Шайыра апамыз бенен... 😊

Қарақалпақстан телевидениесиниң бүгинги "Ассалам,Қарақалпақстан!"көрсетиўи арқалы эфирге узатылған дөретиўши жаслар менен болған ушырасыўымнан көринислерди тамаша етиң,әзизлер!
@gulnara_nurlepesova

Шаң басқан каналымның шаңын тазалаўға келдим...😊

Билемен, көп ўақыт искерлигим тоқтады. Даўам етемиз!☺️

?ДЫҚҚАТ ЖУЎМАҚ⚠️

? Ҳүрметли топарымыз ағзалары, әзиз айтыс сүйер халқымыз!
⚡Хабарыңыз бар топарымызда
#Дилўарлар бәйгиси атлы жазба айтыс таңлаўын жәриялаған едик.
Бүгин усы таңлаўдың жуўмағы менен таныстырып өтемиз.
"Жүзден жүйрик мыңнан тулпар" дегениндей , финал басқышына төрт айтыскеримиз жетип келди.
Олардан:

?УЛБОСЫН ИСАМАТДИНОВА сыйлы III орын ,
?ҲҮРЛИМАН ДОЩАНОВАЛАР сыйлы II орынларды алған болса ,
?ОРЫНГҮЛ ПИРНИЯЗОВА
сыйлы  I  орынның ийесине айланды .
?Өзлериңиз көрип гүўасы болғаныңыздай, бул  талант ийеси ,  барлық қарсыласларынан үстем келип , өзиниң айтысқа деген уқыбын , өнерин ,билимин  көрсете алды.
?БИЗ ОРЫНГҮЛ ПИРНИЯЗОВАНЫ бүгинги жеңиси менен қутлықлай отырып денине саўлық , шаңарағына аманлық , поэзияның бийик шоққыларына шығып халқымызға жақсы-жақсы дөретпелер инәм етиўинде талмас күш қанат , тасқын илҳам йош  тилеймиз .

?Усының менен 
#ДИЛЎАРЛАР БӘЙГИСИ атлы жазба айтыс  таңлаўы өз жуўмағына жетти .

Барлық қатнасыўшыларға өз гезегинде көп-көп рахметимизди айтамыз жумысларында ҳәм дөретиўшилик жумысларында тасқын- табыслар тилеймиз.??????
.?????????

Шөлкемлестириўшилер топары

Ashıq adamģa ...

Ashıq adam, shın aytaman, obalıń joq!
Joyıtqanıń kóp shıģar da, tabarıń joq.
Endi qalay kún kórmekseń, bayģus adam,
Óz-ózińdi jaģıp boldıń, jaģarıń joq.

Ashıq adam, óz júregin ayamaģan,
Hásiretti ózi barıp sayalaģan.
Óz-ózine qaslasıp, dushpan bolıp,
Keledi dep tonın pishken, qıyal adam!

Ashıq adam, izlew saldıń, deregi joq.
Ashıq júrek bos sózlerge eredi kóp.
Bayģus demey, aytshı seni ne dew múmkin?
Sezimińniń ol adamģa keregi joq.

Ashıq júrek, sırı áshkár bolģan gewde.
Paydasız-aw jubatıw da, bir sóz dew de.
Essiz adam ózin otqa uradı ģo,
Parqıń bolmay turģanı ma essizden de?!

Ashıq adam, seni jaqsı túsinemen.
Onday ottıń kirip kórdim ishine men.
Ózin bosqa azaplaģan tutqınlar ol,
Sonnan beri ashıwlanıp, isinemen.

Ashıq bolıw buyırsa da bári adamģa,
Birge bolıw buyırmaģan hár adamģa.
Sonıń ushın teńizge kóp qıza berme,
Baxıtıńdı tabıw múmkin jaģadan da...

@qademler

Isamatdinova Ulbosın

Men gúzdi unatpayman, hayran bolma.
Qáte deme aytqanımdı oń ba, sol ma.
Gúz meni onnan ońay ajıratqan,
Ajıratqan da tutaspaģan eki jolģa.

Sen kúteseń, gúz keldi dep quwanasań,
Al, mendegi ármanlar kóp quwalasam.
Sol ushın da tań qalma sen gúz jóninde,
Ayta almasam, qıynalsam, tubalasam.

Jawını da unamaydı, samalı da!
Al, saģan she sarı túsi jaģadı ma?
Men gúzdiń rayına qarap júrsem,
Gúz meniń rayıma qaradı ma?

Gúz bizdi alģan gezde bawırına,
Ol meni izlep kelgen awılıma.
Múmkin edi mángilik ketiwi de,
Múmkin edi mángilik qalıwı da.

Onıń meniń qasımda qalmaģanı,
Qıyallardıń haqıyqat bolmaģanı,
Bizler birge bolıw ushın tırıstıq qoy,
Gúz bolmasa, neden boldı sonda bári?

