ابدمع المجالس جينه
والكربله تعنينه لزيارة احسين
والروح اجت مشتاكه
وحنت حنين الناكه لزيارة احسين
=========================
بيهه نعاوي اصدورنه ونوح
عشنه بمحرم طفك اجروح

للذروه منسوب الحزن ... بينه
حتى بحلم طيفك يون ...بينه

نبجيك يابو سكينه
بذيج الدموع الزينه لزيارة احسين

والروح اجت مشتاكه
حنت حنين الناكه لزيارة حسين
========================
نحمل شجن صوت الرواديد
وجينه بصدر بي لطمت الايد

والمحب يكبر بالطم ... شوكه
تلكه بدموعه منرسم ... شوكه

ويسرعلك بخطواته
ويعاند الشماته لزيارة احسين
والروح الك مشتاكه
وحنت حنين الناكه لزيارة حسين
===========================
سألوني عنك بالدرب ناس
والكامرة اتصور بالحساس

بالدمع لا مو بالحجي... اجوابي
ابلغ من الجلمه البجي ... اجوابي

رف كلبي مثل الرايه
وبلهفت المشايه لزيارة احسين
والروح اجت مشتاكه
حنت حنين الناكه لزيارة حسين
=========================

زين العابدين ع

جروحك كثره وشيعدهن
من ايام الطف عايشهن
شيلمهن شيلمهن
====================

علي السجاد والدمعه ابد مافاركت عينه
حزن الطف اكل روحه ولا بطل من ونينه
عاش بجمرته التلهب ولا بردت جوانينه
شاف المذبح الاعظم ساعةمقتل حسينه
ماطابت ذيج اجروحه
ملجوم وتنزف روحه
من عدهن شيلمهن
========================
على طول العمر يذكر عملت كربله السوده
هناك الواقعه المره البيهه ينجتل عوده
وعمه اعلى الشريعه ينام يمه مكطعه زنوده
وعياله سبايه اتروح بيد الشمر وجنوده
اصعب موقف اليشوفه
طبت الحرم للكوفه
بدمعتهن شيلمهن
========================
عليل امكيده اجفوفه وفوك الهزل حسراته
اتزيد اجروحه من ايشوف فرحه بعين شماته
غيور وصعبه يقبلهه تدخل قصر عماته
وابن ازياد بالديوان يشمر كام جلماته
ينظر روس مكطوعه
فوك ارماح مرفوعه
اشينشفهن شيلمهن
=======================
يعكوب اعله يوسف راح من كده البجي شوفه
ويوسف بالحياة موجود هاي القصه معروفه
الله يساعد السجاد من الشافه بطفوفه
شاف حسين حدر الخيل تروك بصدره وتطوفه
مارد سالم حسينه
شافت جم جرح عينه
شيضمدهن و شيلمهن
===========================

منهد الطف بقه مسمم موتالي يسمونه
خلص عمره يتلوع اخذ منه الحزن لونه
يمر بأهل اللحم بالسوك شاف الكبش يسكونه
يكلهم ليش بس حسين عطشان ويذبحونه

صاح حسين يا يابه
محد يشبه امصابه
اعظمهن شيلمهن
========================
وسام صباح الشويلي

حاظر بالطف بروحه
          وجروح احسين اجروحه
       عاش آلامه     وشاف اسهامه
        هذه الحسن     هذه الحسن
========================

غاب جسمه وروحه جانت حاظره
والمشاهد والمصارعه شافه وكل ما جره
حسين من جان يتألم هو يعرف مصدره
منين هذه ألام جاي و عاش بيه ويشعره

شافه الغربه البعيونه
من الناس يخذلونه

بذيج ايامه   وشاف اسهامه
هذه الحسن     هذه الحسن
===========================

روحه جانت وي ولده من افزعو
عن حرم عمهم بهمه شلون كلهم دافعو
شافو الموت اعله طوله وثبتو ومتراجعو
لحد ما كدام عمهم بسيوف اتكطعو

شاف القاسم يتوذر
بين الخيل والعسكر

اتموت احلامه   وشاف اسهامه
هذه الحسن      هذه الحسن
=========================

حسين من ودع الاكبر جانت عيونه تهمل
يدري راح وماله رده ابنه رايح ينكتل
راح جسمه يصير مسكن للرماح وللنبل
والحسن من حظر شاهد منظر الماينحمل

