كل ماهقيت وكبرت الهقوه معك
‏تصغر الهقوة ولا كنك هقيت

‏اللي هقيت انهم " يسدون اللزوم "
‏يوم ابتداء اللازم .. وجاء وقته غدو .

‏اخس نوع من الخلايق ثلاثه
‏يالله عساهم للفناء لا يزيدون

‏اولهم اللي فيه ثقل وغثاثه
‏ومسويٍ حاله على العالم يمون

‏والثاني اللي مايخلي الخباثه
‏ويمثل انه بالشرف خيرة الكون

‏والثالث اللي فيه مثل الغلاثه
‏على خفايا الناس واللي يسوون .

‏ياناشدن عني تراني حدا اثنين
‏اما جليس كرام , ولا خلاوي .

‏قالوا تدري انك عنيد وراعي مزاج
‏قلت ماعليه من بغاني يشد حيله .

‏ودّي أبعد عن شعوري و اتوارى ،
‏لين اعوّد في يدي قلبٍ حديدي !