@Positive_enargybot

شكو ماكو؟??

آخر يوم بهاي السنة ??
شعور غريب و حلو ?

اليوم بوقت الريست هيچ جاي اگلب بقناة ميمز حتى ارفّه عن نفسي،
طلعتلي صورة لغرفة نوم بسيطة بأثاث بسيط وشخص گاعد مبتسم،
مكتوب عليها بما معناه انو اذا متدرسين هذا رح يكون مصيرچ.
صفنت لثواني حتى افهم بعدها ادركت انو يقصد انها غرفة بسيطة كلش وبنظر الناشر ايع ومو گد المقام،
وانهم ناس مو بمستوانا فـ خلاص نسوي منهم محتوى للضحك.
امانةً اول شيء خطر ببالي هوَ:
اذا بين هالآلاف من المتابعين اكو شخص ببيتهم اكو هيچ غرفة،
او بعائلتهم اكو هيچ زواجات شلون رح ينظر للموضوع!
او ما ادري يعني منو انطانا صلاحية ان ناخذ الصور الخاصة بالناس ونصنع منها محتوى للضحك!

خلاص انتَ ما عاجبك تتزوج او انتَ اغنى من انو يكون ديكور غرفتك هيچ،
عادي حرّيتك قابل هو جابرك تعيش مثله!
ما اعرف هالشعب الي هلگد يحچي بالحقوق والحريات
ليش ميحترم حق المرأة صاحبة هالغرفة،
وحريّة هالبشر!

بسرعة غادرت القناة،
حسيت اذا مرة مرتين اشوف هيج محتوى،
رح ابدي اشوف قلة الادب والتطاول ع خلق الله
فكاهة وضحك ووناسة،
وهالشيء زحمة بحق اُمّة بُعِثَ نبيها لإتمام مكارم الاخلاق.

على الله علقنا الاماني
و لا من مستحيلِ

@postive_energ

فـ الي استنتجته اني من هالـ ٢٤ سنة بهلـ كوكب، رضا الله يتحصّل وممكن اذا حاولت وسعيت، لكنّ رضى الناس ما يتحصّل واصلًا مو حلوة بحقك تسعى تحصل هيچ شيء رخيص وميسوه، فـ عيش مثل ما انتَ تحب، گولة السيد الشيرازي: عيشوا ذواتكم. وركز ع طريقك، وسد اذانك ع الي يحچي…

فـ الي استنتجته اني من هالـ ٢٤ سنة بهلـ كوكب،
رضا الله يتحصّل وممكن اذا حاولت وسعيت،
لكنّ رضى الناس ما يتحصّل واصلًا مو حلوة بحقك تسعى تحصل هيچ شيء رخيص وميسوه،

فـ عيش مثل ما انتَ تحب،
گولة السيد الشيرازي: عيشوا ذواتكم.
وركز ع طريقك،
وسد اذانك ع الي يحچي عليك،
وغلس وتغاضى عن الي يغلط بحقك،

واذا احد حبّك واحترمك وبادلك المحبة،
فهذا من طيب اصله وجزاه الله خير الجزاء،
والله رح يرزقه بناس يعاملوه مثل ما عاملك،
واذا لا والله صادفك صديق مو خوش،
ناس مو خوش،
حچوا عليك انتقدوك استهزئوا بيك،
ف استخدم وياهم مبدأ مرجعنا السيستاني من راحله شخص كاله اني حجيت عليك ابريني الذمة،
كاله مبري الذمة وذمّتي لك،
يعني الفات غافره الك،
ومنا ليوم القيامة اذا تحجي عليه هم مبري الذمة،
او مثل الشهيد المهندس من كال:
تحجي عليه؟
كل ما تضوج احچي عليه.

لانها دنيا رخيصة ومتسوه واحد يعكر مزاجه ع اشياء زائلة،
باجر نموت كلنا وهالمواضيع السطحية ما تقدملنا شيء.

نسألكم الدعاء هواية ??

بنات تعرفون بنات يداومن بالمعهد التقني من الرميثة يحتاجن خط ؟
@rukun23_bot