အမျိုးသားညီညွတ်ရေးအစိုးရ၏ ပြည်ထောင်စုအစိုးရနှင့် ပြည်နယ်/ဖက်ဒရယ်ယူနစ်များအကြား ပူးပေါင်းဆောင်ရွက်ရေးကော်မရှင်(FSCC)အတွင်းရေးမှူးအဖွဲ့ နှင့် စစ်ကိုင်းဖိုရမ်ဖြစ်မြောက်ရေးအဖွဲ့တို့ တွေ့ဆုံဆွေးနွေး
ဩဂုတ် ၁၅ ၊ ၂၀၂၄
အမျိုးသားညီညွတ်ရေးအစိုးရ၏ ပြည်ထောင်စုအစိုးရနှင့် ပြည်နယ်/ဖက်ဒရယ်ယူနစ်များအကြား ပူးပေါင်းဆောင်ရွက်ရေးကော်မရှင်(FSCC)အတွင်းရေးမှူးအဖွဲ့ နှင့် စစ်ကိုင်းဖိုရမ် ဖြစ်မြောက်ရေးအဖွဲ့ သည် ၂၀၂၄ ခုနှစ်၊ သြဂုတ်လ ၁၅ ရက်နေ့၊ နေ့လည် ၂:၀၀နာရီအချိန်တွင် zoom platform မှတစ်ဆင့် တွေ့ဆုံဆွေးနွေးခဲ့ပါသည်။
တွေ့ဆုံပွဲတွင် စစ်ကိုင်းပြည်နယ်(ဖက်ဒရယ်ယူနစ်)ဆိုင်ရာ ကြိုတင်ပြင်ဆင်ရေး ကိစ္စရပ်များနှင့်စပ်လျဉ်း၍ စစ်ကိုင်းဖိုရမ်ဖြစ်မြောက်ရေးအဖွဲ့ဖက်မှ တင်ပြဆွေးနွေးခဲ့ပြီး FSCC အတွင်းရေးမှူးအဖွဲ့မှလည်း လိုအပ်သည်များကို ပြန်လည်ဆွေးနွေးခဲ့ပါသည်။ ယင်းနောက် အချိန်တစ်နာရီခွဲကြာကြာ နှစ်ဖက်ရင်းနှီးပွင့်လင်းစွာ ဆွေးနွေးညှိနှိုင်းခဲ့ကြပြီး ၄:၃၀နာရီတွင် တွေ့ဆုံပွဲအား အောင်မြင်စွာရုတ်သိမ်းခဲ့ပါသည်။

တိုက်ပွဲသတင်းထုတ်ပြန်ချက်
တကောင်းတောင်ပေါ်ရှိ ရဲကင်းအား စီးနင်း တိုက်ခိုက် သိမ်းပိုက်
၂၀၂၄ ခုနှစ်၊ ဇူလိုင်လ (၂၇) ရက်နေ့
မန္တလေးတိုင်း၊ သပိတ်ကျင်းမြို့နယ်၊ တကောင်းတောင်ပေါ်ရှိ အာဏာသိမ်းအကြမ်းဖက်စစ်တပ် လက်အောက်ခံ ရဲကင်းအား ၂၀၂၄ ခုနှစ်၊ ဇူလိုင်လ (၂၅) ရက်နေ့တွင် အမှတ် (၁) စစ်ဒေသ၊ မန္တလေးတိုင်း PDF တာဝန်ခံကွပ်ကဲရေးရုံး ကွပ်ကဲမှုဖြင့် အမှတ် (၃) အထူးတပ်ရင်းနှင့် သပိတ်ကျင်းမြို့နယ် (ပကဖ)တို့က စီးနင်းတိုက်ခိုက် သိမ်းပိုက်ခဲ့သည်။
တိုက်ပွဲအတွင်း ရန်သူ့တပ်သားများထံမှ လက်နက်ငယ် (၁၂) လက်၊ ခြောက်လုံးပြူး (၁) လက်၊ ကျည်အိမ် (၂၈) ခုနှင့် ကျည်မျိုးစုံ (၁၀၀၀) ကျော် သိမ်းဆည်း ရမိခဲ့ကြောင်း အသိပေးထုတ်ပြန် အပ်ပါသည်။
ပြည်သူ့ကာကွယ်ရေးတပ်မတော် (PDF)၊ စစ်ရုံးချုပ်
ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