— Որոշների համար հայրենիքը պարզապես հողակտոր է, որտեղ կարող են վերադառնալ, երբ զգան, որ դրսում ցուրտ է, կամ ապրելով հարազատ տանը, համարելով այն սև, դժգույն և ճահճի նման զզվելի։ Իսկ իրականում հայրենիքը գերագույն արժեք է, այն միայն հող չէ, այլ հոգևոր, մշակութային և պատմական հարուստ տարածք, որտեղ գոյություն ունի յուրաքանչյուրի սերը, հիշողությունն ու պարտականությունը։ Պատմությունը և հերոսական պայքարները ձևավորել են յուրաքանչյուր ազգի ինքնությունը և կապել բոլորին հայրենի հողի հետ։
Ես պաշտում եմ իմ հայրենիքը՝ իմ Հայաստանը։ Եվ մտածում եմ, որ մեր պատմությունը նման է Տաթևի վանքի ճոճանին, իսկ սյունը մեր բախտին։ Հավիտյան կճոճվենք, բայց չենք ընկնի,որքան էլ որ թշնամին փորձի մեզ հողին հավասարացնել, որովհետև մենք պարտավոր ենք կյանքի գնով պաշտպանել այն հողը, որի վրա դեռ չի չորացել հայ զինվորի արյունը,որովհետև բախտի բերումով մենք կորցրել ենք մեր ծովից ծով Հայաստանը... Երկրի գլխավոր դեմքը կսեղմեն թշնամու ձեռքը, կնքելով խաղաղության պայմանագիրեր, իսկ անմահացած հերոսները սառը սրտերով ընդմիշտ կքնեն հողի տակ, իսկ նրանց ընտանիքի անդամների համար կյանքը կդառնա անգույն ու անիմաստ։
Հայրենիքը նույնպես լացում է իր ամեն մի զավակի համար, ով լքում է նրան, հեռանալով մեկ այլ վայր, որտեղ նա իրեն լավ կզգա և կգտնի ջերմություն... Ավաղ, բայց միշտ չէ, որ ամեն մեկը տաքանում է օտարության մեջ։ Հայրենիքը մեր արմատներն է, մեր պատմությունն ու մշակույթը, և մենք պետք է հիշենք, որ որտեղ էլ լինենք, մեր սիրտը միշտ կապված է լինելու հայրենի հողի հետ....*❤️‍🩹*

24.04.1915-24.04.2024???