Стратэгічны дыялог паміж дэмакратычнымі сіламі Беларусі і Украінай

Спікерка Каардынацыйнай рады Анжаліка Мельнікава выступіла на трэцім беларуска-ўкраінскім форуме імя Астрожскіх у Кіеве з прапановай стварэння дыялогу паміж дэмакратычнымі сіламі Беларусі і ўрадам Украіны:

*«У нас ёсць эксперты па бяспецы, сацыяльнай палітыцы, культуры і ў іншых сферах. Мы можам стварыць аналаг стратэгічнага дыялогу з Украінай, падобны да таго, які мы ўжо вядзем з ЗША, Канадай і Еўрапейскім звязам.

Па выніках сёлетняга форуму я прапаную падпісаць мемарандум, каб ва Украіне дэмакратычныя сілы Беларусі ўспрымалі як легітымных прадстаўнікоў беларускай грамадзянскай супольнасці.

У такіх мемарандумаме і дакументах стратэгічнага дыялогу мы запішам і гарантыі бяспекі, і пытанні вываду з тэрыторыі Беларусі расійскіх войскаў і ядзернай зброі, а таксама ўдзел дэмакратычных сілаў у магчымых мірных перамовах па Украіне».*

Мы заклікаем увесь свет не прызнаваць «выбары» ў Беларусі ў 2025 годзе

*«Лукашэнка, як міжнародны злачынца, увогуле не можа праводзіць "выбары". Існуе міжнароднае права, ёсць справы, якія ён учыніў на міжнародным узроўні: саўдзел у агрэсіі, злачынствы супраць чалавечнасці і іншыя правапарушэнні. Доказы ягоных злачынстваў перададзены Літвой у Міжнародны крымінальны суд у Гаазе.

Я заклікаю ўсіх нашых партнёраў, нацыянальныя парламенты і міжнародныя арганізацыі не прызнаваць гэтыя "выбары". Дыктатар не мае права іх праводзіць».*

Санкцыі на расійскую эканоміку могуць уплываць на рэжым Лукашэнкі мацней, чым на беларускую

Чалец фракцыі «Каманда Латушкі і Рух "За Свабоду"» Міхаіл Кірылюк патлумачыў журналістам «Белсату», якія крокі павінны быць зроблены для аслаблення Расіі і рэжыму Лукашэнкі:

«Першы крок — павелічэнне і паскарэнне паставак зброі ва Украіну. На гэта трэба звяртаць увагу і выкарыстоўваць. Можа здавацца, што беларускія палітыкі нібыта не маюць маральнага права ўмешвацца ў гэтае пытанне. Я мяркую, што яны маюць гэтае права і абавязак, бо гэтае пытанне ўплывае на лёс беларусаў у Беларусі. Лёс беларусаў у Беларусі можа быць значна лепшым, калі нашу краіну не будуць выкарыстоўваць для расійскай вайны.

Другі крок — заклікі да ўвядзення новых перашкод для продажу расійскай нафты і газу. Гэта можа ўключаць як паніжэнне коштаў на расійскія энерганосьбіты, так і поўнае эмбарга. Голас беларускіх палітыкаў таксама можа быць важным у гэтым напрамку, бо, магчыма, калі палітыкі, якія прымаюць рашэнні, пачуюць сінхронную пазіцыю Беларусі і Украіны, то для іх будзе прасцей прыняць такое рашэнне.

Трэці крок — ліквідацыя прабелаў, якія дазваляюць Расіі абыходзіць санкцыі праз Беларусь. Неабходнасць працаваць над санкцыямі ў адносінах да Расіі выклікана тым, што ступень падтрымання Расіяй Лукашэнкі значна большая за ўнёсак любой галіны беларускай эканомікі ў трываласць рэжыму.

Чацвёрты крок — сектаральныя санкцыі. Тут важна адзначыць, што менавіта яны зменшаць магчымасці для абыходу санкцый. Таксама неабходна ўвесці санкцыі ў дачыненні да банкаўскіх сістэм Расіі і Беларусі, якія б ускладнялі разлікі, асабліва за тавары падвойнага прызначэння ці камплектуючыя для іх. У выніку гэта павінна запаволіць здольнасць Расіі весці вайну.

Такія меры могуць быць успрыняты беларусамі як жорсткія, але любая эканамічная санкцыя значна таннейшая за рэальныя вайсковыя дзеянні. Спыненне санкцый не толькі не завершыць вайну Расіі супраць Украіны, але, наадварот, створыць умовы для далейшага распаўсюджання вайны ў Еўропе».

Беларуская культура як сродак змагання

Чаліня фракцыі «Каманда Латушкі і Рух "За Свабоду"» Кацярына Ваданосава ў аўтарскім праекце «Нітка Зорка» на «Белсаце» распавяла, як беларускі выказвалі пратэст падчас паўстання Кастуся Каліноўскага.

