اللهم صلِّ على محمد وآل محمد الطيبين الطاهرين
يوم جميل بإذن الله تعالى
اسعد الله اوقاتكم بكل خير وعافيه يارب العالمين
???

#كولات???

رباط هوسات للفواتح

لفقد اهل الفراضه والدواوين??✍️
طلب من إحدى الخادمات?

مغرب وين يمعدل يمهيوب

وين اهل الفراضه اليوم ماشين

اليوم اعليك حزنت كل اهاليك

يلوك الگول بس لهل الفراضات

يلوك البيرغ وتحله العراضات

يستاهل عراضه وبيرغ الحيد

الهوسه تلوك بس لبن اليفرضون

عليك اليوم حزنانه الدواوين

وين تريد يالصيتك ذهب صار

معدل والمحاجي لايكه اعليه

وكالو شال هذا اليطلع حكوك

علمك وصل طر بغداد واحزن كل مبانيها

عراضه شيوخ جتك من العماره

معدل بالمضايف يحجي بزوده
ـــــــــــــــــــــــــــــــــــــــــــــ
تمت بعون الله تعالئ
بقلمي✍
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره??
t.me/raehinah
لا اجيز حذف اسمي❌
وغير مبرئ الذمه الئ يوم الدين من يحذفه?
ــــــــــــــــــــــــــــــــــــــــ
16/9/2021

كولات لفقد الأم وفقد الاخت??

جا وين تريد سدت بابهه اليوم

امنه حملت بليل لاركان الغريريه

يالمعدوله تسوين الون

يحگ لامي بيارغ ترفع اخوتهه

رفعت راس اختك ينزمط بيها

زامط بيها ياخويه امك

اعدال شيوخ امي وينزمط بيها

بت ديوان امك ينحلف بيها

زامط حيل بختك راسك وشيله

امش ع الهون بختي ها يحاديها

ياجنازها ريض بالحبيبه

اختي غربت لبعيد ماترجع بعد لينه

تمت بعون الله تعالئ
https://t.me/hosathisynyah
بقلمي
أم احمد البصراويه ✍?

نعي للمكتول??

جاني العلم هدملي حيلي
واتفطر اعليهم دليلي
ويادمعتي من العين سيلي

يايابه فركاهم كتلني
✍️?
كتلني الفراك شلون بيه
ابني الحلو مامر عليه
ابقى انتظر صبح ومسيه

شيرده وشيجيبه ليه يايمه
✍️?
موت الكتل صعبه ييمه
من شفته متخضب بدمه
اويلاه يبني شكثر هظمه

كلبي انشلع شلون بيه يايمه
✍️?
مهظومه ع المغدور وانعي
ليلي ونهاري يصب دمعي
ع شال مني كثر وجعي

وجعات البكلبي جثيره يايمه
✍️?
حرموك من لذة شبابك
كتلوك مايمك احبابك
ولا شالتك يمه اصحابك

احاه اريد الراح مني يابويه
✍️?
عفت الولد عفت البنيه
واستعجلت يمه المنيه
شلت بغصب سوده عليه

عميه على المكتول عيني يايمه
✍️?
ولدك ازغار وليك يردون
بالباب يايمه يتانون
والجيتك تتربى العيون

بعازتك رد النزلهم يايمه
✍️?
يوميه كعدتهم على الباب
ينطرون جيتك بالهوى الهاب
بلكت ترد ليهم الاحباب

هيهات يرجع بعد لينه يايمه
✍️?
اكعد وخلي الولد يمك
ونيمه يوليدي بحضنك
ازغير ويتنطر يشمك

حرميتهم جلمة البويه
✍️?
استعجلت نوم الترابه
وضاعت بعد جلمة البابه
من حلوكهم وسفه ييابه
✍️?
https://t.me/fwatahganaht
تمت بعون الله تعالى
بقلمي
الشاعره ام احمد البصراويه✍️
اسالكم الدعاء ??
ولا اجيز حذف اسمي من القصيده❌