**اتحمل يا گلب زينب
شده وتخلص يگولون
وشيخلصه السبي بروحه
الشاف الناس بس عيون
هسه فاتحه وصارت
وقبلت بموتت اخواني
چا ليش الأجو النه
كلهم بيه يشمتون

فوگ ما تنذبح ناسك لازم تكتمه ونينك
والأشد من هاي جارك ذابح اگبالك حسينك
واجبك تحمي اطفالك وتمسح بچفك دمعهم
وترجع انته بكسره تمشي وياهو يمسح بديه عينك

صعبه... تشيل اكبر جرح وتصبر الناس
صعبه... تروح وي الغرب وتعوف عباس
صعبه... تشوف حسين باقي فقط بس راس

=====

انسه الوادم يريدون
اشينسي الجرحه بعيونه
شيقنعه الجابه چف عباس
وگدامه يگطعونه
خل ابقى بسواد الثوب
الصار اوياي ما صاير
اليروح يشوف اخو مذبوح
ويرد من عنده يسبونه

شنسه والينسه مصابه الناس ما يوفي تگله
واليعيش بغربه جرحه من الغرب ياهو اليشله
ياهو يقبل بلا گولو راس أخيه گباله يمشي
وياهي بالخمسين تركض وتنسبي وتصعد بهزله

بيه.. اجگد باقي حچي وضميته بعيوني
بيه... ما ودعت اخوي وعنه بعدوني
بيه.. بگد اجروح اخوي الغربه سبوني

هاي الضاله بگلبي
اودعه وانه عالناگه
ولا واحد كسر گلبه
وگال عليه مشتاگه
خل تشبگ اخوها انوب
لسوگ الشام ناخذها
خذوني وانه ادير العين
عله اخوي اليكتل افراگه

الخلصت وياه عمري ابلا هدم عريان عفته
اني ودعته عله هزله ورحت فوگ النوگ ميته
وماتت الخوا بحبلهم وما سمعت الخويه تالي
والربه بحضن الزچيه عله الرمل مطروح شفته

تالي - اعوف ابن امي دامي وضال عريان
تالي - انه ام الخدر من غير خوان
تالي - سبيه ادخل غريبه بوصط ديوان

وين أمي الگبل چانت
تشم نحره وتصب ادموع
خل هسه تجي لحسين
لاله راس لا اكو اضلوع
وحيد وضال عالغبره
وهجير البر يگلب بي
وجرحو غيرته وروحه
سمعو صوت ما ممسوع

سمعو أصوات الفواطم الگاع ما ضاگت اثرهن
وچتفوهن وحده وحده الحبل ما يعرف گدرهن
وطشرو جسمه وبناته وللسبي اخذو رقية
والهواشم كلهه موته ياهو يلحگهن يفكهن

ضامي.. صبح حتى الطفل من مايه محروم
ضامي... جفني وچم جفن ما ضاگن النوم
ضامي.. يضل ثار اخوتي ويتروه بدموم

أبو فضه الحميداوي**#اللهم_عجل_لوليك_الفرج

**المستهل مجارات

(كون البواچي اترجع المات)
(لگظي العمر يحسين دمعات)
ــــــــــــــــــــــــــــــــــــــ
ارد ابچي الك حد طلعت الروح
يحسين يبن امي يمذبوح
شفتك على التربان مطروح
بصفك يخويه الظعن من فات

ابلا قميص الصدر عاري
وبلا چفن غطاك ذاري
عفتك امسلب بالصحاري
كل خطوه مشي الظعن شوغات

اشكثر گلبي عليك مصيوب
انته العزيز اتظل بلا ثوب
مو علظهر علوجهه مگلوب
بهلنومة گلبي انترس لچمات

يمشي الضعن وانه التفت ليك
كون الدرب ما يبعد عليك
يحسين ياهوه الغطيك
وانوخذن الخدر سبيات

كون انه اچفنك خويه يحسين
وغسلك يصير بدمعة العين
واشبع بواچي ولطم واونين
ومارضو تبچيك الحنينات

منعونه واحنه اهل المصايب
اتوادعنه سكته بگلب ذايب
علنوگ نبچي وبالخرايب
اليل ابخرايب ظعنك ايبات

