Осмонга етса ҳам ақлу расоинг,
Пойидан ўзга жой эмасдир жойинг –
Қулоққа айлансин ҳар бир аъзоинг,
Онанг сўзламоққа чоғланган маҳал!

Бу суҳбат чоғинда ғуборларни еч,
Ҳар қандоқ чиройли балоғатдан кеч!
Осмон ҳам жим турар, сезганмисан ҳеч,
Онанг сўзламоққа чоғланган маҳал?!

Зинҳор туриб олма ўтирган бўлсанг,
Чўкка туш мабодо тик турган бўлсанг,
Ҳатто ичингда ҳам жоизмас кулсанг,
Онанг сўзламоққа чоғланган маҳал!

Ризолиқ истасанг кўнглига бойлан,
Ҳар бир хизматига юракдан шайлан!
Жим бўлгин, муваққат соқовга айлан,
Онанг сўзламоққа чоғланган маҳал!

Хайрулло, берилма фоний ўйинга,
Меҳр қўй волиданг ётган уйингга,
Калом ўқимоқни қолдир кейинга,
Онанг сўзламоққа чоғланган маҳал!

Хайрулла Ҳамидов

@tginfo_uz

Do‘stlar

O‘zlikni bir on ham unutmang, do‘stlar,
Bor bo‘ling, ko‘p yashang, xo‘p yashang, do‘stlar.

Go‘rning zulmatlari kifoya bizga,
Yorug‘ bu jahonda yorishing, do‘stlar.

Qabrning torligi yetar insonga,
Qisqa bu hayotda keng bo‘ling, do‘stlar.

O‘lim ayirar tez birbiringizdan,
Hozir ajralishga shoshilmang, do‘stlar.

Haqiqat ochilar, oxirat yaqin,
Dunyoda yolg‘onga til burmang, do‘stlar.

O‘zgani qoralab, oqlamang o‘zni,
Siz ham bir o‘zgasiz, unutmang, do‘stlar.

Siz ham bir o‘zgasiz, unutmang, do‘stlar…
Husaynxon Yahyo Abdulmajid

@tginfo_uz

Kecha kelgumdur debon, ul sarvi gulruxsor kelmadi,
Kechani firoq bilan o’tkazdim, tun uzun bo’ldi, or kelmadi.

Ul gul yuzluning visolidan umid qilgan ko’ngil,
Tong otib, tongda bir mehribon so’z kelmadi.

Ko’zlarim yo’liga tikildi, ko’nglimda armon,
Beqaror o’sha tun, bir nafas tinim kelmadi.

Alisher Navoiy

@tginfo_uz

ҒАЗАЛ

Ёрга етиб бўлмас озорсиз,
Озордан қочган қолар ёрсиз.

Васлига етарга жон нархи,
Савдо бўлурму ҳеч бозорсиз?!

Бизни ҳам идрок этсинлар ёр,
Бозор бўлурму харидорсиз?!

Манъ этмак севмакдин – нодуруст,
Гулда файз бўлурму баҳорсиз?!

Ўлимдан нажот изла, дер ёр,
Манзил топилмас наҳот дорсиз?

Хор ўлсак ҳам керакмиз ёрга,
Гулни ел урар қолса хорсиз.

Ишқдан шафқат кутмак – нодонлиқ,
Аяб ўтирмас ҳижрон – орсиз...

Чирмашсалар дардлар, ранжима,
Ҳеч бир хазина бўлмас морсиз.

Хайрулло, оқ тушди сочингга,
Тоғлар буюк бўлолмас қорсиз.

Хайрулла Ҳамидов

@tginfo_uz

KUYDIM

Men ishq elining nola-yu afg‘onida kuydim.
Ko‘ngil uyining otashi armonida kuydim.

Mehrin tilabon o‘tsa agar oshiqi zorlar,
Mehrimni berib men esa tovonida kuydim.

Mushkul edi yo‘l, ranj ila izhorig‘a yetdim,
Sizlar ko‘yida, men esa domonida kuydim.

Tashbehiga, holim budurur, o‘zga qiyos yo‘q,
Soch tolasiday choki giribonida kuydim.

Ishq ahli firog‘inda fig‘on etsa agar, men
Yonida yurib, yonida hijronida kuydim.

Dunyoyi azalning g‘azaliy matla’i buldur:
Boshlab hama ishni oni poyonida kuydim.

