بزنس برودكاست "618"
في مقولة لعامر بن عبد الله (والله لأجتهدن. ثم والله لأجتهدن، فإن نجوت فبرحمة الله، وإن دخلت النار فبعد جهدي)

يعني حاجتهد .. لو مجهودي نجح كدا أنا تمام .. لو مجهودي ما نجح حيكون ضميري مرتاح إني عملت كل الفي طاقتي.

بنفس المبدأ دا أمشي في كل حاجة .. حياتك .. شغلك .. مشروعك .. علاقاتك .. وعباداتك.

إجتهد بكل طاقتك .. لو نجحت فدا شيء جميل .. ولو لاقدر الله ما إتوفقت يكون ضميرك مرتاح.
تحياتي 😁💰
م.محمد التاج 
https://wa.me/249117022225

بزنس برودكاست "617"
أغلب الناس جا في بالهم موضوع الإستثمار في الأسهم ..

وبنسمع كتير عن ناس بقو عابرين من مجرد الإستثمارات .. بس كيف الواحد بيستثمر في البورصة؟ .. وهل الأرباح دي حلال ولا لا؟

عملت حلقة خاصة عن (البورصة والأسهم والسندات)
شرحت كل واحد بصورة مبسطة كدا .. وقلت الحكم الشرعي بتاع كل واحد عشان تعرف الحلال من الحرام قبل تدخل في أي إستثمار.

لو حابي تشوف الحلقة في يوتيوب من الرابط دا:
https://youtu.be/Mpz6uFrpwxY

لو حابي تشوف الحلقة في فيسبوك من الرابط دا:
https://www.facebook.com/share/v/1A56NHUStt/

بزنس برودكاست "616"
لو ما إتعلمت التفويض حتفضل طول عمرك سيد دكان.

التفويض معناه إنك تسند المهام المستهلكة للزمن والطاقة لزول غيرك .. عشان انت تفضي زمنك وتقدر تفكر في الإدارة والتطوير للمشروع.

فلو مابتعمل تفوض وتخلي غيرك يشتغل معاك حتكون النتيجة إنك زي سيد الدكان .. عشان تجيب حاجة أو ترتاح لازم تقفل دكانك وتوقف شغل.

بس بالمقابل ماتستعجل في توزيع الشغل على الناس وإنت ماعندك أرباح كافية عشان تغطي تكلفة الدفع للناس الشغالين معاك.
التفويض هو حاجة تستخدم عند اللزوم.
تحياتي 😁💰
م.محمد التاج 
https://wa.me/249117022225

بزنس برودكاست "601"
العقد بمحامي افضل من العقد الورقي ..
والعقد الورقي افضل من النص المكتوب على ورقة ..
والنص المكتوب أفضل من الكلام ساي ..

بقدر الإمكان لمن تدخل في إتفاق (ايا كان هو شنو) حاول أمشي بالحاجة المضمونة الرسمية لأنك مابتعرف تغير الظروف والنفوس.

وأضعف الإيمان في الاتفاق هو إنك تكتبه على ورقة أو في الشات بينك وبين الطرف التاني.
لأنه (الما إتكتب .. كأنه ما إتقال).
تحياتي ??
م.محمد التاج 
https://wa.me/249117022225

بزنس برودكاست "600"
لمن تمسك قروش في يدك حتعرف إنه بالجد الفكرة أهم من رأس المال ..
لأنه بدون فكرة ماحتعرف تودي رأسمالك وين.

وحتعرف أن تنفيذ المشروع في ألف طريقة ممكن يتم بيها بدون الحاجة لراسمال.

رأس المال موجود بكترة .. لو ماعندك فهو عند الناس حولك .. بس مافي شخص بيستثمر في فكرة خيالية.

إنت نفذ مشروعك وأنجح في إنك تدخل أرباح وبعدها الناس براهم حيجيبو ليك قروشهم عشان يستثمرو معاك .. وغالباً ساعتها إنت حترفض.
تحياتي ??
م.محمد التاج 
https://wa.me/249117022225

الحابي يعلن للمشروع بتاعه أو يعرض خدماته للعملاء يدخل في البوست دا

https://www.facebook.com/share/p/19bsWbWwFZ/

بزنس برودكاست "576"
لمن تكون عايز تتواصل مع شخص لاي تعامل رسمي (سؤال .. شغل ..تستشارة .. بيع .. الخ)
ما ترسل السلام وتسكت .. او ترسل جملة مبهمة مقطوعة.

إتعود تخلي تواصلك كامل من الأول (تسلم .. تعرف بنفسك لو الشخص مابيعرفك .. توضح سبب رسالتك ليه لو طلب او شغل آو غيره).

كدا بضمن أن في الغالب بيتم الرد عليك أسرع وبيتم إحترام رسالتك أكتر .. وبتختصر على نفسك زمن.

فخلي دي طريقتك في التعامل مع الرسائل والمكالمات دائما.
تحياتي ??
م.محمد التاج
https://wa.me/249117022225

بزنس برودكاست "575"
في كل مرة تفكر تاخد خطوة جديدة حتلقا دماغك بيقاومك ويمنعك تاخد خطوة جديدة ..

ودا بسبب أن دماغك في أعماقه بيخاف من المجهول لانه في احتمالية خسارة.

ودا واحد من أسباب التسويف الكتير .. فبالتالي لازم تفهم إنك بتواجه ممانعة داخلية من عندك ولازم تضغط نفسك تاخد الخطوة الجاية .. لأن المشاريع المابتطور بتموت بمرور الزمن.

تحياتي ??
م.محمد التاج
https://wa.me/249117022225

بزنس برودكاست "574"
"المال سيد مؤذٍ وخادم مطيع"
الجملة دي معناها لو بقا همك القروش فحتبقا مهووس وحتكون دايما في حالة هم مستمر وضيق من حالك.

لكن لمن يبقا المال بالنسبة ليك وسيلة عشان تخدم بيها نفسك والناس البترعاهم ساعتها حتكون راضي نفسياً وقادر تستمتع بالرزق البيجيك.

ودا السبب الجا بيه الحديث (تعس عبد الدينار .. تعس عبد الدرهم)
تحياتي ??
م.محمد التاج
https://wa.me/249117022225

بزنس برودكاست "573"
من غرائب التفكير عند بعض الناس هو إنه "يكسل" من إنه يعمل دراسة جدوى يقيس بيها مدى نجاح مشروعه.

أو "يستكثر" إنه يدفع لشخص خبير عشان ياخد إستشارة قبل يبدأ.

وتلقا إنه يدخل مشروع بمبلغ كبير بصورة عمياء.
التصرف دا واحد من الأسباب المتكررة لخسارة المشاريع وتقفيلها خلال أول سنة من بدايتها.
تحياتي ??
م.محمد التاج
https://wa.me/249117022225