سچاچة عيني باجر دوام لكل المحافظات ، ما عدا البصرة ونينوى عطلة و محافظات كردستان 😁💔

كملوا دروسكم اذا عدكم قراية و باجر راح انزل لكم جداول لنصف السنة لان اجة وقتهن بعد حتى نبدي نقرأ ونتحضر لها 💪🏻💗

اربعاء سعيد سچاچة ❤️👋🏻

الي عدهم امتحان باجر هذا الجدول يفيدكم كلش :👇🏻🔥

اول شيء كون نايمين زين وشبعانين نوم حتى نكعد بنشاط كامل 😴💛

تكعدون الصبح ب 10 💞

ريوك لحد 11 وراها تبدون تقرون لحد ساعة 2 الظهر فقط ربع ساعة راحة للصلاة 💚

ب 2 عدنا غداء + راحة شوية تصير الساعة 3:00

ترجعون تقرون من 3 الظهر -8:30 بالليل ✨

كل ساعتين تاخذون استراحة 30 دقيقة و تخلون يمكم بطل مي تشربون حتى ما يصير عدكم تعب وجفاف 🩷

اذا صار عدكم ملل اثناء القراءة حاولوا تغيرون مكانكم او تغيرون طريقة الدراسة يعني تقرون وانتوا تتمشون 💪🏻🙂

تاخذون هسة استراحة من 8:30 لل 10:00 الي هي فترة العشاء تعتبر وبعدها ترجعون تقرون لحد 12:00 وتنامون ❤️😴

الي ماعدهم امتحان هم تكدرون تخلصون بي تراكمات هذا الجدول

ركزوا ع المهمات وركزوا ع الاسئلة الي الاساتذة كالوا عليها مهمة و توكلوا ع الله ويارب يسهل عليكم 🤲🏻🤍✨

من يوم الجمعة عكب باجر ابدي انزل لكم جداول نصف السنة ⚡️🩶

-استاذ اني احفظ بس انسى ونصف السنة اقتربت تعبت شسوي ؟ 😭💔

-دائماً اقرا واحفظ واحس نفسي ما ضابط المادة زين ولا مسيطر عليها ، ما بقى عندي واهس 😢💔

شنو تنصحني ؟ شسوي اريد حل 😰

الحل : اول شيء يا عزيزي الطالب/الطالبة الشاطر البطل النسيان حالة طبيعية كلش وتواجه كل طالب حتى السچاچ ينسى حتى المتميزين ينسون لا عبالك بس انت 😁♥️

يعني مثلاً عندك امتحان كيمياء وفيزياء وعربي ورياضيات ، شلون تريد تحفظهن كلهن بدون ما تنسى شوية منا وشوية منا ؟ اصلاً هن مواد مختلفة وكل مادة تحجي شكل فلا تضوج ابداً ولا تخاف ولا تتوتر ولا تزعل ، الضغط الدراسي سبب ان يخلينا ننسى 💗🥶

احب اطمئنك ان اي شيء تقراه وتنساه هذا النسيان مؤقت ، يعني اما بسبب الخوف او لان ما راجعت زين او بسبب كثرة الدروس ، يعني تحفظ هواي امتحانات فيصير تضارب بالحفظ ، الخلاصة ان بيوم الامتحان مجرد ما راح تراجع المادة بشكل مركز💯💯راح تلكة نفسك كلها حافظها 😍💪🏻🔥

انت لمن تقرأ يومي وتراجع دائماً هنا انت كاعد تشتغل صح على نفسك وعلى دراستك💗وبنفس الوقت كاعد تكسب ثقة الامتحانات

اهم اهم نقطة اريدكم تتخلصون منها هي الخوف ، صدكوني بمجرد ما تتخلصون من الخوف راح تنحل كل مشاكلكم ، اريدكم اقوياء وثقتكم عالية بنفسكم وابداً لا تستعجلون اثناء الاجابة بالامتحان 💪🏻😇

شاركوا القناة لكل اصدقائكم حتى يستفادون ♥️🌐

هّـلَوٌ سِـچأّچةّ شُـلَوٌنِکْمً 👀❤️‍🔥

طبعاً اليوم حبيت اقدملكم نصيحة للامتحانات الشفهية 📚🫡⏳

طبعاً كلناً بالاسبوعين الجايات عدنة امتحانات شفهية منها :
♘الحاسوب
♘والانكليزي
♘والعربي
♘والاسلامية

