#foydali mi yo'qmi bilmadim))

Bugun sizlarga booktok va bookstagram haqida ozroq gapirib bermoqchiman. Bular hech qanday alohida ilova yoki biror sayt emas. Shunchaki siz bir kunda qanchadir soatlaringizni osmonga uchirib yuboradigan Instagram va TikTokning kitob shinavandalari uchun ajratilgan qismi.

Yaqinroq keling, yaxshiroq tushuntiraman. Tan olishimiz kerak, g'arbda kitob targ'iboti bizga nisbatan ancha oldinda va ular bunga qanday yondashishni bilishgan. Instagramda ingliz va rus bookblogerlari tomonidan kitoblar haqida qiziqarli va kreativ, hayolingizning bir chetiga kelmagan kontentlar doimiy ravishda joylanib boriladi. Qarabsiz-ki, bir-ikki marta shunday kontentlarga like bosish orqali bookstagram tomonidan iliq kutib olinasiz.

Demak, bookstagramda asosan 3 ta janrga duch kelasiz: romance, fantasy va romantasy (romance va fantasy'ning qo'shilmasi). Romance ikkiga bo'linadi, light va dark romance.
P.s: shu dark romance'ni tavsiya qilmayman 😏.

Quyida o'zim yoqtirgan 3 ta bookstagram blogerlarining akkountlarini qoldiraman:

1. elisabethwheatley
2. jadekylielu
3. julislibrary

Agar til bilmasangiz, Instagramdagi o'zimizning bookblogerlarni qo'llab-quvvatlash imkoniyatiga ham egasiz. Ular ham hozir yaxshigina harakatni boshlashgan))

@with_dysphoria bilan birgalikda tayyorlandi.

#audiobook

📗 Men
✍🏻 Fotih Duman

He said:
- I love you

but Alex Volkov said:
- You are the light to my dark, Sunshine. Without you, I'm lost.

#iqtibos

Qiziq, samoda "skafandrim"ning qulfini ochadigan kalit bormikan? To'xtash joyi mavjud bo'lmagan, ya'ni cheksiz bo'lgan metro yo'nalishi-chi? Ozodligimni sotib olish uchun yetarlicha mablag'-chi? Qidirish kerak. Yaxshisi, o'sha yerga ketaman!

© Skafandr va kapalak

#iqtibos

Nahotki, shu paytgacha ko'r bo'lganman yoki insonlarning asl qiyofasini ko'rish uchun falokatga yo'liqishim shart edi?

© Skafandr va kapalak

#ebook

🌟 Skafandr va kapalak
✍🏻 Jan Dominik Bobi

​​🌟 Skafandr va kapalak
✍🏻 Jan Dominik Bobi

Albatta, inson o'ta noshukrdir.
Haj surasi 66-oyat

Kipriklar bilan yozilgan asar o'qiganmisiz hech? Butun tanangiz, sochingizning tolalaridan tortib, tirnog'ingizning uchigacha sizga bo'ysunmay qolgan paytda ham shukronalik tuyg'usini o'zingizda asrab qololasizmi? Yozuvchi aynan shu ahvolida yagona sog' organi bo'lmish chap ko'zi orqali logopedning yordami bilan asar yozadi! Tasavvuringizga sig'dira olasizmi?!

Asar yozuvchining falaj holida hayolidan o'tkazganlari, xotiralari, anglashlari va mulohazalaridan iborat. Yozuvchi insonlarda uchrash ehtimolligi milliondan bir hisoblangan "locked-in-syndrome"ga umuman kutilmagan kunda, kutilmagan holatda yo'liqadi. Aslida jonning omonatligi ham, dunyoning o'tkinchiligi ham shunda. Hozir egalik qilib turgan hamma narsamizdan bir deganda ayrilib qolishimiz hech gap emas.

"Skafandr va kapalak" bir tarafdan mulohazaga chorlasa, boshqa tarafdan cheksiz ne'matlar ichida yashayotganimizni qayta-qayta yodimizga soladi. Olayotgan har bir nafasingiz, soatdan ham aniq ishlaydigan har bir organingiz, quyoshning nuridan istaganingizcha lazzatlana olishingiz, tirnoqlaringizning uchigacha hammasi cheksiz ne'mat asli. Har narsani borida qadriga yetaylik, birodar))

Tarjimaga kelsak, qandaydir ajoyib. "Mashina" so'zi "Moshina" deb berilgan. Agar o'zbeklarning badiiy asari bo'lganida, ha sheva-da, derdik. Lekin kitobda eng ko'p takrorlangan so'zning bunday yozilishi menga g'alatiroq tuyuldi. Kitob shunday g'alizliklar va imloviy xatolardan holi emas. Ammo, nima bo'lganda ham shunday asarni o'zbek kitobxonlariga yetkazgani uchun tarjimonga minnatdorchilik bildiraman!

Asar nashr qilinganidan ikki kun o'tib Jan Dominik Bobi vafot etadi. Kitob qanday yozilgani sizga qiziq bo'lsa, o'qib ko'rishingizni tavsiya qilaman. Ishonaman-ki, hayotga boshqa ko'z bilan qaraydigan bo'lib qolasiz.

#taqriz 📚

#iqtibos

Tong oldidan har doim qorong'ulik cho'kadi.

© Endxauz jumbog'i

#iqtibos

Bilaman... Bilaman. Har birimiz uchun o'lim hayotdan jozibadorroq ko'rinadigan payt keladi. Ammo qayg'u ham, g'am ham o'tib ketadi.

© Endxauz jumbog'i