#تجربة 26 السلام عليكم ورحمة الله وبركاته، انا اسامة العمايرة، طالب من دفعة الغيث (٢٤) حاصل على ١٠٠ بالفترتين بفضل الله عزوجل، وبإذن الله رح اركز في هذي التجربة على جوانب ما ركزت عليها التجارب اخرى وابتعد عن الحشو المتكرر بقدر المستطاع ورح ابدا ان شاء الله…

#تجربة 26

السلام عليكم ورحمة الله وبركاته، انا اسامة العمايرة، طالب من دفعة الغيث (٢٤) حاصل على ١٠٠ بالفترتين بفضل الله عزوجل، وبإذن الله رح اركز في هذي التجربة على جوانب ما ركزت عليها التجارب اخرى وابتعد عن الحشو المتكرر بقدر المستطاع ورح ابدا ان شاء الله بخلاصة الفوائد اللي استفدتها ومن ثم اعطيكم شوي عن رحلتي الشخصية.

⭐️متى ابدا تحصيلي ؟

من بداية السنة للي يسعى للمية وهذا لا يعني اللي يبدا بعد ذلك ما رح يجيبها لكن كل بكرت قلت عدد ساعات دراستك اليومية ويخف الحمل عليك ان شاء الله.

⭐️منهج ولا تجاري ؟

للي بده المية يبدا بالمنهج من ثم ينتقل الى يلو ولا تحتاج غير يلو ان شاء الله قبل ٢٤ كنت رح اقلك غشام وكنز…. لكن مع يلو الان بغطي عنهم كلهم بالراحة ان شاء الله.

⭐️عند مين احضر شرح منهج ؟

📍الفيزياء: محمد زيادة، وعبدالله فيزكس

📍الكيمياء: محمد زيادة، او محمد العمري شرح يلو (مع دراسة بنفسك للمنهج)

📍الرياضيات: محمد الحربي(انصح به وبشدة)، و عبدالوهاب العوهلي

📍الاحياء: الاستاذ القدير احمد سكول

⭐️ايش احسن ترتيب للمواد ممكن ابدا فيه؟

اذا عندك نقاط ضعف في بعض المواد ابدا فيها، اذا ما عندك و ما بتعرف بنصح انك تخلي الاحياء للاخير وتخلي الفيزياء والكيمياء ورا بعض نظرا لتشابه كبير بينهم

الافضل برأيي الشخصي ان ما كان عندك نقاط ضعف او ما بتعرفها

١- رياضيات
٢- فيزياء
٣-كيمياء
٤-احياء

⭐️كيف ادرس المنهج باحسن طريقة ؟

على فرض حضرت وحدة كاملة او درس بتروح ليلو وتراجعه من التاسيس ومن ثم تنتقل للتجميع، بتسوي هيك لكل المواد مش رح ازود حشو واضحه ان شاء الله، وحل طبعا اسئلة الاختبار المقنن للاحياء وان زاد وقت حل لباقي الكتب

⭐️انتهيت من يلو والمنهج ايش بقدر اسوي اكثر من هيك ؟

📍اولا المراجعة انصحك تراجع المنهج و يلو تاسيس وتجميع ما لا يقل عن ثلاث مرات اذا بديت بكير ما رح تاخذ منك وقت لا تخاف

📍ثانيا رح تقول خليني احل غشام وكنز…. وغيره، رح تروح وتلاقي نفس اسئلة يلو، فما بنصح تحل منهم خلي شغلك منظم مع يلو واذا بدك تراجع تجميعات راجع منه كونه مرتب حسب الدروس

📍ثالثا التجميعات الاخرى اللي رح تحلها غير يلو اذا زاد وقت وطبقت النقطتين اللي حكيتهم انا فوق 👆، رح تكون التجمعيات هاي اعلى من مستوى الاختبار ومن مستوى المنهج

