، الطحين ال بنعجن منه وبناكل منه هو مسوس وأوقات مدود، ومضطرين عليه نخبزه وناكله، المهم احنا بس عرفنا وشفنا السوس جوات الطحين، بطلنا ناكل غير بس نجوع نجوع، لأن شفناه بعيوننا، بس يعني لما نضطر ونجوع ع الآخر على الآخر .. المهم ما بدي أفوت بمليون قصة ..

القطط صرنا نحطلهم خبز، وصارو ياكلو الخبز، علبة الصلصة بس عملنا معكرونة، أكلوا البواقي ال بأطراف العلبة، الفاصوليا بياكلوها، كل اشي إلا اكل القطط .. ما بتخيل حدا عمره شاف قطة بتاكل خبزة ! أو بتاكل دقة

هلا أنا يمكن مبسوطة أنه رغم أني ما بحبهم وبخاف منهم، إلا أنه بعطف عليهم، بحطلهم أكل وبشرد، صح بحطلهم خبز وأشياء مش اكل قطط، بس أنه هاد المتاح .. حسيت أنه أنا لطيفة حتى مع الكائنات ال ما بتقبلها، جواي شي بخليني بدي أساعد لو بشو ما كان، المهم أنه قدرتي

بسأل حالي، يا ترى ليه العالم ما يعاملنا هيك, حتى لو ما بحبونا، معقول ال بصير عنا، ما بيحرك جواهم ولا شوية شفقة !

إنه كيف إنسان ربنا خلق جواه قلب، يكون هيك كله قسوة، هيك قسوة على طول .. قلب ما بيحس، بشوف الموت والتجويع والإبادة وما بيتحرك .. طيب كيف بيعيشو ! عنجد كيف

**الأشخاص الذين تعرضوا للأذى في طفولتهم يظهرون حتماً قوة غريبة، وحكمة داخلية عميقة، وإبداعاً وبصيرة لا مثيل لهما.
لأنه في أعماقهم - تحت الجرح مباشرة- تكمن روح حيوية، ومعرفة هادئة، وطريقة لإدراك ما هو جميل وصحيح وحقيقي.
ولأن تجاربهم في مراحل حياتهم الأولى كانت مظلمة ومؤلمة للغاية، فقد أمضوا جزءاً كبيراً من حياتهم في البحث عن اللطف والحب والسلام.

واين مولر
| ترجمة عُلا سعد |**

**أنا جشعة للغاية، أريد كل شيء في الحياة : أريد أن أكون امرأة، وأن أكون رجلاً.
أن أكون اجتماعية وعندي أصدقاء كُثُر، وأن أكون وحيدة.
أن أعمل كثيراً وأكتب كتباً جيدة، أن أسافر وأستمتع بكل شيء.
أن أكون أنانية، وغير أنانية
أنا أعرف أنه يبدو مستحيلاً جداً ما أريده
ومع ذلك أكاد أجن غضباً عندما أفشل في ذلك

ـ سيمون دو بوڤوار
| ترجمة عُلا سعد |**

رح أشيل هادول الاعلانات بصراحة كتير مزعجين ..

بلاهم المتابعين، عمرينهم ما زادوا

بس كتير حاسة اشي مزعج ومش مريح ..

وعشانكم كمان .. ما بدي ياكم تكرهو القناة وتبطلو تفتحوها بسبب هاد الاشي