رجوع الضعن الى المدينة..

ياگلبي إلمن راد گلي
بلا طولهم بالسلف شلي
خالي النِزل وبكربله اهلي
ماهم هلك ياهو اليهلي

ياگلبي ون إبعالي صوتك
راح الگبل يسمع شكوتك
كافي تدگ خل يلفي موتك
لو ضال يم اگبور اخوتك

بعيني دمع وشلون اضمه
مهضومه جيت وآنه حرمه
يالشوفت ابيوت اهلي هضمه
ضويات دور اخواني ضلمه

تلگاني جيتك يا محمد
جيتك خليه اخوان وزود
اليتريس إعله الضعن محد
ضعن الچفافي الخظر اسود

(ماجيتني من صاحو غريبه)

اتلگاني ورچي الحمل عني
محمد افراگ اهلي كتلني
جيت بثكاله وعالي وني
ويانه مارد خال لـ بني

افتر إعله زينبكم دهرها
وبثمنطعش بيرغ دهرها
والله الجفه اهوايه كسرها
ضعفين اجت ليكم عمرها

لا تعبر اختك خويه وچي
لاتشتبه انه اختك احجي
متغيره؟اي هل جيت اشچي
شهرين وآنه افراگ ابچي

رديت بدمعي ونفس الوادي
رديت  وذكر مشي الحادي
بيا حال الراح ورد بدموعه
رديت  وگلبي حسين ينادي

تلگاني خويه جيت
گوم انتهض لخيتك من اليسر أجيت

تلگاني خويه جيت
شمس السبي عمتني أبنيلي خويه بيت

تلگاني خويه جيت
بگلبي الحجي دفنته ومن الدمع عميت

تلگاني خويه جيت
شكيني جيتك اشكي ومن الضهم گضيت

حسين  ياخويه  ياخويه  ياخويه
°°°°°°°°°°°°°°°°°°°°°°°°°°°°°°°

چم آآآآه ..وچم حسره إعله خيامي
يحسين ..حن گلبي إعله أيامي
حنييت..  لجفوف وفّي رايه
مذبوح..  گلبي بممشه الشامي

مايقبل استراح
الحادي الخذاني منكم مايقبل استراح

مايقبل استراح
يسمعونه نبجي عمده يدنوهن الرماح

مايقبل استراح
يرجفن رعب بناتي إمن الغربه والصياح

مايقبل استراح
محمله بواجي جيت وترس الگلب نياح

حسين  ياخويه  ياخويه  ياخويه
°°°°°°°°°°°°°°°°°°°°°°°°°°°°°°°
إمن الشوگ.. گلب أختك يتگطع
يحسين.. حجي أخوان ارد سمع
بالشام  .. كله الضيم إعله ختك
وهل جيت.  ترس أجفوفي المدمع

سميني بسمي گوم
جيتك أخت غريبه ادورلها أخو وتحوم

سميني بسمي گوم
ورجعلي گدري ذاك الجان بعلو النجوم

سميني بسمي گوم
نَّساني دهري اسمي ومنك اريده گوم

سميني بسمي گوم
تلگه الأجت بديها من الحبل رسوم

حسين  ياخويه  ياخويه  ياخويه
°°°°°°°°°°°°°°°°°°°°°°°°°°°°°°°
ردييت  ...  يخواني اتلگوني
امن الشام ..جيت الكم شكوني
إمن الضيم  اتلوه إعله الناگه
إمن النوح  مولح جفن اعيوني

يم گبرك ارد اطيح
إمن الناگه ما اتاني ويم گبرك ارد اطيح

يم گبرك ارد اطيح
ونعي نعي الفواچد ولطم إلك وصيح

يم گبرك ارد اطيح
يالنايم انتهضلي جيت بضعن ذبيح

يم گبرك ارد اطيح
مد إيدك إعله گلبي المن الهجر جريح

حسين  ياخويه  ياخويه  ياخويه
°°°°°°°°°°°°°°°°°°°°°°°°°°°°°°°

رجوع الضعن...

