#jamoatchilik_nazorati

Рўзғорлик бергани бир хонадонга кирдик. Кичик қизалоқ бизга сездирмай онасини енгидан тортқилаб ниманидир бизга айтишига ундар эди.

Қизчани оёғидаги шиппагига кўзим тушганини билиб уялганидан онасини ортига яширинди:
*– Қизим, оёғингга қанақа туфли олиб берай?

– Тешиги йўқ бутун бўлса бўлди, деди.
Э воҳ,! Биз кийимнинг брендини қидириб топиб кияётган паллада қайсидир бир камбағал онанинг жажжигина қизалоғи оёғидаги йиртиқ шиппагини бутун бўлса хурсанд бўлишини ўйлаб кўзларим ёшланди...*

Ҳой бойлар!!!
Суюкли пайғамбаримиз кимики камбағал фақирларни ёқтирмаса, ундайин бойларни ёмон кўришларини айтганлар ...

©️ Алихон Палахоний (Иброҳим ўғли).

〰️〰️〰️〰️〰️
Kanalga obuna bo‘ling👇****https://t.me/jamoa_nazorati

#jamoatchilik_nazorati

Одамларга ишониш керак!

Ишдан қайтишда нон олмоқчи бўлиб, бир нечта новвойхоналардан ўтиб келдим. Ногоҳ йўл четида турган "Нон" ёзувини кўриб тўхтадим. Коляскада усти ўралган нон, 4000 деган ёзув ҳам бор. Аммо сотувчи йўқ. Шу атрофдаги тўрт бешта дарвозани тақиллатдим, ҳеч ким чиқмади, чиққаниям бизга тегишли эмас, дейишди. Нима қилишни билмай турсам, бир йигит: "ака нонни олиб, пулни қўйиб кетаверинг" деди. Нон ўралган адёлни кўтардим, димоғимга гуп этиб иссиқ нон тафти урилди. Боз устига ўзим яхши кўрадиган чапчак нон эканлиги учун гарчи эҳтиёж 4 та бўлса ҳам 10 та олиб, пулини адёл тагида қолдирдим. 10 та ноннинг пули устига яна ўн минг қўшиб ҳам қўйдим.

Уйга келиб энди кийим алмаштираман деганимда, бир дўстим телефон қилиб чақириб қолди. Зарур иш деди. Тезда етиб бордим, иш битгач яна ўша нон турган жойдан ўтишга тўғри келди. Қарасам, бир ўсмир йигитча турган экан. Нон тугаган. Мен унга ярим соат олдин нон олмоқчи бўлганимни, аммо ҳеч ким йўқлиги учун кетиб қолганимни айтиб, нега шу ерда турмайсан, дедим. Нонни биров индамай кўтариб кетса, нима қилардинг, дея танбеҳ ҳам берган бўлдим. У эса новвойхонада ўзи ва акаси ишлашини, нонни қўриқлаб ўтиришга вақти йўқлигини, ҳали шу пайтгача ноннинг пули ҳеч кам чиқмаганлигини айтаркан, одамларга ишониш керак, деди.
Нонни сотиб бўпсан, нега кетмаяпсан, десам, э, ака, кимдир ўн минг ортиқча пул ташлаб кетибди, адашиб бергани эсига тушса, қайтиб келар, деб турибман, деди...

Ёш боланинг тоза қалби, ишончи, беғуборлигини кўриб, шубҳа гумонларга борганимдан, уни синамоқчи бўлганимдан уялиб кетдим. Аста мошина томон юрарканман, дунёнинг бузилиб кетишига йўл қўймайдиган бу йигитчанинг гаплари миямни, вужудимни эгаллаб олган эди:
"ОДАМЛАРГА ИШОНИШ КЕРАК!"

*©️ Журналист Мақсуд ЖОНИХОНОВнинг фейсбукдаги саҳифасидан.*

〰️〰️〰️〰️〰️
Kanalga obuna bo‘ling👇****https://t.me/jamoa_nazorati

#qaror

⚡️Барча вилоятларда Халқ назорати платформалари ишга тушади❗️

? Аҳоли муаммоларини ҳал қилишда давлат органлари ва ташкилотлари фаолияти устидан жамоатчилик назорати тизими самарадорлигини ошириш чора-тадбирлари тўғрисида Ҳукумат қарори қабул қилинди.

〰️〰️〰️〰️〰️
Kanalga obuna bo‘ling?****https://t.me/jamoa_nazorati

#farmon

Президент фармони билан ижро ҳокимияти органлари (вазирлик, қўмита, агентлик ва бошқа органлар) бошқарув ходимларининг чекланган сони 53 минг 560 та қилиб белгиланмоқда. Нисбатан қисқарган.

Шундай қилиб, Ўзбекистонда айни пайтда 21 та вазирлик, 14 та қўмита, 26 та агентлик ҳамда 9 та инспекция - жами 70 та республика ижро ҳокимияти органи мавжуд.

〰️〰️〰️〰️〰️
Kanalga obuna bo‘ling?****https://t.me/jamoa_nazorati