ضع حيرتك في « صلاة استخارة »
‏ضع أمنيتك في « قيام الليل »
‏ضع ذنبك في « صلاة الفريضة »
‏ضع تقصيرك في « صلاة السنن »

‏أستودع حياتك في صلاتك وَأسْجُدْ وَأقْتَرِب .

تبدي ماشية ومتوكلة وتدعي وتستني في لحظة الإجابة وفي نص طريقك تكتشفي أن الشيء اللّي تمنيتيه مش نصيبـك ")

مش حنقولك ماتزعليش أنتِ بشـر وتحسي وهالقلب قداش منه ،بس نبيك تكوني واثقة أن كل شيء لخيـرة .

أغلبكم فكر في موضوع الزواج والنصيب اللّي فرّق هلبا أحباب
في مرّة سمعت لطارق الحبيب لما تكلم في الموضوع هذا، وأن كيف الوحدة حتى بعدما تتزوج وتجيب صغار ع أول عركة تتفكـر
" يلي تحبه " وتظن في نفسها أنها لو عاشت معاه كانت حياتها أحسن
والحقيقة أن ربي بينلك الجزء ( الباهي ) من الشخص اللّي حبيتيه وأن لو كمل زيّ ماتبي وكان نصيبك كنتي بكيتي ع اختيـارك وقلتي مستحيل هذا نفسه اللّي حبيته !
وأكيـد سمعتو بهلبا قصص منها علاقات سنين وقبل ما تبدأ أصلًا حياتهم الزوجية تطلقوا ؟
كيف باهي مش يحبـو بعض ؟ مش يعرفها سنين ؟ مش قلب الدنيا ع خاطرها ؟ مش حاربت اماليها وقطعت صاحبتها ورفضت ألف عريس ع خاطره ؟ شن اللّي صـار ؟

ماكانش خيـرتها .

احد الأئمة ( نسيت منو ) قال بما معناه لو دعيت ربي واستجاب لي فرحت مرّة
لكن لو دعيتله وما استجابليش حنفرح عشرات المرّات، لأن الاولى اختياري والثانية اختيار الله لي.

زمـان أبلة كانت لما بنية مننا تفسـخ تفرحلها
مش لأنها " فسخت " لكن لأن ربي باعد علينا شـر كبيـر ماكناش نعرفوه

مهما تحسابي روحك اخترتي صح ديما اختيـار ربي أحسن
قلبـك يكون متعلق ومجرد مايخطم قدامك أو يجيبو سيرته تحسي بحرقة داخلك ومع هذا مش بإيدك شيء إلّا أنك تصبـري قلبـك وترضي بقضـاء الله .

لو في آلة زمن وترفعك سنين القدام وتشوفي ربي شن داسلك وكيف حيعوضك حتبكي من جماله، حتنصدمي في نفسك كيف كنتي متعلقة بشيء وربّي عوضك بشيء أنتي ماكنتيش أساسًا تحلمي بيه

ثقي وتأكدي اختيـار الله ليك أجمل فاصبـري و عفي وصوني قلبك ♥️

"يا ربّ نعيش ما تبقىٰ من عُمري قريرة العيّن، مُرتاحة البال، مُنعمة ومُستأنسة برفقة أُناس أُحبهم ويحبوني وتُنعم عينايّ برؤيتهم ومُجاورتهم :"

ما ننسوش أھم حاجة في نھاية يومنا.

قيام الليل يا رفاق.

الله يعطيك ما تتمنى ويجيبلك ما تستنى ويفتحلك أبواب الجنـة ويعطيك خيـر الدنيا وقصر في الجنة ويعطيك الرفيق وقت الضيق ويعطيك الخير ولا فاش تحير ويحبب فيك خلقه الصغير قبل الكبير والله لا يمرضك ولا يحوجك ربي يعطيك ما في بالك ويفتحها في وجهك ويبعد عليك كل ما يضرك 🤍✨

يارب ھونھا بس.

نهاية كُل هذا حيكون " فَرحين بما آتاهُم الله من فضله"?.

لعلَّ مُرادك هوَ نفسه قَدرك♥️

اختاري راجل ✨
خلي هالشي هذا ديما ف راسك .. ⁦
لإن وقت ما حيتسكر عليكم باب واحد مش حتلقي المهندس الذكي ولا الدكتور الغني ولا الفلوس والمظاهر والحاجات هذي بكل .. !!
حتلقي يا إما الشخص اللى حيحترمك ويعيشك ملكة ف حوشك ويحافظ عليك ، يا إما الشخص اللى حيخليك تندمي ع اليوم اللي عرفتيه فيه..
المسأله مسأله أخلاق واحترام وتقدير ودين وشخص يتقى ويخاف ربي فيكي ♥️.

ربي يعطيك مافي بالك ولايحرمك م̷ـــِْن حاجة متمنيتيها وتحبيها?????

احلاء دعوة توصلني ونشوفها ليوم خشت وسط خاطري??امين ياقلبي ولكي بالامثل ???????