النسه تنطر يگرب اليل
اتگابلني تنعى الداسته الخيل
اتهد البگى من البچي الحيل
وكل يوم نگظي اليل ونات

الخادم علي الحميداوي**#اللهم_عجل_لوليك_الفرج

**غريبه زينب غريبه زينب
غريبه زينب غريبه زينب

عقيلة هـاشـم .. تگـوم وتـعـثـر
بسياط الوادم .. ظهرها مكـسّر
مشت للحومه .. وتـنـازع بالبـر
گطـيع ابـدمـه .. تشوف المنحر
حرگ بالخيمه .. واخوها مكسّر
مشت بالـگـوه .. كتلهـا المنـظـر
يويـلي اعليهه .. تـنادي وتنحب

غريبه زينب غريبه زينب
غريبه زينب غريبه زينب

اعله زينب داير .. زجـرهم خيـله
وتـريـد الكـافـل .. وبـقـت توميله
تشـوفه امهـشّم .. تـفـرهد حـيـله
يويلي وصاحت .. اهـي وتشكيله
يخويه امنالطگ ..عله اختك ميله
تشـيل ابـچـفـهـا .. هضم تحجيله
وگـع مـن ضيمه .. گـلبهـا الشـيّب

غريبه زينب غريبه زينب
غريبه زينب غريبه زينب

يـزينب صاحـوا .. الهـزل جبـناهه
وغريب الحادي .. ابشـتـم لاگـاهه
الخيم محروگه .. الشـمـر يـتـباهه
السبي امتانيكم .. الجفـن طـفاهه
تـصـيح الــوادم .. الگمر ما جـاهه
وتــؤن الــحــره .. و رقيه اويـاهه
الهضم يحـديهـا .. بدمعـها اليلهب

غريبه زينب غريبه زينب
غريبه زينب غريبه زينب

ابهزل متعـوبه .. ومشـت محنيه
الوكت خـلاهه .. ابـغـرب مسبيه
تنادي اخـوتهـا .. الحگــوا اعـلـيه
ابحبل ما اگـدر .. اشـيـل ايـديـه
چنـت مهـيـوبه .. انّـا الــعـلــويـه
صرت مكسوره .. بجــروح البيه
عليّـه ابحـيـلـه .. الـوكت يتگلب

غريبه زينب غريبه زينب
غريبه زينب غريبه زينب

- خيري الصفراني ✍️**

**نأمل من خدام الحسين عليه السلام
تنظيم مسيرات دينية حسينية
في شوراع المحافظات

في ليلة رأس السنة حتى لانترك الساحة خالية ل #جنود_الشيطان ويعلو اسم الله واسم محمد وال محمد (فوق كل شيء)

?هذا هو مشروع امام زمانكم
(احياء معالم الدين واهله)

اشغل (قرآن .. دعاء .. لطمية)
(بسماعة .. بسيارتي .. بتكتك )
انصبلك چمبر چاي بمكان عام

★مع مراعات عدم التصادم مع أي احد والتخلق باخلاق اهل البيت عليهم السلام

فلا تقصروا جزاكم الله خير**#اللهم_عجل_لوليك_الفرج

**ياصاحب الزمان

حرام أقرالك ومرتاح بالي
وما فاكد اهاليتي وغوالي
ليش بعاشرك تلكاني محزون
ومو يم الجرح باقي الليالي

اسف .. كتلهه هواي مو كافي
اسف .. ملت من وره شفافي
هايه .. اخر جيه بذنوبي
اسف .. هدلن منهن اجتافي

ابجي امن الذنب ماباجي للغربه
وما اندل طريقك اله بالصعبه
يالمهدي بمتاهاتي ضعت انه
أنه الكلما كبر عمره كبر ذنبه
____
أنه الشايل اسمكم فوك زندي
بس ماكو حدر كلبي يمهدي
انه لو صدك مولاي احبك
جا كل خطوه احسك تمشي سدي

الدمعه .. احس الطافك وياهه
الدمعه .. تسوه الدنيا مجراهه
الغربه .. وين تروح مو وياك؟
الدمعه .. هم وياك تلكاهه

