Яна Тоғай Муродга

Момоси, мен Тарлонни
Осмонларга беркитдим.
Юлдузларнинг қўйнида
Кишнаб-кишнаб юрибди.

Момоси, мен Тарлонни
Армонларга беркитдим.
Орзуларнинг бўйнида
Нишлаб-нишлаб юрибди.

Момоси, мен Тарлонни
Музликларга беркитдим.
Совуқларнинг бўйида
Қишлаб-қишлаб юрибди.

Момоси, мен Тарлонни
Сўзлигимга беркитдим.
Хоинларнинг бошига
Муштлаб-муштлаб юрибди.

Момоси, мен Тарлонни
Ўзлигимга беркитдим.
Ғанимларим бурнини
Тишлаб-тишлаб юрибди.

2020 йилнинг 18 майи

Элёр Мурод**

Ёмғир
Туннинг бутун кўксини,
Тешиб ташлади ёмғир.
Дардларимни арқондек,
Эшиб ташлади ёмғир.

Томни доира қилиб,
Чертиб бошлади ёмғир.
Деразанинг юзида,
Бўртиб бошлади ёмғир.

Кўнглимдаги умиддек
Тўхтаб ёғади ёмғир.
Онамнинг кўзларига
Ўхшаб ёғади ёмғир.

Дунёмизни тепкилаб,
Ор билади бу ёмғир.
Ҳасратларимни тинглаб,
Қор бўлади бу ёмғир.

Қор бўлади бу ёмғир...

16.02.2023

Элёр Мурод

@elyormurodfan

🔊 E'lon

✅ O'zbekiston Milliy kutubxonasida 17-yanvar kuni soat 16:00 da shoir Akmal TOSH xotirasiga bag'ishlangan "Chaqmoqqa aylandim" deb nomlangan adabiy kecha bo'lib o'tadi

Barchangizni ushbu kechada kutib qolamiz!

*📱***Rasmiy sahifalarimizga obuna bo‘ling!

Telegram l Instagram l YouTube l Facebook l Twitter l Website

#tanlov
#karikatura
#tuhfa

?"Til va adabiyot ta’limi" jurnali telegram kanalida o‘tkazilgan navbatdagi tanlov shartlari o‘zgartirilib, sovrinlar miqdori ko‘paytirilganidan xabaringiz bor.

?"Fan" nashriyoti direktori, shoir Elyor Murod g‘oliblar uchun jami 2000 000 so‘mlik kitoblar jamlanmasi va’da qilgan.

Tanlovda uch yo‘nalish bo‘yicha g‘oliblar aniqlandi:
Matn – Nilufar Obidova 500 000 so‘mlik;
Audio – Sevinch Yakubova 500 000 so‘mlik;
Video – Zuhra G'aniyeva esa 1000 000 so‘mlik kitoblar bilan taqdirlanadi.

? Bundan tashqari, shoir o‘ziga yoqqan boshqa ishlarni ham qo‘shimcha ravishda rag‘batlantirishga qaror qildi:
Dilshoda Bozorova
Islombek Mirzaqulov
Ozoda Abdullayeva
Dilnoza Hakimova
Oddiy bola
Umidaxon Sohibjon qizi
Zulhayo Mingboyeva
Quvonchbek Hayitboyev
Parizoda Ro‘ziboyeva
Hamdam Muhiddinov

? G‘olib va sovrindorlardan @Doniyor_Fan ga manzilini yozib yuborishlarini so‘raymiz. Sovrinlar tez orada egalariga yetkaziladi.

Sayt | Telegram | Murojaat | Muhokama

?Фаррухбек Набиев
?Она Туркистон

@elyormurodfan

EGIL, O‘ZNI PANA QIL

Egil, o‘zni pana qil,
Borligingni bildirma.
Yo‘talganga o‘n besh yil,
Aksirganga yigirma.

