خلاص أنتهى مافات وأمر الله الغلّاب
وكلٍ معرض للضما وأشهب اللالي

"لا تبالغ فـ التعلُّق.. ترى طبع الزمان
‏يسرق الحاجة على قدر ما أنت تحبها"

و انا من غيرتي حتى الهوى لا تعداك
اقول وش تبي يا هوى في حلالي

"الغياب اجزل من أعذارٍ تجيب أسمنها
خلك اللي كمَّل غياب؛ ومكانه خالي

حاشمك من رجعةٍ ماضيِّك أجمل منها
من متى والغالي إذا راح يرجع غالي؟"

"أحضنيني لين أحس أني بصدرك مقيم /
الغريب اللي في حضنك ما يلقى له بلاد "

وفي نهاية هذا اليوم
أنت حبّك كنّه الحكم السعودي
ثبّته عبد العزيز ولا تغيَّر

خذني من أفكاري ومن كثر ظنّي
الظنّ يرهقني بالإيجاب والسلْب

وقلّي كلام يطمّن القلب لأنّي
محتاج لأدنى كلمة تطمّن القلب

أدري العرب عادات وأدري تقاليد
وأدري أن البشر من دون ذمه

والله يابنت العرب والأجاويد
مابغيت سوى بنتي تناديك يمه

أبكيك وأدور عليك وأدري غيابك مو بيديك
ببقى أعيشك وأحتريك ، متأملٍ بالحظ فيك

قطعت قلبي بالغياب فتحت للدمع ألف باب
خليتني أطرد سراب ضيعتني بين الضباب

بعدك كرهت أهل الهوى والناس بعيني سوا
ما عاد فيني لا قوا والعين فاقدها الضوا

دارك بعيد وانا بعيد وحيد وراح ابقى وحيد
قلبي حديد؟ ذاب الحديد وظروفي يا هل من مزيد؟

ليتك تشوف اللي يصير لامن بدا الثلث الاخير
حالة عدوك والمصير ماهو يبشرني بخير

انا كبير من الكبار لكني أنهرت انهيار
ماعاد في يدي خيار ، الا الأمل والإنتظار

وإن قدرت أقول زينك وش كنّه؟
كنّي أرد المطر صوب السحابة
❤️