طاح احسين من المهره
ويلم اوليده بكتره

جسمه اترامه   وشاف اسهامه
هذه الحسن هذه الحسن
===========================

من سمع بيها عطاشه تحزم ابسيفه الكمر
كام حط بجتافه جوده وراح يم جرف النهر
صكت وطاح العجاج وعده ابو اليمه حظر
الحسن هم لزم ضهره من اخو ظهره انكسر

طيحت عباس اثكيله
ضل احسين ابلا حيله

رد لخيامه   وشاف اسهامه
هذه الحسن  هذه الحسن
===========================

ضل وحيد احسين ويلي ابلا اخوته وصحبته
الا من ناصر ينادي والاعادي حاطته
والحسن بس روح ينظر حين صارت طيحته
شلون من حزو وريده والخيول السحكته

مشهد يفت الصخر
حسين مكطوع النحر

بلايه عمامه  وشاف اسهامه
هذه الحسن   هذه الحسن
===========================
شاف نيران المخيم والعلاوي بالفله
فرن وخيل الاعادي تريد دهس العايله
جم طفل بالهيمه يصرخ ويلي ضايع من هله
شافهه وكلب تفطر كل مصايب كربله

صعبهه وتبجي النبي
زينب ابدرب السبي

تون كدامه     وشاف اسهامه
هذه الحسن      هذه الحسن

وسام صباح الشويلي

باجر اتشوف العقيله بعينهه
ينكطع بالسيف راس حسينهه
واماماه  وحسيناه
====================
طلعت من الخيمه شافت فاجعه
        وكفت اعله التل تشاهد مصرعه
من الضهر ياويلي نحره يكطعه
الزنيم الشمر ناكر دينهه
======================
بعده اخوهه حسين ماكاطع نفس
وسفه كبل الذبح جسمه ينرفس
على صدره اتربع اربات الرجس
خضب الّحيه الشريفه بطينهه
=====================
جسمه كله اجروح بسيوف وحجر
والمثلث صار مطلاعه الضهر
شلون كلبج يالعقيله من نضر

جروحه تتفايض دمه مخلينهه

رادت اتصيح بلكلبهه المحترك
شلون يطلع صوته كلي المختنك
هذا روح الزهره كاعد ينسحك
بالحوافر جثته مخذمينهه
======================
سوه من داسنه لا مو بالسره
عشره تطحن بيه تريد اتوذره
وصله من الكلب جاب بحافره
واحد من الخيل يسحل بيهه
=======================

هذه جرح احسين ما مثل جرح
شلون ما شافو محمد بالذبح
هوسو بالراس حطو بالرمح
وردو اعله اثيابك امسلبينهه
=======================
ونت اعله حسين والتل انهدم
طاحن الدمعات جن طيحت سهم
مادري بيا حال ردت للخيم
من بعد هل مشهد اشضل بيهه
=========================

وسام صباح الشويليباجر اتشوف العقيله بعينهه
ينكطع بالسيف راس حسينهه
واماماه  وحسيناه
====================
طلعت من الخيمه شافت فاجعه
        وكفت اعله التل تشاهد مصرعه
من الضهر ياويلي نحره يكطعه
الزنيم الشمر ناكر دينهه
======================
بعده اخوهه حسين ماكطع نفس
وسفه كبل الذبح جسمه ينرفس
على صدره اتربع اربات الرجس
خضب الّحيه الشريفه بطينهه
=====================
جسمه كله اجروح بسيوف وحجر
والمثلث صار مطلاعه الضهر
شلون كلبج يالعقيله من نضر

جروحه تتفايض دمه مخلينهه

رادت اتصيح بلكلبهه المحترك
شلون يطلع صوته كلي المختنك
هذا روح الزهره كاعد ينسحك
بالحوافر جثته مخذمينهه
======================
سوه من داسنه لا مو بالسره
عشره تطحن بيه تريد اتوذره
وصله من الكلب جاب بحافره
واحد من الخيل يسحل بيهه
=======================