الدنيا واللي بيها وكل اطايبها
وي دمعة غربتك ما اكلبها
روحي انطيك ياهه وماي اسويهه
وفوك خيام اهلك سيدي ذبها
___
كاضيها اعتذار ومالي قيمه
يمته احترك وي حركة الخيمه
كلبي ريته يتحفه ويطب عالنار
ويدوس الجمر مثل اليتيمه

اتمنه .. اثبت موقف وياكم
اتمنه .. اعيشن غايتي ارضاكم
تفرح؟ .. افرح. تبجي انه ابجي
اتمنه .. ابجي ويه مجاكم

للماعنده ناصر حاير بعيله
اكضيله حياتي وحيلي اكضيله
ودع اخته بدموعه ووكع تالي
اويه الوكعه عدوه اتعنه اله بخيله
___
يمنهوب بعيالك شرد اكلك
صعبه وتدري فوك الهزله اهلك
صعب مستصعب وما الك تفسير
واصعب شي عليه هوه سهلك

وينك .. كوم وسل فقار الدم
وينك .. حركوه تره المخيم
ويلي .. عمتك طبت اعله الشام
وينك .. صعبه اعليك ماترهم

سل بتارك ورجع عقيلتكم
ماتت بين ودام موش وادمكم
من دار الكرم تهدى لشرِ الدار
الله يا مصيبتها غريبتكم
__

محمد عيسى المنصوري**#اللهم_عجل_لوليك_الفرج

**(( گوطر ضعن آمالي ))

مـن شـفـته شال الـغالي
وگـوطر ضـعـن آمــــالي
منهه وصـحت يـاروحي
هـســه الـدمـع يـحـلالي

وي ڪل خطوة الــيبعد أذبل
امنيتي ابضعن الشالو محمل
مـن شـفت الــنوگ اتــخيلتك
هسـه اتصـيح ابأسـمي اتأمل

حلمي انطفه وسال الدمع من عيني
اتـمنيتـه ويـاك الأجــل يـحـسـيـنـي
لو تـدري الافــراگ اشـكثر يسـبـيني

يـاصـبري ... ماي انچفه من فارگتني اضعونك
لو تــدري ... أم الـبنين اشـحالي يـمـه ابـدونك
ياڪسري ... المـا يـنـجبر إلى ابـسواد اعـيونك

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
من غبشة تبدي ادموعي
وطـف الحزن موضوعي
اتـمـنـيـتـه يـمه الــحافر
آنــه الـيدوس اضـلوعي

بـعيوني ارسـم طـولك بـاچر
فـوگك يـسحك يبني الحافر
طـايح مـحد يرؤي اشـفافك
ويـشح عنـك وجـه الـــناصر

باچر تطيح اعلى الثره اتضل عاري
خـذني فـيآي مـن الشـمس بـكتاري
تـذبحني طـايح وآنـه اضل بدياري

وبـدربي ... صوت ورسم چان الحلم بسنيني
يـاتـعبي ... أنت الـرمل وآنـه الـجمر يچويني
ياڪلبي ... حنيت غصن من عاشرك تحنيني

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
مـن شع وجه صبحيتك
ابـدور وگـمـر ضـحيـتك
افـديك يـبني ابـروحـي
وسـالم تـعـود الـبـيـتـك

فدوه الطولك روحي أولـدي
غـايـة روحـي تـسـلم عـنـدي
تـرجـع ســــالم روح الـزهـره
ديرة الـعينك من ولدي افدي

نـاعي الـمدينة لـو اجـه مآ خبره
عن ولدي وفكاري ابعزيز الزهره
سـالم يـرد هـاذ الـخـبر مـنتضره

يـاحيلي ... ابلهفه انتضر سالم ترد لـديـارك
وبـليـلي ... تـخلص مـدامـع لهفتي لـخـبارك
يـاويـلي ... لـو جـاوب الناعي وگـع فـقـارك

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
الـذاك الضمه من العاشر
اتـمنيت اعـيـشـن بـاچـر
تـحرڪني نـار اخـيامـك
وجدمي ابركضتي يعاثر

ابشمس الصحره ذيـچ التلهب
يركض جدمي يوآسي ابزينب
اتـمـنـيـت اهـواي ومـا صـارت
مـثـل ابـنيـتك ڪون اتـسـلـب