١-القبطان للفيزياء
٢-الاحمري للكيمياء
٣-الحوت الكبير لجميع المواد

⭐️ايش نسوي قبل الاختبار بوقت بسيط ؟

📍 راجع تاسيس يلو لجميع المواد وخاصة الاحياء ما رح تاخذ منك يوم

📍 حل الاسئلة اللي اخطات فيها وحفظتها عندك وافهم افكارها عشان ما تعيد الغلط

📍نظرا لضيق الوقت وعدم مقدرتك لحل يلو كامل بنصح تحلو غشام ٢٤ اذا كان موجود وان ما كان موجود تسريبات غشام ٢٤ وتجميعه لسنة ٢٣

📍 حل تسريبات ٢٤ ليلو و٢٣ ليلو او الحوت و٢٢ الحوت و ٢١ الحوت(ملاحظة رح تلاقي حالك حالهم كلهم من قبل بتجميع يلو)

⭐️هل ممكن اقفل من التجاري ؟

اكيد ولكن الاضمن المنهج لانك بتواجه عدة اسئلة جديده من مستوى المنهج وبالنهاية هي ارزاق بيد الله.

⭐️تجربتي الشخصية في اخر سنتين ثانوي

جبت ١٠٠ في القدرات الحمدلله من اول محاولة في شهر عشره بسنة ثاني ثانوي وقضيتها سنة كاملة فاضي ركزت فيها على مدرستي وعلامتها وتعلم وتطوير لغة انجليزية ومهارات اخرى بسيطة، سنة ثالث ثانوي احد اصدقائي جزاه الله خير عرفني في اجازة الصيف ما قبل ثالث ثانوي على قروب تجارب تحصيلي قرائتها واخذت فكرة بديت بداية خفيفة في نهاية ثمانية الى بداية عشره من ثم شديت حيلي على الاخر بعد اعلان التحصيلي المبكر وقلت لنفسي رح اعتبره تحصيلي واشوف كم رح اجيب، الاختبار كان في منتصف شهر ١٢ تقريبا كان معي شهرين اشد كونه بدايتي ضعيفة الحمدلله قدرت انهي جميع المواد وغشام ٣ مرات (ما كنت مشترك مع يلو لسه) وانهيت منهج الرياضيات والاحياء من الكتاب وجميع المواد تاسيس مصدر تجاري، وخلال كل التاسيس هذا اشتركت مع يلو في شهر ١١ وحليت الاحياء والكيمياء والفيزياء معه(ما كان في رياضيات لسه) ودخلت الاختبار والحمدلله ابدعت فيه والعلامات تبعت الاختبار مضروبة كانت على سنتنا ما بعرف ٢٥ ،ملاحظة انا درست منهج الثلاث سنين لاختبار المبكر وما درست فقط اول وثاني ثانوي كونه الاختبار ما كان هدفي، هدفي كان التحصيلي فدرست دراسة تحصيلي يعني كل المنهج بشكل مختصر، من بعد ذلك سهلت المهمه علي وكان عندي خمسة اشهر اراجع فيها واتاسس منهج للفيز والكيم طبعا قعدت اراجع يلو والمنهج خلال هالاشهر ودرست التجميعات اللي فوق مستوى الاختبار اللي ذكرتها فوق ودخلت على الاختبار وانا متوكل على الله والحمدلله توفقت وجبت مية بالفترتين بفضل الله عزوجل.

⭐️نقطة مهمه لا تترك صلاتك وبر والوالدين بحجة الدراسة، وفقكم الله ان شاء الله وفالكم اعلى العلامات لا تنسو تدعولي اخوكم اسامة(ابو محمد)