طبعاً كلنة نكول سهلة وهو شفهي وماندرس واني جنت نفس الشيء قبل وتندمت ما جنت ادرسهن زين 😥👍🏻

الامتحانات الشفهية هيا عبارة عن مساعدة للطالب حتى يكدر يرفع من درجاتة☠️👍🏻❤️‍🔥 ، يلا نبدي بيهن :

1_الانكليزي: الي هن قطع اللازم الطالب يدرسها ويحفضها بتركيز واهم شي يفهم حتى يكدر يحسن من قراءته وخاصتاً الوزاري حتى يكدر بل وزاري يقرأ ومايحتاج احد يساعدة ودائماً يجي ب امتحان الانكليزي طبعاً المعاني يعني انتة موبس تحفظ وماتفهم معناها بل عربي هذا شي غلط لازم تعرف معناها وطبعاً دائماً مدرسة او مدرس الانكليزي يسئلك شغلات بل عاميّة وهاذ الشي لازم ماننسى وهم ندرسه في حال سألوا نحن جاهزين ومستعدين الاي سوال 🫡💪🏻🔥

2_مادة الحاسوب: طبعاً ال وزاري يطبكون على صفحة لأن ماعدهم 😂
المهم نجي مادة الحاسوب نركز دائماً على التعاريف كلش مهمة التعاريف والوظايف كل تعريف يجي ويا وضيفة وبكل امتحان يجون فركزوا عليهن ويجيكم من اسئلة الفصل فركزوا عليهن واذا ركزتو عليهن راح تضمن درجة كاملة ان شاء الله 🌹📝👍🏻

3_العربي: اسهل مادة وماينرادلها هواي تعب طبعاً اذا جنت تحضر يوم بيوم فراح تشوفها كلشش سهلة طبعاً العربي دائماً يجي القصيدة وأهم شي تحفظ 1_اسم الشاعر 2_ وال قصيدة 3_ مكان ولادته ومتى ولد ومتى توفي • ومن هاي السوالف فل احسن تحفضها كلها حتى تجاوب وتضمن درجتك طبعاً هم يجي معاني الكلمات والتحليل مال القصيدة ومايجي اكثر من هيج واذا سوال ماجوبت راح تسئلك او تسئل/ج شي من القواعد وهاي المفروض نعرفها وان شاء الله الكل يجيب اعلى الدرجات 🥹❤️‍🔥

4_الاسلامية: طبعاً حتى مايحتاج نكولها لأن احنا كلنة اسلام وكلنا نعرف الاسلامية مايجي شي غير الايات ولازم نحفضها وللاحتياط نحفظ المعاني واذا ماعدنا شي نختصرها ونراجع الكتاب كله حتى نخلص 💪🏻❤️‍🩹

نصيحتي للطلاب: استغلو هاي الفرصة صدكوني هاي فرصة ماراح ترجع تتكرر وراح تتندمون بعدين وخاصةللطلاب الوزاري هاي راح تحدد مصيرك او مصير/ج ياتدخل يا ماتدخل واذا مادرستوا هسة وبهل وكت صدكوني راح تتندمون وموبس الوزاري حتى الغير مراحل لان هاي فرصة مهمة دنمر بفترة امتحانات لازم نتعب ونحط كل طاقتنة لان ماضل وكت وان شتء الله الله مايضيع تعب احد ومن تجي العطلة طلعوا وتونسوا وطلعوا التعب كله بس حالياً لازم نشد حيلنة وان شاء الله النجاح والموفقية للجميع 🤲🏻❤️‍🩹

وبس موفقين 🤍
جانت وياكم طالبة رابع اعدادي 💗

خميس سعيد سچاچة ❤️👋🏻

نرجع نذكركم بجدول الخميس والجمعة والسبت 💗

اليوم اذا تحبون اخذوا راحة ماكو دراسة الا اذا فقط عدكم تراكمات ادرسوا حتى تخلصوهن قبل نصف السنة و ماتصير هوسة عليكم 😁🤍

