Toshkent-2025 yoshlar Para Osiyo oʻyinlarining tayyorgarlik jarayoniga bagʻishlangan yigʻilish boshlandi

Bugundan Poytaxtimizdagi “Hilton” mehmonxonasida Toshkent-2025 yoshlar Para Osiyo oʻyinlarini oʻtkazish uchun muvofiqlashtiruvchi komissiyaning 1-yigʻilishi oʻz ishini boshladi. 7-oktyabrga qadar davom etadigan ushbu tadbirda boʻlajak musobaqaga olib borilayotgan tayyorgarlik jarayoni atroflicha koʻrib chiqiladi.

Tadbirning ochilish qismida Majid Rashid boshchiligidagi Osiyo Paralimpiya qoʻmitasi rahbariyati, Oʻzbekiston Respublikasi Sport vaziri Adham Ikramov, MOQ Bosh kotibi Oybek Kasimov, Milliy Paralimpiya qoʻmitasi raisi Muxtorxon Tashxodjayev va boshqa rasmiylar ishtirok etishdi.

Oʻzbekiston tomoni davlatimizning qoʻllab-quvvatlashi bilan musobaqaga izchil tayyorgarlik olib borilayotgani, Olimpiya va Paralimpiya shaharchasidagi qurilish-montaj ishlarining katta qismi yakunlangani haqida maʼlumot berishdi. Shuningdek, Toshkent-2025 direksiyasi xodimlari Oʻyinlarni oʻtkazish boʻyicha dastur loyihasi taqdimotini oʻtkazishdi. Oʻz navbatida, janob Rashid yurtimizda koʻrilayotgan tayyorgarlikka yuqori baho berib, jarayondan koʻngli toʻq ekanini qoʻshimcha qildi.

Bugun kun davomida bir qator muhim yoʻnalishlar boʻyicha fikr almashildi. Dasturga koʻra, rasmiylar ertaga Olimpiya va Paralimpiya shaharchasiga tashrif buyurib, jarayonni bevosita kuzatishadi.

Instagram / Facebook / Twitter / @OybekKasimov

Yangi Olimpiya sikliga tayyorgarlik rejalari koʻrib chiqildi

Parij-2024 yozgi Olimpiya oʻyinlarining yakuni va oldinda kutib turgan yirik kompleks musobaqalarga tayyorgarlik masalalariga bagʻishlangan yigʻilish boʻlib oʻtdi.

Dastavval, Fransiya poytaxti mezbonlik qilgan XXXIII yozgi Olimpiya oʻyinlarida Oʻzbekiston delegatsiyasining ishtiroki muhokama qilindi. Unda erishilgan yutuq va yoʻl qoʻyilgan kamchiliklar tahlil qilinib, zarur vazifalar belgilab olindi. Xususan, Oʻzbekiston Respublikasi Prezidenti Shavkat Mirziyoyev 28-avgust kuni sportchi va murabbiylarimiz bilan uchrashuvda yangi Olimpiya sikli uchun belgilab bergan vazifalar ijrosini taʼminlash masalasi ham koʻrib chiqildi.

Suhbatda Toshkent-2025 yoshlar Osiyo oʻyinlariga tayyorgarlik, xususan, Oʻyinlar dasturi va unga kiritiladigan sport turlarini koʻrib chiqish kun tartibidan oʻrin oldi va bu boʻyicha barcha masalalar atroflicha muhokama qilindi. Shuningdek, Aichi-Nagoya-2026 yozgi Osiyo va Los-Anjeles-2028 yozgi Olimpiya oʻyinlariga tayyorgarlik rejalariga ham alohida toʻxtalib oʻtildi.
_______________________
Рассмотрены планы подготовки к новому Олимпийскому циклу

Состоялось совещание, посвящённое итогам летних Олимпийских игр Париж-2024 и подготовке к предстоящим крупным комплексным соревнованиям.

Для начала обсуждалось участие делегации Узбекистана в XXXIII летних Олимпийских играх во Франции, проанализированы достигнутые успехи и недостатки, определены необходимые планы на будущее. В частности, были рассмотрены вопросы организации исполнения задач в рамках нового Олимпийского цикла, которые определил Президент Республики Узбекистан Шавкат Мирзиёев на встрече со спортсменами и тренерами, состоявшейся 28 августа.

В ходе заседания была представлена информация по подготовке к юношеским Азиатским играм Ташкент-2025, в частности, рассмотрены и подробно обсуждены все вопросы программы Игр и видов спорта, которые включены в регламент соревнований. Отдельно были затронуты планы подготовки к летним Азиатским играм Аичи-Нагоя-2026 и летним Олимпийским играм Лос-Анджелес-2028.

Instagram / Facebook / Twitter / @OybekKasimov