ပခုက္ကူ၊ရေလာလေးပျူစခန်းကို တော်လှန်ရေးတပ်များ ဝင်စီး၊ စစ်အုပ်စုဝင်ခြောက်ဦးသေ၊ သေနတ် ၁၉လက် သိမ်းဆည်းရရှိဟုဆို

13 Dec 2024 By Ko Paing / MPA

မကွေးတိုင်း၊ ပခုက္ကူမြိုနယ်၊ ရေလာလေးပျူစောထီးစခန်းကို ဝင်ရောက်တိုက်ခိုက်သိမ်းပိုက်ခဲ့ရာ စစ်အုပ်စုဝင်ခြောက်ဦးသေဆုံးကာ စစ်သုံ့ပန်း ခုနှစ်ဦးဖမ်းဆီးမိခဲ့ပြီး သေနတ် ၁၉လက် သိမ်းဆည်းနိုင်ခဲ့ကြောင်းသိရသည်။

ဒီဇင်ဘာ ၁၁ ရက်၊ နံနက် ခြောက်နာရီမှစတင်ကာ ပခုက္ကူမြို့နယ်၊ ရေလာလေးပျူစောထီးစခန်းကို တော်လှန်ရေးတပ်ဖွဲ့များက တစ်နာရီခွဲခန့်ကြာ ဝင်ရောက်စီးနင်းတိုက်ခိုက်ခဲ့ရာ စစ်သားနှင့်ပျူစော ထီးတို့ စခန်းစွန့်ထွက်ပြေးသွားကြောင်း ပြည်သူ့လွတ်မြောက်ရေးတပ်မတော် PLA ထံက သိရသည်။

“ရဲဘော် နှစ်ဦးကတော့ ဘုန်းကြီးကျောင်းထဲအဝင်မှာ ခေါင်းကိုကျည်ထိတာနှစ် ဦးကျတယ်။အဓိကတော့ ကျည်ကာဦးထုပ်မရှိတာပေါ့ဗျာ။ကျတော်တို့ စခန်းကို ဝင်စီးတော့ စစ်ခွေးနဲ့ပျူတွေက ညောင်ဂျစ်ပင်ကို ပြေးကုန်ကြတာ” ဟု ပြည်သူ့လွတ်မြောက်ရေးတပ်မတော် - PLAမှ တာဝန်ရှိသူတစ်ဦးကပြောသည်။

The Silent War of Teenager

5 Dec 2024 By MPA ( ရုပ်သံမှတ်တမ်း )

စစ်တပ်အာဏာသိမ်းပြီးနောက် မြန်မာနိုင်ငံအနှံ့ရှိ အမျိုးသမီးများသည် စိတ်ပိုင်းဆိုင်ရာ၊ လိင်ပိုင်းဆိုင်ရာ အကြမ်းဖက်ခံရမှုများ ပိုမို ခံစားရသည်။ ယခုလို အကြောင်းအရာများကြောင့် အမျိုးသမီးများသည်နေ့စဉ် စိုးထိတ်မှုများနှင့် ရှင်သန်ဖြတ်သန်းနေရသည်။

ယင်းအပြင် တိုင်းရင်းသားဒေသများတွင်လည်း လိင်အကြမ်းဖက်ခံရသည့် အမျိုးသမီးများသည် ရိုးရာဓလေ့ထုံးတမ်းများဖြင့် စီရင်ခြင်းခံရသည့်အတွက် မျှတသော တရားစီရင်မှုများ ရရှိမှု မရှိပေ။

ထိုထဲမှ ကရင်နီပြည်နယ်၌ တော်လှန်ရေးကာလအတွင်း သက်ငယ်မုဒိမ်းပြုကျင့်ခံရမှု အကြောင်းအရာများကို ရိုက်ကူးတင်ပြထားသည်။

Youtube တွင် ကြည့်ရှုရန် >>> https://youtu.be/nQrMeS1JhuU