جيت بدمع..متغربه يالخوتك وطن
ماينسمع…من البجي حس الضعن
حدر الضلع..مخزنه السوالف والمحن

ردتلك المشتاگه الك ولمفارگه اعيونك غصب
جيت ارد اذب حمل السبي وحمل الخرابه والدرب
جيت بظعن اسمه ظعن خالي وسكت بي جم گلب
ردتلك الضاع إله أسم  والراحت براي الغرب

خويه جيت انوح ..بضعوني
إمن اليسر هلي.. تلگوني
تلگوا گلبي أجه ..بجروحه
والدمع يفور ..بعيوني

ياحسين اصيح ياخويه
•••••••••••••••••••••••••••••••
بنفس الدرب..رحت ورجعت ابدمعتي
راضوا الگلب.. ونسوني  حزني وغربتي
من الغرب..تعبانه وصرخ يخوتي

جيت انكت اتراب السبي وجروحي خويه إعله الگبر
واتوسط ابنصكم أخت مهضومه من شام وقصر
نمت إعله ناگه ابلا ذره والشمس فوگي ادث جمر
والحبل ياكل والهظم بنص گلب اختكم مستعر

ع الهزل واحن.. لخيامي
والحنان ايديك ..وأيامي
إمن الهظم گضيت ..ياخويه
والضعن گضه ..إمن ايتامي

ياحسين اصيح ياخويه
•••••••••••••••••••••••••••••••••••••
جيت بظعن.. لا گاعد بفَّي لا روه
نعطش وطن..ويحرگ ملامحنه الهوا
هيج الزمن.. ما خله اخو ويخته سوه

ارد احجي يم گبرك عتب  بعشرتنه اذكرك وبقبل
ماجنت اعوفك وحدَّك ولا فرگه يحسين احتمل
ماقبلوا أوياكم اضل ومنكم اخذ چفي الحبل
ما شفت راحه بفرگتك لو بالخرايب لو هزل

خويه بسمي صيح ..ذكرني
ياغريبه هاي.. تهضمني
ياحنان ابوي ..وطباعه
جيتك استراح ..من حزني

ياحسين اصيح ياخويه
•••••••••••••••••••••••••••••
خويه ارجعت ..وليهسه احس بيدي الحبل
اهواي اكبرت.. بگدما على اخوان انسأل
بهمي صرت...  مثل الخيال إعله الهزل

إمن الشام اجيتك اشتكي الخلص بناتي إمن القهر
بيدي ادفن التوه حجه والتوه شد عوده وكبر
مابي رُقيه الضعن اجه الما نامت بطول السفر
ماتت على راسك شبگ  وغمضت بعد كل السهر

الطفله ما تنام.. مشتاگه
وتبجي والدموع ..حراگه
منها ماكو ذكره ويانه
وباقي بس دموع ..ع الناگه

ياحسين اصيح ياخويه

حضروا سبينه وگلبي ينعه
ومن گبل ما وي حادي اگطعه
ع الحادي صحت الله الأحد
خلوني آخر مره اودعه

اخوي وفد حضن من زغره رابي وياي
مو مالت اعوفه امدد ابهل البر

اريد انزله ارشن جوه جسمه الماي
ماينكظ رملها الگاع من الحر

اذا مو جفن خن دور لخوي افياي
شمس الصيف فوگه وگلبي مايگدر

آآآآآآآآآه
توانه يحادينه توانه
مو هيج اليودع اخوانه
هذا وصية امي ياناس
وما اقبل يضل بمجانه

آآآآآآآه واويلا واويلااااااه
••••••••••••••••••••••••••••••••••••••
مشونه وكل احنه صحنه
العل گاع هذا جبير اهلنه
لو مارضيتوا نودعه ونروح
خلونه ننزل ندفنه

ياهو اليقبل اتضل أهله فوگ الگاع
أو لا هو الدفنهم لا نزل ودع

صعبه الما مجرب وي أخو لوداع
وينظر جسمه جوه الخيل يتگطع

يا عاده الي ترضه ويا شرع وطباع
الميت عنده اهل ويضل بهل مصرع

آآآآآآآآه
ليموت أهله اتشيعه صايح
وتلث ليالي إعلي فواتح
مو بالصحاري يبقى متروك
وراسه برمح للشام رايح

آآآآآآآه واويلا واويلااااااه
••••••••••••••••••••••••••••••••••••••

من گتله نوگف گال اسكتي
جفي انترس خويه بدمعتي
آنه الهضمني ارماحكم هاي
وگبالكم كسروا چلمتي