اي استفسار موجود هون ان شاء الله 👇@O_Mohammed

-----

#تجربة 13

السلام عليكم درجتي 97 وبعلمكم كيف تجربتي بالتفصيل
اولاً : التوكل على الله والدعاااااااء ثم الدعاء والالحاح فيه وتسليم الامر لله بعد العمل بالأسباب واهم شي استمتعوا بالمذاكرة اكثر من انكم تحسون انه ضغط وهم صدقوني بتعدي هالفتره والتعب يزول وماراح تضل الا النتيجة وفالكم النجاح ان شاءالله
ثانياً : المصادر والتأسيس
مصدري الاول كتاب ناصر عبد الكريم بالرغم من انه ماكان شامل كثر يلو والافضل تمشون على مصدر محدد والافضل والاشمل طبعاً ( يلو )
انا بديت تأسيسي مع كتاب ناصر وحبيت ما اشتت نفسي وذاكرته كله بعدها شريت بكج الاحياء فقط وكان شاااامل جميع المعلومات وعجبني الترتيب وطريقة الالمام للمعلومات واخذت البكج كامل
طبعاً راجعت المعلومات وركزت على التجميعات اكثر
ثالثاً : التجميعات
التوب ون طبعاً تجميعات يلووووو كامله وهي الاساس وفيها جميع الاسئله
بعدين ختمت تجميعات غشام
وجهاد ٤٠٠ سؤال الصراحة ماكملته كامل
رابعاً : المده
انا بديت تقريباً بنهاية شهر يناير يعني كان معاي وقت ولله الحمد
بديت التأسيس مع كتاب ناصر عبد الكريم
اول شي الفيزياء / كان تأسيسي فيها كويس من ناحية المدرسه واخذت مني مدة المذاكره اسبوعين تقريباً
بعده الرياضيات / طبعاً تأسيسي فيه مرررره قوي لذلك ما اخذت مدة طويله بالمذاكره
بعدين الكيمياء / ماكان تأسيسي فيه قوي فركزت عليه واخذت تقريباً ثلاث اسابيع
بعده الاحياء / ممكن اكون عكس الناس وهي اثقل ماده بالنسبه لي ماكنت احبها بس معلوماتها كانت بديهيه ولازم تتأسسون فيه لا تسمعون للي يقولون ادخلوا التجميعات بدون تأسيس

طبعاً مثل ما انتم شايفين الفتره الاولى كان اختباري سيء بس الحمدلله جبت فيه 90 ممكن كان عندي اكثر من ١٥ خطأ
واختباري الفتره الثانيه جبت فيه 97 بالرغم من اني متأكده ان الاختبار كويس وماعندي الا خطئين تقريبا وكنت متوقعه 100 بس الحمدلله على كل حال وانا راضيه فيها اتم الرضا

كيف ارتفعت 7 درجات بين الفترتين ؟
زي ماتشوفون الارتفاع والفرق كويس جداً ماشاءالله
ايش السر ؟ التركيززززززز بالتجميعااااااااتتتت مهم مهم مهم
ذاكروا بفهم اكثر وحاولوا تفهمون المعادلات وحتى اسئلة الاحياء كل شي افهموه
وطبعاً واضح ايش ذاكرت اكيد اكيد تجميعات يلو والاهم ال400 سؤال اللي نزلوها لكل ماده الله يسعدهم يارب
خامساً : التسريبات
يلو الارتب والاصح وما ةنت اثق الا فيهم وثقتي بمحلها الحمدلله
بعده تسريبات مهندسة التحصيلي
وتسريبات مناره وغشام

وبكذا اكون الممت بجميع الاشياء بعيداً عن الضغط النفسي بس احتسبوا الاجر وختاماً الله يفتح عليكم ويرزقكم المئوية وفالكم التوفيق والنجاح دائماً ( كلي ثقه فيكم دامكم اخترتوا يلو ? )

⁃ لا تغير خطة مذاكرتك فجأه وبدون اي سبب منطقي بس عشانك شفت خطة ثانيه او اشخاص متقدمين عنك وسابقينك، قاعد تمشي زي العسل؟ خلاص هذا المهم لان هالحركة اكثر شي ممكن تجيب فيك العيد
-ابحث دائما عن طرق مذاكرة مختلفه وانصح تشيك على حساب laeticiahh@ تيك توك مرررره رهيبه وحسابها بحر جدا بتفيدك بالمذاكرة

