Ulugnor tumanida hayvonlarning yukumli kasalliklari bo‘yicha tadbir o`tkazildi

Tuman veterinariya va chorvachilikni rivojlantirish bo‘limi hamda hayvonlar kasalliklari tashxisi va oziq-ovqat mahsulotlarini xavfsizligi davlat markazi mutaxassislari tashabbusi bilan tumandagi Yangiobod mahalla fuqarolar yig‘inida mahalla faollari, fuqarolar ishtirokida hamda “Dilorom” fermer xo‘jaligida hayvonlarning yuqumli kasalliklari va ularning oldini olishda o‘tkazilayotgan kuzgi mavsumiy profilaktika tadbirlarini hamkorlikda tashkil etish bo‘yicha ko‘rgazmali seminar tashkil etildi.

Seminarda aholi xonadonlarida, fermer xo‘jaliklarida hayvonlarni to‘g‘ri parvarishlash, ularni yuqumli kasalliklarini oldini olishda veterinariya xizmati mutaxassislari tomonidan o‘tkazilayotgan epizootik tadbirlarni hamda hayvonot kasalliklar bo‘yicha aholi orasida targ‘ibot ishlarini tashkil etishda mahalla faollari, ko‘chaboshilarining, hayvon egalarining xabardorligini oshirish, ularga tushunchalar berish, veterinariya xizmati ko‘rsatilishi bo‘yicha mutaxassislarga murojaat etish bo‘yicha suhbatlar o‘tkazildi, mutaxassis tavsiyalari berildi.

Seminar ishtirokchilariga tuman veterinariya va chorvachilikni rivojlantirish bo‘limi hamda hayvonlar kasalliklari tashxisi va oziq-ovqat mahsulotlarini xavfsizligi davlat markazi mutaxassislari tomonidan aholi xonadonlarida hayvon kasalliklarini oldini olish bo‘yicha amalga oshirilayotgan epizootik tadbirlar ko‘rgazmali namoyish qilindi.