آنه الكل اخوتي اتصيحلي ام الشور
وبعد كل هل عمر لا رآي لا چلمه

الماكو بظهره اهل كل حجيه مكسور
وبكيف الغرب حتى محط جدمه

مدري شچم صبح ع النوگ راح اندور
واليمشي بهزيله يبدلون اسمه

آآآآآآآآه
اشكيلمن ضيمي وبلوتي
لا ناگتي واسمي وأخوتي
آنه الأثرها يمسحه عباس
وتالي انترس طف بخطوتي

آآآآآآآه واويلا واويلااااااه
•••••••••••••••••••••••••••••••••••••
هاي آنه؟لو مشتبهه بيّه
الأمسح ادموعي بحبل اديه
هاي آنه الأبجي ومحد يگوم
وبس لا علّي چلمة سبيه

إيي ياروحي هاي أهي البدون اخوان
وتوه الضيم باجر شام والكوفه

الضوه يمر هودجي ياروحي ما جان
وهسه الشام اطبله بناگه مكشوفه

المشه ومحروگ گلبه؟ وداع عطشان
الماشال ايده لهله؟ ايده مجتوفه

آآآآآآآآه
نداريت كلي من طلعنه
ماردنه بس والله انجبرنه
هيه حلات الموته يمكم
ما صارت ورحنه يهلنه

آآآآآآآآه واويلا واويلااااااه

مضيوم الگلب والروح مضيومه
عفت الدللوني برملت الحومه
شيهيد المشه مجتوف من گومه
وهو امدَلَلَ الكل ونكسر سومه

مو هيجي يخواني
الرفچه اتصير عدواني
ردوني اعله صيواني

شي مشي جدمه وي الغرب   لمدللته اخوانه

•••••••••••••••••••••••••••••••••••
بين اضلوعي گلبي اعليك يتلوه
واثاري ابدون اخو كل رفچه مو حلوه
اهنا يالراضعين بدرة الخوه
موش برآيي بس صار الجفه گوه

موش ابرايي فرگاكم
تمنيت ابقى انعاكم
وحلات الموته وياكم

يا بخته ليغمض الجفن. ويموت بين اخوانه

•••••••••••••••••••••••••••••••••••
امشي وما مصدگه وعيني لحبالي
وسايج ناگتي مو نفسه كفالي
موش النه الجفه وتجفوني من تالي
وعلي هسه صدگ بالضيم ياحالي

رحت ابلا اموادعكم
ولا شبعانه من عدكم
انه مشابگ ردت منكم

يا گلبي شي رجعه الأمس  واشبع شبگ بخواني

•••••••••••••••••••••••••••••••••••
اهنا يالروسكم متسدره الروحه
روحي امن المفارگ والله مجروحه
گوموا الگلب اختكم ضمدوا اجروحه
الشام ايريدني يم بابه مذبوحه

يريد ادخله بحبالي
وبسمي يصيحلي گبالي
وتدروني ام خدر غالي

كون وي موتتكم متت  ولا جدمي يوصل بابه

•••••••••••••••••••••••••••••••••••
عمر خوتنه خويه هذا مفراگه
انت اعله الرمل وانه بظهر ناگه
انه مو  روحي كلي اعليك مشتاگه
وجبل فوگ الگلب يا چلمة افراگه

گوموا عرضوا للناگه
ونزلوا التبجي مشتاگه
وفلوا أحبالي وشباگه

يردونها اطر الدرب  الماطالعه أله برايه

رُوِيَ عَنْ أَبِي عَبْدِ اَللَّهِ الصّادِقِ عَلَيْهِ السَّلاَمُ: "إِنَّ أَفْضَلَ مَا تَأْتِي بِهِ فِي مِثْلِ هَذَا الْيَوْمِ -يَوْم عَاشُورَاء- أَنْ تَعْمِدَ إِلَى ثِيَابٍ طَاهِرَةٍ فَتَلْبَسَهَا وَ تَتَسَلَّبَ" ،
قِيلَ: وَ مَالتَسَلُّب؟
قَالَ عَلَيْهِ السَّلاَمُ: "تُحَلّلَ أَزرَارَكَ وَتَكشِفَ عَنْ ذِراعَيّكَ كَهيئةِ أَصحَابٍ المَصائِبِ..."