Kar bo‘l, ko‘r bo‘l, tishla til,
Boshga balo keltirma.
Gapirganga o‘n besh yil,
Eshitganga yigirma.

Qalamingni dushman bil,
Qog‘oz uzra jildirma,
Roman yozsang – o‘n besh yil,
Doston yozsang – yigirma...

Erkin Vohidov

@elyormurodfan

Турон, қайт! Ўлмаган Туркистон!

Қор ёғди бошимга, курадим.
Илдизим кемирди, нурадим.
Ғанимлар кулдилар бир четда,
Мен эса қайтадан гулладим.

Бобомнинг отини олдилар,
Кўзининг ўтини олдилар.
Дарёмиз қуритди ёғийлар,
Ҳаётнинг тотини олдилар.

Тупроққа қорилдим, Ер бўлдим,
Алдандим, таландим, кўр бўлдим.
Саксовул қучаман, қум ютиб,
Шамолда соврилиб шўр бўлдим.

Момолар урчуғи айланар,
Айланар бу дунё, айланар.
Душманнинг бўғзини йиртгали
Ичимда бир қашқир шайланар.

Одамман, Ёфасман, бўриман,
Ёвлардан Ватанни қўрийман.
Турон, қайт! Ўлмаган Туркистон!
Шу тупроқ бор экан, тирикман.

27.12.2023

Элёр Мурод

**Рассом Эркин Оролга

Қанча кузак, қанча қишдан ғолиб келдим,
Қанча баҳор, қанча ёздан қолиб келдим.
Кишан, занжир, ҳур Туроннинг соғинчини
Ҳаммасини бўёқларга солиб келдим.

Уч минг йиллик азобларнинг қарашлари,
Гул юртимнинг бойликларин талашлари.
Бунча маъқул амалдору бой, хоқонга
Ватанимнинг деворларин нурашлари.

Ишққа тўла бир кўнгилни чизолмайман,
Сочи узун бир сумбулни чизолмайман.
Шу халқимни токи уйғоқ кўрмагунча
На райҳону на булбулни чизолмайман!

Билга Ҳоқон, Култегинни чизадирман,
Алпларимни қалаштириб чизадирман.
Мен Широқман! Ғанимларни умрим бўйи
Рангларимга адаштириб чизадирман.

28.12.2024

Элёр Мурод**@elyormurodfan

Қорбобо

Хориб қайтди ўтинчи ота,
Вужудига ин қурган оғриқ.
Зилдай оғир ғамгин остона
Боласига беролмас тортиқ.

Гўдакларнинг етмайди ақли,
Отасидан кутарди совға.
Қўшни уйнинг овози завқли,
Қандай қуруқ кирар ўтовга.

Йўқ, ҳеч нарса ўзгармас энди,
У қуруққўл қайтди-ку овдан.
Қисматига иложсиз кўнди,
Ҳатлолмади остонасидан.

У қўлларин кўтариб кўкка,
Худойимга чунон дод солди.
У билмасди, тушганча мукка
Қорбобога айланиб қолди.

Элёр Мурод

@elyormurodfan

#qutlov!
23-dekabr – shoir Elyor Murod tavallud topgan kun!

Tog‘ay Murodga

Momosi, men Tarlonni
Osmonlarga berkitdim.
Yulduzlarning qo‘ynida
Kishnab-kishnab yuribdi.

Momosi, men Tarlonni
Armonlarga berkitdim.
Orzularning bo‘ynida
Nishlab-nishlab yuribdi.

Momosi, men Tarlonni
Muzliklarga berkitdim.
Sovuqlarning bo‘yida
Qishlab-qishlab yuribdi.

Momosi, men Tarlonni
So‘zligimga berkitdim.
Xoinlarning boshiga
Mushtlab-mushtlab yuribdi.

Momosi, men Tarlonni
O‘zligimga berkitdim.
G‘animlarim burnini
Tishlab-tishlab yuribdi.

@yoshlikjurnali