«Памятаеце, як мы ў 2020 годзе апраналіся ў колеры нацыянальнага сцяга — белы і чырвоны, каб паказаць, што мы супраць рэжыму, супраць гвалту. Гэтак жа паступалі і нашы бабулі, для якіх галоўным колерам стаў чорны. Колер жалобы па закатаваных, сасланых у Сібір, павешаных».

Гісторыя паўтараецца, каб мы больш дакладна засвоілі ўрок

«Змагацца можна любымі сродкамі, нават колерамі свайго адзення. Жанчыны паўстання 1863 маглі адмовіцца ад усяго: ад пышных фрызураў, ювелірных упрыгожванняў, некаторыя каротка стрыгліся і ішлі ў лясы. Стрыгліся таксама ў знак салідарнасці з павешанымі. Адмаўляліся і ад стракатых убораў. Нават пяцігадовыя дзяўчынкі насілі чорныя сукеначкі і гуляліся з лялькамі ў жалобных уборах».

Беларускія палітыкі, калі не прапануюць грамадству палітычнага дзеяння, не могуць называцца палітыкамі

Чалец фракцыі «Каманда Латушкі і Рух "За Свабоду"» Арцём Брухан у эфіры «Радыё Свабода» выказаў меркаванне адносна ўдзелу беларусаў у «бязвыбарах» у 2025 годзе:

«Тое, што будзе адбывацца ў Беларусі, нельга называць выбарамі, гэта "бязвыбары", пакуль у Беларусі ёсць палітвязні, пакуль былыя кандыдаты ў прэзідэнты знаходзяцца ў турмах, пакуль адбываюцца масавыя рэпрэсіі і ўдзел у агрэсіі ў дачыненні да Украіны. Але нават у такой сітуацыі мы прапануем зрабіць палітычны акт пратэсту для тых беларусаў, якія не "перагарнулі старонку" і лічаць, што рэжым Лукашэнкі не можа прадстаўляць беларускае грамадства і не можа быць легітымным».

Адзіная магчымасць выказаць пратэст у гэтай сітуацыі — прагаласаваць супраць усіх

«Нават у такіх аўтарытарных сістэмах, як лукашэнкаўская, вертыкалі ўлады патрэбна ведаць, што яе падтрымлівае большая частка грамадства. Тыя чальцы камісій, якія будуць фальсіфікаваць гэтыя выбары, тыя чыноўнікі, якія будуць перадаваць сфальсіфікаваныя звесткі, тыя спецслужбы, якія будуць фіксаваць тое, што адбываецца — яны атрымаюць ін’екцыю таго, што Лукашэнка не перамагае на гэтых "выбарах", што 2020 год — гэта не памылка, а заканамернасць».

Нават па лукашэнкаўскіх законах галасаванне супраць усіх — не злачынства

«Мы прапануем тым, каго прымусяць з’явіцца на выбарчыя ўчасткі, палітычнае дзеянне, якое можа стаць сродкам палітычнага ўплыву. Гэта важна ў перспектыве, калі Лукашэнкі ўжо не будзе — напрыклад, каб прыхільнікі яго пераемніка не маглі скарыстаць дэпалітызацыю грамадства ў сваіх інтарэсах».

Павел Латушко ответит на вопросы беларусов

Начинается прямой эфир, в ходе которого руководитель НАУ Павла Латушко ответит на вопросы беларусов, а также расскажет о ключевых направлениях деятельности в настоящее время и прокомментирует последние события в мире.

https://youtube.com/live/xFsAsOiFAcQ

В ходе эфира, среди прочего, будут обсуждены следующие темы:

– «безвыборы» Лукашенко и противодействие им;

– привлечение диктатора и его сообщников к ответственности за совершенные преступления;

– результаты выборов в США и будущее сотрудничество демсил Беларуси с новой администрацией;

– Лукашенко хотел встретиться с Трампом;

– соучастие Лукашенко в войне против Украины и возникающие для Беларуси угрозы.

Присоединяйтесь к трансляции и задавайте свои вопросы в чате трансляции на ютуб-канале Павла Латушко: https://youtube.com/live/xFsAsOiFAcQ

Яшчэ раз дзякуем кожнаму і кожнай, хто аддаў голас за нашу кааліцыю падчас выбараў у Каардынацыйную раду 25-27 траўня. Для нас важна працягваць выкарыстанне інструментаў галасавання і атрымання зваротнай сувязі, каб працаваць адказна і ў адпаведнасці з запытам беларусаў.

Просім вас прайсці апытанне, якое дапаможа нам даведацца, якія накірункі нашай дзейнасці для вас з'яўляюцца важнейшымі. Вы можаце выбраць некалькі варыянтаў адказу, а таксама ўнесці свае прапановы ў каментарах.

Telegram

Каманда Латушкі і Рух «За Свабоду»

Якія накірункі нашай працы вы лічыце найбольш важнымі? (можна абраць некалькі варыянтаў) 1. Садзейнічанне спрашчэнню візавага рэжыму і адкрыццю памежных пераходаў. / 2. Прыцягненне Лукашэнкі і ягоных памагатых да адказнасці. / 3. Гарманізацыя гандлёвых санкцый…