النقطة الاخيره والاهم، كيف اراجع؟
قبل الاختبار باسبوع او اسبوعين خصصها للمراجعه وامسك لك مادتين او ماده حسب استطاعتك وسو ريفيو سريع للافكار المهمه من الملاحظات اللي كنت تسجلها طول فترة مذاكرتك والقروبات ماتقصر بعد كلها فيها ملخصات وخرائط مفاهيم.
ثم افتح لك تجميع وابدأ حل وراجع الاسألة اللي صعبت عليك. على كثر ماتحل اسأله على قد مايرتفع فيه مستواك للافضل.
ودائما خلك على اطلاع بالقروبات بيفيدونك كثير

?رحلة التحصيلي جدا ممتعه ولكن اكرر لازم تكون ذكي في كيف انك تذاكر وكيف تعرف نقاط ضعفك وتطورها بوقت وجيز اكثر من انك تجمع لك عشرين مصدر وتنحاس. وضروري ماتذاكر بشكل عشوائي وتسويلك جداول اسبوعيه بتساعدك في انك تشوف تطورك ووين وصلت.وحقيقة المئوية ابدا مو صعبه بس توكلوا على الله وعطوا الاختبار حقه من المذاكرة.
اتمنى اكون افدتكم وبكون موجوده هنا وبستقبل ان شاءالله كل استفساراتكم @bodebfk

#تجربة 12

السلام عليكم انا شيخة وبكلمكم عن تجربتي مع مذاكرة التحصيلي وان شاءالله تكون مرجع جيد لكم. مدة مذاكرتي كانت قرابة الشهرين وقدرت اجيب فيها درجة 90+
وبذكر اساليب جدا اشوفها رائعه للمذاكرة لان مصادري تعتبر محدوده بحكم ضيق والوقت ولكن اكتفيت في يلو من تأسيس وتجميع وحمدلله الى الان ماندمت.

1️⃣الفيزياء
اول ماده بديتها وكانت اكثر ماده متخوفه منها لان اساسي فيها كان مش ولا بد ولكن تيسرت من بعد الله، بديتها مع crazy physicain حق منهج اول ثانوي الى نصف ثاني ولكن ماناسبني (ولكن جرب جميع الخيارات) ف حمدلله صادفت ابو راما الرهيب، نصيحتي اذا انت جدا ميح وماتفهم بالفيزياء ولا شيء طريقك استاذه فرح كانت جدا ممتازه وذاكرت معها اخر الدروس كنت انوع بينها وبين ابو راما ولكن اعتمادي الاكثر كان عليه صراحة جدا رائع.
الفيزياء مذاكرته تطبيقيه ونظريه في نفس الوقت يعني لابد تخلص من الدرس تلقائيا تفتح التجميع تحل اكبر قدر من الاسأله واللي ماتفهمه كويس حط عليه هايلايت بحيث ترجع له، الشي الثاني الفيزياء سهل وممتع ولكن معلوماته كثيره ومن الطبيعي انك تنسى وهنا انصح انك تسوي لك زي الفلاش كاردز عندك كنت اراجعها بشكل مستمر جدا بتساعدك بالاستذكار اعلقها على البورد وكانت الاسألة اللي اغلط فيها اسويها زي الكويزات.

2️⃣الكيمياء
غلطت اغلاط كثيير فيه والى الان اقول عديت هالماده بتوفيق من الله لان مذاكرتي كانت سيئه فيه. معلوماتها تعتبر اقل من الفيزياء ولكن كنت اسكب اشياء كثير ومن هذا الغلط اضطريت اعيد تأسيسي بالماده من اول وجديد، بالنهايه لازم انك تعطي كل ماده حقها 100٪؜ وطبعا كنت انوع في مذاكرتي مع فرح ومحمد العمري وملكة العناصر كلهم ماقصروا وكلهم ممتازين.
عدت تأسيسي فيها بشكل جدا سريع بين الفترتين وبس بسبب هالحركة ارتفعت 15+ درجة بين كل فتره?? لذلك ابدا لا تهمل المذاكرة الكويسه والمراجعة المستمره.
وبين الفترتين راجعت بس الجدول الدوري والاشياء اللي تحتاج تعرفها فيه من الالف الى الياء ومعادلات الوزن والى اخره، باقي الدروس اكتفيت في اني ارجع احل التجميع يعني المفروض انها تكون كافيه في انها شوي تنعش ذاكرتك لو انك مررره ناسي الماده.