Bizdi kórip taw unırap qulaģanday,
Al, adamģa qızıq emes múmkin bunday.
Úmit júgin arqalap ótken quslar,
Bizdi kórip, qıyqıwlap, jılaģanday.

Sharasızban, ayralıqqa shıdamaģan,
Qıstıń qarı jubanısh mına maģan.
Sarı jaqıraqtay basqılanģan bizlik baxıt,
Sonnan beri gúz maģan unamaģan...

@qademler

Isamatdinova Ulbosın

Assalawma aleykum, zıyalılar. Sizlerden bir járdem bolsınshı, usı kanaldaģı sizge eń unaģan qosıģımdı tómendegi kommentariya bólimine jazıp ketseńiz?

Bul men ushın júda zárúr tap házirgi waqıtta!??

Sırlasıw

-Shayqatılģan japıraqlar, sırıńız ne?
-Adamlarģa aytılmaģan muńıńız ne?
-Samal kelse sıbırlasıp terbelesiz,
-Gúz keldi dep qorıqtıńlar ma, bunıńız ne?

Kúnniń nurı jılıtpay ma boyıńızdı?
Maģan aytıń, túsinemen oyıńızdı.
Birim-birim sarģayıwdı baslapsız ģoy,
Kóklemlikten, jasıllıqtan joyıp izdi.

Ğarrı tamır qıymay turma, iyilipti.
Qaltıraydı kótergendey awır júkti.
Tórt máwsimniń ınjıqlıģın kóre beriw,
Bayģus tamır, shaqalarģa buyırıptı...

Oysız shaqa ál aspanģa umtıladı,
Ğarrılıqqa isenip tur múmkin taģı.
Jas kókirek awırlıqtı qaydan bilsin?
Jer astına jasırınģan dárttiń bári.

Sır bergisi kelmes jurtqa kekse terek,
Shımır ayaz, boranlı qıs tewse de kep,
Hásiretin bildirmegen bul da bir kún,
Japıraqlarģa jasırınıp ótse kerek...

Oylandırdı hár japıraqtıń úzilgeni,
Oylandırdı quslardıń sap dizilgeni.
Million japıraq  ayaģıma tósew bolsa,
Al, mendegi   úmit ele úzilmedi.

Japıraqlar, mende sizdey qorqıwdaman,
Sarģayıwdan basqa durıs jol qalmaģan.
Sál kútseńler sizge báhár keledi ģoy,
Sol "báhár"diń kelmewi de múmkin maģan...

Ulbosın Isamatdinova

Jalģan deme bul dúnyanı, árman de!
Árman bolıp qanshasınan qalģan de.
Jerdiń astı tirilerge biymálim,
Jerdiń ústi kóz jaslarģa tolģan de!

Sınaq ushın keldim deme ómirge,
Jasawdı bil, qıyın deme, túńilme!
Súringende qaģıp úyren dizeńdi,
Jıģıldım dep topıraqqa kómilme.

Súy ómirdi! Japıraģın, qusın da.
Qolģa qonsa gúbelegin ushırma.
Sen olardan artıq tursań onsız-aq,
Adam bolıp jaralģanıń ushın da.

Óz uyańdı súyiwdi úyren torģaydan,
Jıllı jazın kútiw menen sarģayģan.
Ayazda da ol ómirge ósh bolsa,
Jasaw-qıyın demekshiseń sen qaydan?

Dúnya basqa. Sen basqasań. Men basqa.
Ómir basqa. Táģdir basqa. Aljaspa!
Táģdirińdi sınaq deseń óziń bil,
Al, ómirdi ayıplama qurı bosqa.

Ómir-ustaz, oqıwshısań jalģız-aq.
Bir quwansań, bir jıģılıp, qulap.
Jalģan jaqqa baratırsa mıń adam,
Haqıyqat dep qarsı gúres sen biraq.

Isamatdinova Ulbosın

Balalar úyinen...

Átkánshókte terbeledi qiz.
Kózi muńlı, al, ózi únsiz.
Shayqatıwģa umtılma onı,
Jaqsı sóziń ol ushın qunsız.

Kúshiń jetpes terbetiwge de,
Onıń dárti- dım awır, góne.
Balalıģı oģan qádirsiz,
Asıqpaydı er jetiwge de.

Názerleri qalģan qadalıp
Obal ketken onda balalıq.
Sulıw kiyim, túrli oyınshıq,
Bola ģoymas oģan jańalıq.

Kishi júrek sezedi bárin,
Ol náreste-kútken ıģbalın,
Suwıq sózler shıyratıp ómirin,
Suwıq kúnler salģan ızģarın.

Dúnya ģamı sol qızģa talas,
Albıratar ondaģı qaras.
Áketpeseń ertip úyińe,
Aldap ketpe onı iltimas!...

Isamatdinova U
@qademler