كبرت وعرفت إن
العيون طلعت تكذب عادي
وإن مافيش حد يتغير حتى لو إعطيته فرصة تانية
وإن فاقد الشي هوا أكثر حد يعطيه
وإلي إنكسر مستحيل يتصلح بس يتعوض بالأحسن
ومافيش حد حـ يتقبلك بكل حالاتك
وإن الحُب مش كُل شيء
وإن كرامتي فُوق كل شيء
وطلعوا الناس من بعيد أحلى
وإن مش ديما القراب منك بالدم هما اللي حيكونوا سندك وح يتمنولك الخير
ويلي يحبك يقدر يدير كل ما في إستطاعته وأكثر عشان يكون معاك ♥️

من خان حي الصلاة ، تخُونه حي على الفلاح وميزان الله أعدل.

بينما أنت ممكن تكون ناسي
لكن ربي مش ح ناسي مواقفكو وقفاتك مع ناس وانتَ اصلا في وقتها كنت محتاج من يوقف جنبك ويسندك
ولا ضحكتك وبهجة وكلامك القنين اللي تقول فيه لغيرك وانت من داخل زعلان ومطفي وخاطرك ضايق من هلبا حاجات
ولا ناسي صبرك على ظروفك والمشاكل اللي صايره معاك وكل شعور مش حلو انت حسيت بيه
ربي مش ناسي السعي المستمر رغم انعدام القدرة والشغف بس إيمانك بيه وبآياته الحكيمة اللي تقول

( وَأَن لَّيْسَ لِلإِنسَانِ إِلاَّ مَا سَعَى, وَأَنَّ سَعْيَهُ سَوْفَ يُرَى , ثُمَّ يُجْزَاهُ الْجَزَاء الأَوْفَى )❤️
العوض ح يكون كبير على قد تعبك وأكثر .

اللي مسح دموعك واللي سهر معاك طول الليل باش ما تقعدش بروحك غير اللي قالك كلنا نعانوا
اللي جاك باش يوقف معاك غير اللي يقولك لما تبي حاجة كلمني ،
اللي فات طلعته وجاك واللي فات شغله وجاك غير للي خلاك لين يفضالك
مافيش حد مشغول 24 ساعة هي مسألة أولويات
واللي يبي يكون موجود حـ يكون موجود واللي يحبك حـ يكون معاك وغير هكي حـ تكون مسألة تأدية واجب فقط 🤍

لو يرجع بيا الزمان
ما كنتش حـ نكون واضحة مع الكل ، ولا كنت حـ نحكي سري لإي حد ، وماكنتش شكيت همي لغير الله ، ولا كنت استسلمت لمشاعري في لحظة ضعف وطيش ، لو يرجع بيا الزمان مابكيت ولا نزلت دمعة على خاطر حاجة سخيفة ، ولا كنت حكيت طموحاتي وأهدافي والحاجات اللي نحبها وللي تسعدني لحد ، كنت حـ نكون أكثر إيمان بالله وبإن
( وَعَسَى أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ )
وحـ نؤمن بإن في حاجات في حياتك ضروري تكون private 🤍

‏"ربي أنتَ الذي آمنت روعاتي واخترت طُرقاتي، ووهبتني
‏ ما طلبت، وحفظتني مما رهبت، وأغدقت عليّ بِالنِعم
‏غيثًا لا ينفذ، فَلك الحمد حتى ترضى"♥️..

‏شَعبان، رمضَانُك المُصغّر فهيئ قلبَك .♥️?

وفي أول ليلة من شهر شعبان ♥️

عسى الخفايا من الأقدار تبهجنا، وعسى الجديد من الأيام يُحيينا.. عسى أن يمسح الله على قلوبنا قلبًا قلبًا، وأن يسكن في أرواحنا من لدنه الطمأنينة، ويعطينا لحدّ الرضا والغنى.

عسى الله أن يقوينا بثبات اليقين كلما واجهتنا عاصفة هوجاء، وأن يدخل العافية والسرور إلى منازلنا وقلوبنا وديار أحبابنا.

عسى رب الفؤاد يقرّ أعيننا، ويجمعنا بآمالنا قريبًا ..