Ham mehnati, ham minnati, ham zahmati — borin
Jon jomig‘a jamlab, dag‘i ummonida kuydim.

Sirojiddin Sayyid
1988 yil.

@sherla

Дунё, тезлигингни эшитган эдим,
Ўткинчилигингни сўйларди ҳамма.
Шунда ҳам исёнкор бандалармиз-да:
Йил тез ўтмайди деб ўйларди ҳамма.

Анови ўйинчоқ… болалик хонам,
Куни кеча бўлган, ўйлаб қарасам.
Тўрт мучанг соғ бўлсин дердилар онам,
Тўрт мучал ўтибди ўйнаб қарасам…

Ўша ўйинчоқ-ла овунгандекман,
Ғаму қувончлари тундек гап экан.
“Беш кунлик дунё”ни тушунгандекман:
Мучал ҳам аслида кундек гап экан.

Топилмас Ҳаётдан чиройли жумбоқ,
Жиловла дейманда энди нафсингни.
Бир кунинг қолгандек атрофингга боқ,
У энди ҳал қилар умр баҳсингни!

@tginfo_uz

Qiyomatligim

Mendan oqibat ne desa agarda,
Ismingni aytaman diyonatligim,
Doʻstim boʻlib turmoq uchun mahsharda, Yaxshiyam borsan do 'st qiyomatligim.

Yaxshi yomon kunda kelib yonimga,
Birgasan qaramay tillo shonimga.
Soʻrasang haqqing bor, hatto jonimga,
Yaxshiyam borsan dost qiyomatligim.

Do'stim deganingda ko'nglim toʻladi,
O'ylarim soʻladi, dardim oʻladi.
Yoningda qayguyim unit bo'ladi,
Yaxshiyam borsan do'st qiyomatligim.

Chin dildan havasda quvnab shodimga,
Qaygʻurib armonu alam dodimga.
Besh mahal namozni solib yodimga,
Yaxshiyam borsan do'st qiyomatligim.

@sherla

Омонмисиз олисдаги яқинларим

Худо ризқинг сочар экан ҳар томонга,
Гоҳ яхшига ишинг тушар, гоҳ ёмонга.
Юртим деса кўзи ёнган чақинларим,
Омонмисиз олисдаги яқинларим?

Мусофирлик карвонида кезиб юрган,
Юрт соғинчи юрагини эзиб турган.
Оз яшаб ҳам кўпчиликдан кўпни кўрган,
Омонмисиз олисдаги яқинларим?

Сизни кутиб олма пишди, гилос пишди,
Сиз термаган ўрик қоқи бўлиб тушди.
Мени дайди ҳаёлларим сизга учди,
Омонмисиз олисдаги яқинларим?

Юртим ўйлаб юрак бағрим эзганларим,
Татимайди сизсиз кўча кезганларим.
Дилга таскин бўлармиди ёзганларим,
Омонмисиз олисдаги яқинларим?

Соғинасиз соғинчингиз дилни тилар,
Орзу йиғлаб дилингизда армон кулар.
Соғинишни сиздан ортиқ ким ҳам билар,
Омонмисиз олисдаги яқинларим?

Соғинчидан дилим чертди кўнгил торим,
Сизни кўрсам тўлар ярим кўнгилларим.
Оғаларим, азиз опа-сингилларим,
Омонмисиз олисдаги яқинларим?

@sherla

…

Дунё, тезлигингни эшитган эдим,
Ўткинчилигингни сўйларди ҳамма.
Шунда ҳам исёнкор бандалармиз-да:
Йил тез ўтмайди деб ўйларди ҳамма.

Анови ўйинчоқ… болалик хонам,
Куни кеча бўлган, ўйлаб қарасам.
Тўрт мучанг соғ бўлсин дердилар онам,
Тўрт мучал ўтибди ўйнаб қарасам…

Ўша ўйинчоқ-ла овунгандекман,
Ғаму қувончлари тундек гап экан.
“Беш кунлик дунё”ни тушунгандекман:
Мучал ҳам аслида кундек гап экан.

Топилмас Ҳаётдан чиройли жумбоқ,
Жиловла дейманда энди нафсингни.
Бир кунинг қолгандек атрофингга боқ,
У энди ҳал қилар умр баҳсингни!

*✍️Хайрулла Ҳамидов*

@sherla