هسة تعالوا انطيكم احسن جدول تخلصون بي واجباتكم من باجر 🤍 :

اول شيء الخميس كون نايمين زين وشبعانين نوم حتى نكعد الجمعة بنشاط كامل 😴💛

تكعدون الصبح ب 9 يوم الجمعة 💞

ريوك لحد 10 وراها تبدون تقرون لحد ساعة 12:30 الظهر 💚

صلاة + غداء + راحة شوية تصير الساعة 3:00

ترجعون تقرون من 3 الظهر -8:30 بالليل ✨😁

كل ساعتين تاخذون استراحة 30 دقيقة و تخلون يمكم بطل مي تشربون حتى ما يصير عدكم تعب وجفاف 🩷

اذا صار عدكم ملل اثناء القراءة حاولوا تغيرون مكانكم او تغيرون طريقة الدراسة يعني تقرون وانتوا تتمشون 💪🏻🙂

تاخذون هسة استراحة من 8:30 لل 10:00 وبعدها ترجعون تقرون لحد 12:00 وتنامون ❤️😴

يوم الجمعة نخلي للتحاضير والكتابة + يوم السبت نخلي للامتحان فقط

السبت نكرر نفس جدول الجمعة بالضبط بس الجمعة نقرا تحاضير والسبت نقرا امتحان ✍🏻📖😇💚

ركزوا ع المهمات والوزاريات وركزوا ع الاسئلة الي الاساتذة كالوا عليها مهمة و توكلوا ع الله ويارب يسهل عليكم 🤲🏻🤍✨

استاذ مصطفى ⚡️🩶

|￣￣￣￣￣￣￣￣￣￣￣|
⠀ كوم اقرة انت وزاري
|＿＿＿＿＿＿＿＿＿＿＿|
                \ (•◡•) /
                  \      /
                    ---
                    |   |

الإنترنت والدراسة 📚😥 !

شلون تنظم بينهم وتسيطر ؟

طبعا من أكبر وأكثر الاشياء الي تاخذ من وقت الطالب ، هو الانترنيت بدون ما يحس اصلاً 🙂💔

_خلي يكون استخدامك منظم للانترنت ، صدكني اذا كدرت تنظم وتحدد استخدامك راح تشوف عندك وقت كلش كافي ، تكدر تخلص بيه كتب وملازم و شغلات لا تعد ولا تحصى 💫

اليوم 24 ساعة مو قليل ابدا ! اذا تسيطر وترتب وقتك ، اني ما اريدك تتركه وابد ما تفتح خاصة احنا هسة بزمن النت والتكنلوجيا وصار شيء من اساسيات الحياة ، لكن خصص ساعات استخدامه ... مو تستخدم انستا ٤ ساعات وتلي ٣ وواتس وفيس وتجي تدور َمعدل بعدين يضيع وقتك ومتعرف شلون تقرا الامتحان والتحاضير والتراكمات 😭💔

طبعا ما اقصد اللي يدرس ع اليوتيوب يكدر يبقى يستخدمه وكلش طبيعي بس حاول تطفي الاشعارات وقت الدراسة فقط وتخلي بس الاشياء المهمة .. ❤️

يومك 24 ساعة.. اذا من هسه تشد حيلك وتدرس المواد بشكل مضبوط راح تشوف نفسك بعد سبوعين ثلاثة انت كملت لو اقتربت تكمل المواد او جزء كبير منها .. وراح ترتاح بالوزاري او اذا جان هدفك اعفاء راح تسيطر صدكني 👌

جرب يوم واحد تنظم وقتك وادرس وافتح نت بوقت منتظم ... شوف شكد راح تشوف فرق وتحس نفسك عندك وقت زايد ومسيطر كلش 🤩💚

هيَ نصحيتي الكم 🤍✨

رسمياً نكدر نكول وللاسف : بغداد وباقي المحافظات الي ما عطلت باجر دوام 😭💔

هسة شصار لو معطلين حالكم حال البقية ، مو الدنيا باردة وخميس مو مال واحد يداوم 😔😭

المحافظات المشمولة بتعطيل الدوام للمدارس يوم غد هي ( كركوك - القادسية - ديالى - المثنى - ذي قار - البصرة - النجف - كربلاء - ميسان - بابل - واسط )