هـاذ التـمنـيتـه وبـعـد حـيـل أكثر
حـال الـعـلآوي مـن يـفـرن بـالـبـر
وسوط الغرب فوگ المتن يتبختر

يـاحالي ... كون الشمس والـعطش غير لوني
يـاغـالي ... ودخـان الامخيم يـطفي اعيوني
بـأمـالي ... وي الامـيره اعلى الهزل يـسبوني

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
اتهل دمعتي اعلى الناگه
فــــوگ الـوجـن حـراگـه
ريـت الـسـلاسـل بـيـدي
آاخ اشـڪـثر مـشـتـاگـه

ڪـل دمـعه من عين ابنيه
ڪون ابچيهه وهم مسبيه
ريت ابمتني سوط الحادي
ڪل طـگه إيـطـگ عـلـويه

ڪل حـرمـه تعثر بـالـدرب ريت آنه
وسـالم ضعـن ابـن الـنبـي ونسـوآنه
ريت امشي بدروب السبي عطشآنه

يـاريتـه ... هـاذ الحـلم صـار وتحقق حـلمي
الحبيته ... مـسـبيه بحلوگ الأجانب أسـمي
وآفـيته ... بأربع ولد ومقصره احس ابدمي

وآويـلآهہ‌‏ .... وآويـلآهہ‌‏
"" "" "" "" "" "" "" "" "" "" "" "" "" ""
عبد زينب
محمد مسلم الأسدي**#اللهم_عجل_لوليك_الفرج

**يشاعرنة
لا تجرح مشاعرنة
جنة بأمل ملتمين دخيل ابيات شعرك لا تطشرنة
لا تذبح ملامحنة
لتمهد بشعرك فوت بالمضمون
ترى المقصود بس آحنة
جيتَك خلت بيوت المدينة تخاف
صنتة وكلمة منك تذبح الهيمة
بدو وخيمنة يم بابك لگينة حجايتك خيمة
وقبل لا تحجي گتلك لحضه خل ابجي
منها ودمعي ضل يسامر الشلال
وحرت مابين اكلك احجي لا تحجي
نعرف شنهي كاصد بــي
شتضم واضحة الدمعة ؟
ومن كالو بشر عالباب
ركضنة نريد منك كلمة حتى نعيش
بحيث تسابكينه اعليك ياهو اليوصل بسرعة
اجينة الملكة شعرك كلمه كلمة نذوب
لحد ما نوصَلك بس خيط بالشمعة
حتى اعله الفرح ننعى
ناس احنه اذا لولينة لزغار
ينامون وتضل تصب مدامعنة
حتى الدللول يالولد تجرحنة لا تجرح مشاعرنة
احجي وكلبي شيبتة
ولا تقرالي بيت وبيتي هدمتة
اقره وماكو شي أكثر من دمعي الحبيبي أرخَص
ولا تجبر بخاطر كلمن متانيك
آحنه نموت باول نَص
احجي وجيتَك النا تريد ملكة جروح مو عادي
واذا محتار من هسه اكلك قربى ويلادي
عينك بالقصيدة وعلى اليمَك عين
لتحاول تلمحلي
آنه يبجيني بس حسين ….
شگلك والبشاره الجاي بيها وياك
هيه اوحشة التابوت
واهل المنكتل متأملينه يعيش
بس شعرك يريدة يموت
والكلك تجي وتقرالي شعرك وين
لتگلي البقية براسج آنه براسي بس حسين
متت لّمن شفت كلبك بجه اعلية
الشاعر لو بجه بكل بيت تتطشر قوافية
وما دام احنه مذبوحين مذبوحين
ما نحتاج منك صورة شعرية
كلمة آخ …. تذبحنة
لا تجرح مشاعرنة …….. يشاعرنة

اللهم عجل لوليك الفرج
علي الحسن**

**لمولاتي ام البنين صلوات الله عليها

##########

يقارورة وفه وقطب المحبين
مسلم گلبي بيدچ يم البنين
يا اول خادمه وتخلف العباس
يبنت احرام صرتي احزام لحسين

مرجله وحنيه
خلفت البدويه
عالمه بحسينهه
ليهه اشيل ايديه

ام القمر
يم جدمهه المراجل تطخ الهامه
ماكو ام لا للحسين صفت خدامه
يل توزعين وفه وحب عله گلب حسين
وزعي بيدچ وفه وحب عله اللطامه

