رسائل إلى الذات: ٢٧

ثقّف نفسك على المقاطعة والاستغناء، الاستغناء عن المنتجات الداعمة للكيان المتوحش. ثقّف نفسك على معرفة هذه المنتجات. بعد مرور ١٥ شهر على المجازر اليومية، وأكثر من ٧٠ سنة أخرى من الاضطهاد أصبح من المخزي أن واحد ميتعب نفسه ويحاول يعرفهن.

بديهي، كل دعم أو استهلاك أو ترويج لهاي الشركات هو قباحة تقابل حجم دماء الأبرياء اللي تروح كل يوم. لو وصلت للنجوم بالعلم والمعرفة ونسيت هذا الجانب تبقى ثقافتك منقوصة بل مشوّهة حتى تستيقظ من غفوتك.

#رسائل_إلى_الذات

رسائل إلى الذات: ٢٦

لا تعرض مبادئك للبيع ويصير الها مقابل، وتصير أشبه بالمرتزق اللي يصعّد الناصي وهو بالحضيض. شنو قيمة الفرد بدون مبادئ؟ وشنو قيمة الكم فلس حتى تصير ثمن للثوابت حتى تُكسر أو تتنازل عنها؟

إذا تتصور هاي الـ١٠٠ دولار أو الـ٢٠٠ أو أي مبلغ ثمن التنازل عن المبدأ فقيمتك الحقيقية هي 'لا شيء' لأن منزوع المبادئ ما ينفع إلا بمعسكر المنافقين والنكِرات.

#رسائل_إلى_الذات

معاني متناقضة لكلمة swear

https://youtube.com/shorts/opbjKWkDd6s?si=NOvFpaqKXjKdbB_K

رسائل إلى الذات: ٢١

اقرأ الكلام اللي في الصورة، افهمه، اهضمه، طبقه، أدخله ضمن متبنياتك، لا تتنازل عنه مهما حدث.

#رسائل_إلى_الذات

شدعوة هالترف يابه أهل بغداد والمناطق المجاورة؟ شنو تريدون تتنفسون هواء نقي؟ هو وين حصلان الهواء هالأيام؟ مو گالولكم الأفندية "لا داعي للقلق" و"قللوا طلعتهم بالهواء الطلق."

هاي الشعوب البطرانة، اليوم تريدون هوا نظيف، باچر عگبة تطالبون بحياة كريمة وتحتجون على سوء الإدارة وتغلغل الفساد! شدعوة!

اليوم أصبح رسميًا عيد ميلادي الـ٣٤

بصراحة اني مو من النوع اللي يحب موضوع أعياد الميلاد، يعني ما أتحمس لهذا اليوم، ولا أتضايق منه، أعتبره يوم طبيعي، الاختلاف فقط هو مباركات المحبين من العائلة والأصدقاء والمعارف وتمنياتهم الي بالخير. شيء يسر القلب. الإنسان يحب يسمع الكلام الطيب، يخفّف هموم الدنيا مهما كبرت، لذلك (إلقاء السرور في القلوب) فعل يؤجر عليه الإنسان أجر كبير.

برأيي يوم عيد الميلاد هو أشبه بإشعار معنوي يگول للشخص (تره العمر يمشي) أو (تلاحگ روحك وانتبه) أو (كلّ من عليها فان) أو شي من هذا القبيل. لذلك أحلى أمنية أحب يتمناها شخص إلي هي حسن العاقبة، لأن موضوع الخلود اللي يصير بعد الدنيا هو موضوع مقلق إذا كان في مكان غير مناسب.

ما تفارقني رواية (من تساوى يوماه فهو مغبون)، أي أن الشخص اللي أيامه نفس الشي هذا يخسر كونه ما ملتفت لنفسه وميتقدم أو يصعد. الكمال المطلق لله بس التكامل البشري ظاهرة ممكنة وأي تصرف يرتقي بالإنسان هو خطوة على طريق التكامل. بكل الأحوال العمر تجارب وخبرات وهنيئا للي يستفاد من أخطائه ويصير مصدر منفعة ومتنحچي بظهره غير الكلمة الطيبة.

دامت أيامكم وأعوامكم بخير أحبتي ❤️

گواهم الله
عاش من شافكم يابه

صبحكم الله بخير وعافية وراحة بال ورزق دنيوي وأخروي. ❤️

كيف الحال؟ عساكم بخير وعافية

فيديو جديد قد يفيدكم ببعض المفردات الجديدة 🔻

https://youtube.com/shorts/xkh5UEKC70o?si=5dz0vgm5OCKBCCPk