3️⃣الاحياء
بالنسبة للاحياء كنت شااايله همه لان ياكثر الشكاوي عليه ولكن اكتشفت انها اكثر ماده استمتعت جدا بمذاكرتها من بعد الله ثم يلو ابدا ماقصروا بعد، وبعطيكم طريقة مذاكرة جدا عملية في حال كان استيعابك جيد وسلس للمعلومه لحالك وماتحتاج تسمع لك شرح.
اكثر شي انصح فيه بشدة انك توفر لنفسك سبورة وحجمها على حسب استطاعتك الماديه. الاحياء معلوماته اشوفها مباشره وماكنت من النوع اللي يحب يسمع شرح (باستثناء دروس الوراثه هنا تحتاج) ف حاولت الاقي لي اكثر طريقة عملية وماتخليني اطفش من الماده، اولا اقرأ السلايد قراءة مصمته ثم من مرتين الى ثلاث جهريه وبعدها امسك السبوره واكتب كل شي قريته على شكل جداول، خرائط مفاهيميه اللي تبي وكأنك تشرح لشخص، ووقت ماكنت اذاكر الاحياء كنت افتح اللاب على chatGPT وابحث عن اي معلومه تذكر وما افهمها بشكل واضح بتسهلك هالحركة كثير خصوصا لو تشوف لك مقاطع او صور والى اخره. والمعلومات الدسمه شوي اسوي لها خريطة مفاهيم على جنب ارجع لها بجوالي بين فتره وفتره، وادخل قروبات كويزات بالاحياء (ولكن تأكد من المصدر) وحل دايم معهم وطبعا انصح ان الاحياء تكون اخر ماده عشان ماتنسى.

4️⃣الرياضيات
في هالماده حمدلله اساسي كان كويس كنت مكتفيه في يلو من تأسيس وتجميع كان جدا كويس وانصح فيه لو عندك متسع من الوقت، من ناحية شرح كنت مع استاذ عبدالوهاب العوهلي ولكن ارى فقط ان كان مستواك كويس بالماث تتابع معه. ماده جدا بسيطه والى الان اشوف رياضيات الثانوي يعتبر جدا تافه وسهل ولكن ضروري تعرف شلون تذاكره وافضل طريقة انصح فيها وبتريحك وتختصر عليك حتى وقت المراجعه هي انك تسوي لك ملف ولنفترض جبت سؤال بالدوال اكتب السؤال بالمقدمه واللي فكرته تتكرر مع عشرين سؤال غيره ولكن ارقام مختلفه مع طرق حل تفصيليه وسجل ملاحظات مع نفس السلايد اللي تكتب فيه المثال. وهنا حتى لو بغيت تراجع الافكار الاساسيه بين الفترتين بتوفر لك وقت وجهد. واشرح كثير كثير كثير للي يطلب منك شرح ان كان تعرفه او بالقروبات هاذي اكثر نقطة طورت مستواي بالرياضيات وطبعا قد ماتقدر حل اسألة كثير هي النقطة الفاصله في تطور مستواك.

نصائح
⁃ استخدامك لتطبيقات مذاكرة جدا بتسهل لك رحلتك بالتحصيلي ولو تبحث شويتين بتلاقي لك خيارات كثير وانصح جدا انك تستخدم chatGPT له استخدامات جدا كثيره و photomath للرياضيات اسرع تطبيق الاقي له حل لو كنت مستعجله اكثر تطبيقين كانوا مسهلين لي المذاكرة بعد الله
⁃ السبورة اكثر شي رائع ممكن انك تسويه بحق نفسك كنت استخدمها كثير لايام المراجعه وطبعا خصوصا بالاحياء جدا ممتازه للاستذكار
⁃ نصيحة احرص على جودة نومك واكلك وحركتك على مدار اليوم ولا تستهين في هالنقطه