ام القمر ام البنين
####

يمعراج الرجوله بعتبتچ تنشد
اذ الحب يعمه بجدامچ تره ينحد
عند العرب فشله بحرمة زلمه يلوذ
واحنه ألوذ بيچ اشما زمن يشتد

بيچ لاذ الزلمه
انتي باب الخدمه
الوفه لغز ومحد
غيرچ اليفتهمه

ام القمر
انتي اية وبالطفوف گمر رتلهه
من وحي الحب عله ماي جثه ونزلهه
يا مليكة گلب زينب انتي دخيلچ
والتخلف گمر حيد بعد شنگلهه

ام القمر
ام البنين
######
اگول البيه الچ واللام خله يلوم
انتي الخادمه النحسبهه چن معصوم
قول الهادي گال اليعتصم بيهم
اعتصم بالله يعني وهل الأمر محزوم

اشما نگول بحقچ
لا أبد من نوصفچ
يا شريكت حيدر
ودرب حيدر دربچ

ام القمر
يا كفو لحيدر وماكو مثلچ واحد
يا بلغيه بمعانيچ ينجم الصاعد
وياچ رابين فرد بيت عباده الأفضل
يعني أسرار تعرفين تحير العابد

ام القمر ام البنين
####
الما قر بمقامچ هذا ناقص راي
يعطاشنه وتخلف ماي ذل الماي
حبنه وي الحسين مشامر العميان
بس حبچ دخيلچ فيت كلش جاي

بيچ تحيه ادموعنه
اليوم الچ موضوعنه
يا ستر حد شيبنه
غَطْه وسد ماعونه

ام القمر
الله منطيچ كرامات تحير العالم
الفاتحه ليچ تفك باب فرج للوادم
يا سماوت تسد بواب بوجه بي اسمچ
وانتي خلفتي مولاي قمر بني هاشم

ام القمر ام البنين

ابو فضه الحميداوي**#اللهم_عجل_لوليك_الفرج

**خليني اخدم صدك ؛ ماريد اعيش بوهم ؛ خلي جروحك تعيش ؛ بگلبي ويزيد الالم

خليني دمعة يتيم ؛ بطاري الحوافر اطيح ؛ لو گالوا اخيول اجت ؛ تسحك جسد بس ذبيح

ياحزني الما املّه ولا فد يوم امل
ياتعبي البي راحة گلبي والعقل
تعبني وي اضعونك علعلني بحبل

-

حسين اه .. حسين اه
حسين اه .. حسين اه

___

عُذراً حبيبي حُسَين ؛ عبرن جروحك الالف ؛ وبذنبي ازيد الجروح ؛ لينلي گلبي الصلف

ذنبي لجروحك ملح ؛ كلساع الجمك وَ ارد ؛ جا يمته روحي تتوب ؛ خايف ارد وانطرد

يالما خالق منك ربي اي شبه
لاتطردني امروتك وين انطي الوجه
ملگاك ايرد روحي وكل ملگه مَلِه

-

حسين اه .. حسين اه
حسين اه .. حسين اه

___

الزمني لو تيهت ؛ ما الحگه لو جدمي زَل ؛ بخنصر يمينك اريد ؛ تدعيلي خادم اضَل

إعرضلي وكت الغلط ؛ خربلي درب الذنب ؛ واعرض دروبك علَي ؛ سويني فعلاً محب

دليني اعله جروحك وين ارد انجرح
يـ الما سالم راسك حتى اعله الرمح
رمحك يچوي وجسمك رشوه بالملح

-

حسين اه .. حسين اه
حسين اه .. حسين اه

___

اكسرلي غصن الذنب ؛ يالمنكسرلك ظهر ؛ عيشني ركضه وعطش ؛ بديني يم النهر

عيشني راس برمح ؛ ينظر عياله بفله ؛ غربه وعطاشه وركض ؛ ركضوها كل كربله

خليني وي اضعونك بالهيمه انسبي
وي السجاد اركض اطفي بالعبي
واعثر بين الخيل واكضيها حَبي

-

حسين اه .. حسين اه
حسين اه .. حسين اه
___

كلمات
الخادم حسن الكريماوي ✍?**