هذه جرح احسين ما مثل جرح
شلون ما شافو محمد بالذبح
هوسو بالراس حطو بالرمح
ورود اعله اثيابك امسلبينهه
=======================
ونت اعله حسين والتل انهدم
طاحن الدمعات جن طيحت سهم
مادري بيا حال ردت للخيم
من بعد هل مشهد اشضل بيهه
=========================

وسام صباح الشويلي

خل مدمعك مسفوح
عل كوكب المذبوح
وذكر مصابه
عطشان وما مفطوم
طاح وتبجيله انجوم
وذكر مصابه
=========================
اصغر كوكب عد حسين
اشهر عمره وموش اسنين
يرمونه بسهام البين   
  ودمه يتجاره 

ناحت لمصابه الافلاك
بالطف ومفجوعه هناك
عبد الله سهمك اذاك   
تبجي بحراره
تبجيلك  الاقمار
تجريلك  الانوار
واضح حزنها
وتنادي يا مظلوم
و شسوت بيك الكوم
شرعتهه غابه
وذكر مصابه
===================≈===≈===
يا كوكب وكماطه اهلال
ضوه منك مو دم السال
ردت الماي اسكوك انبال
الما عدهه رحمه

حقد السافل ما مستور
وظلمه التحقد عل نور
بجفوف حسين ومنحور
يا كبره همه
مامست كطره الكاع
صارت للدين اشراع
منبر هدايه

عبد الله دمك صار
انشوده للثوار
حفظو كتابه
وذكر مصابه
==========================
بالخيمه النجمات اتنوح
من شافن نورك مذبوح
وحسين الردك مجروح
بيا حال اجاهن

طلع سهمك لو خلاه
جرحك ينزف لو داواه
من عده  شكد.طلعت اه
مشهد عماهن

مطرت سماهن اوف
وشجم كمر مخسوف
يمك تواره
ولتمن الغيمات
صبن مطر حسرات
فوك الترابه
وذكر مصابه
===========================
الله يساعد كلب حسين
شافك منحور بيا عين

ضحه شكد الهذه الدين
ضحه بمهجته

مو بس اسوالف تنظير
حتى الدين ايضل بخير
ضحى وماظم حتى ازغير
ولده وصحبته

ضحى ولا ندمان
حتى الولد قربان
جم غالي قدم

من اذكرك مولاي
كون اعمي هاي وهاي
اه العذابه
من اذكر مصابه
==========================
لا تنسون حسين ابيوم
هذه المذبوح المظلوم
وعبد الله نبجيله ادموم
نذكر اسمه

زنجيل وجف وقامات
يا دمعه تكفي ولطمات
هنياله الوي ذكرك مات
يابو الايمه

لو بينه مر ذكراك
نعيش الالم وياك
ما ننسه طفاك

نعرف لمن ضحيت
نهج الصدك خطيت
واضح جوابه
ونذكر مصابه

بدمها صعدت للسمه ومترسه اه
تشتكي الباريها مجروحه الصلاه
............
بالفجر وبصوته مرفوع الاذان
حرمت المسجد فرض للناس امان
صلى حيدر والخشوع بكل مكان
الف هنياله الذي صلى وراه
..................
تكله سيف الغدر سوه المستحيل
بعده ما طر الفجر والدنيه ليل
طاح مصيوب الولي والدم يسيل
شفت جرح الهامه فايض من دماه
..............
طاح بالمحراب مثل النجمه طاح
طاح وتبده الضوه وجبريل صاح
من اصلاتك ياعلي انصاب الفلاح
وبالأذان تيتمت حي عل صلاه
..............
جان مسموم وضرب راس الامام
جاهل وحاقد ونازل بانتقام
ضربه من عدها جفل كل الحمام
طار من عشه بحزن وبليله تاه
............
ركضت الايتام وتكوم وتطيح
سمعت ابواليهه مطبور وجريح
اه وايلاه وياحيدر تصيح
ترجف وذبلانه من عدهه الشفاه
. ...............
منضر الايتام بالجامع حزين
تشرب الدمعات وتغص بالونين
وين ياحيدر علي تخلينه وينه
وجهك من يغيب نطشر وراه

............
............

باجر كل حلم بعيون الورود
يتحقق يمهدي بيوم تظهر