@Ya_mh_313 الألحان

يحسين يلـ بالگلب سباح
صوتي تطبگ من الصياح
لا بـطل ولا فـتر النياح
وجدمي يرافج جدم ذباح

گلبي توجه
إمن اسمك ينذكر گلبي توجه
مو خوش رفجه
ويه الغرب مو خوش رفجه
وتريد حجه
روحي تون وتريد حجه

يـالگاعـد بطبگاتهه الروح
راسي خوه من كثر ما نوح
عدمن انسير گلـي وانروح
وبيوتـكم هندس يمذبوح

يحسين تدرون
يعور الجفه يحسين تدرون
ببطون العيون
ما ضل دمع ببطون العيون
يالما اتگطعون
بگلبي انگطع يالما اتگطعون

لفراگ وجهك مالي طاگه
وتل إعله گلب اختك افراگه
اويـانه بطلتـوا الرفاگه
ومحد فزع عطل الناگه

شروه اشتريها
رفچة هلي شروه اشتريها
سيروا عليها
حنينه الأخت سيروا عليها
فرگاك بيها
سوه عمل فرگاك بيها

مهضومه روحي اتريد والي
يگعد وسولفله إعله حالي
أنه اختـك وداعـيك بدلالي
وبـعشـرتي وذيـج الليـالي
يابن امي يابو علي ياخويه

شراي همي.
غير اخو شراي همي
من حلگك إسمي
شتاگيت وعلي من حلگك إسمي
ياريحة امي
تريدك اخت ياريحة امي

شيرد صبانه وذيج الايام
والفيك كل ما گلبي يحتام
شگصر الوكت وشگصر العوام
يمك امس واليوم بالشام

شيعودها حسين
أيام الصبه شيعودها
نازل على العين
ماي افراگكم نازل على العين
نصبح بالونين
نمسي نعي ونصبح بالونين

يايمه اجيتك ابدمع من المدينة الكربله
گالولي هدك العطش عاري وتون وسط الفله
آيا حبيبي المابگه  واحد يعينه إمن اخوته
الماعنده اخو يشيله يضل. محد يجيله يضلله

اعثر وصيح.
ياكربله ابني اريده
ليش الضمه يبس وريده
هاي الشريعه مو بعيده

هيج اليجيچ 
گدامه ويطيحن خيامه
بهذا الضهر يصبح منامه
تضيعيله بالهيمه يتامه

••••••••••••••••••••••••
ضلعي لجمني من شفت بجسمك ولا ضلع سلم
يمك طحت ودوهنت كل طولك اتراب اويدم
گمت امسح بإيدي التراب إمن عيونك الغارن عطش
وماكو مچان اقبلك. إله وجرح بي لو سهم

أمك وريد. 
امسح شفافك ابدمعتي
يمك أضل هايه گعدتي
يوليدي ياروحي ومهجتي

بحضني تعال.
يمه الرمل يجوي جمالك
خليني اشبع من وصالك
فارگتك وانت بدلالك

•••••••••••••••••••••••••••••••
وياك النهر يمه گصه ومادّنه يم شفتك شرب
صارن شفاف ابني زرگ  وصاير جمر ويلي الگلب
شتطلب حبيبي يافرات مارجعت أخو الأخوه
رجعته محني للخيام. وتشمتوا ببني الغرب

محني وينوح
رجعته والغربه تصدله
يميل ويرد مهره يعدله
وطاح بوسط خيامه وهله

لا يافرات 
ليش ابخلت مايك علينه
طيحت ابو اجفوف الحنينه
ليهسه منتظره سكينه

••••••••••••••••••••••••••••••••••
يبني منو اليمك يضل وضعنك اذا مشه الصبح
وين انطي يحسين الوجه هنا جسمك وراسك رمح
وعاري تضل بهل شمس ولا فوگك أفياي وچفن
سموم الصحاري اتعذبك وطولك يغالي امك جرح

حسيني الغريب 
محد يغسله اولا يچفنه
محد يشيله اولا يدفنه
بهاي الصحاري خله ضعنه

مصابه مصاب
ما ودع اخته من اجته
من العطش ميت لگته
وفراگه من دمه بجته
•••••••••••••••••••••••••••••••••••••

يالكاسرك اعز اخو   ويالذابحك أغله ولد
يالعايف بظهرك اخت  ماتحمل افراگك ابد
يكتلهه هجرك عل هزل  لو جابوا اسمك بالدرب
وتريدك وانت رمح. إمن طب على ارذل بلد

إمن الشام أصيح.
آه شيطب بناتي بيهه
وكل الخلگ تنظر عليهه
وهيه بحبل مچتوفه اديهه

هناك العذاب.
هناك الهظم كله ومصابه
هناك آخر احجاية يبابا
وتاخذ رقيتك الخرابه