الشاعر الحسيني ظاهر حبيب الهليجي (للامام المهدي عج)

يليلـي هايـم يليلــي يليلـي وانهــد حيلــي
حبيبي ماكـو بغلاته أميري وحده بصفاته

يل مهدي فيك المعالــــي
مغرم وحبك مثالـــــي
يلي عايش في خيالـي
انته الغله واغله غالـي
عشيگي ما منه ثانــي هو روحي وكل كياني
في حبه ذايب دليلــي يليلــي هــايــم يليلــي

يا وجيـه الله يزهَـــــر
يارفيع ألشان يطهـــر
يا أيمامي يمته تظهر
في عشگه گلبي توجر
ضميري انتــه وامامي فيك النجى يا هيامي
من صباي انت خليلي يليلــي هـايــم يليلي

في البرايا ماكو مثله
مثله ما في كلُ ملـــه
في العلأ أسمه تعلــه
وانه منه ما تخلــــــــه
حبيبي ساكن في روحي هــو بلسم للجروحي
دونـه مـا يشفــه غليلـي يليلــي هايــم يليلــي

يا شريك العگل أشهد
في الكلب حبك توسد
وابغلاتك ما في احــــد
انتـه المنى والمؤيـــد
ما ابي غيـــرك يغالي يل مهدي انتــه منالي
من عشكه آهن يويلي يليلـي هـايـم يليلي

هوه في كلبي لگيتــه
غالي وبروحي شريته
عطيته عمري عطيته
افدي أسمه وأهلِ بيته
دونـه ما تسوه حياتـي حبه ينفع في مماتي
في الحشري هو كفيلي يليلــي هايـم يليلــي

السلام على المعذب في قعر السجون وضلم المطامير

قصائد الامام الكاظم علية السلام اعلاة ☝️

الشاعر الحسيني ظاهر حبيب الهليجي (للامام الكاظم ع)

كاظم غيضي ظل اسمي گيدي بجفي وبجدمي
بطاموره ذبل جمسي ياذنـب البدر مني

انــه الكاظـم سليـل العـصمه يدرونـــــي
عـلـه الـدنيه الـدنيه ليـش ظـلمـونــــــي
بسجن موحش شمس ما شافت اعيوني
اخلص الليل تجوي دموعي بجفونــــــي
بل الغربه وصعب امري ونيران الهظم تسري
اختم بالسجن عمري يـاذنـب البدر مني

لون همي اعله اهل الكون يتوزع
تصيح الغـوث منه وحيل تـتجــزع
لجـن انه الرضاة الباري اتضـــرع
شما زادت نوايب سجني انه اقـنـع
كل هذا وكلت يارب قانع بأمرك اتعذب
بسمك انه اتحسب ياذنـب البدر مني

صدى صوتي يرد المسمعي اجوابـه
غـريـب انـه ايـتمنه شـوفـت احبابـه
انختم امري وعـليهم عـيني سجابـه
العـذر يهلي السجن ما يفـتح ابوابـه
شوفتكم تـــرد روحــي شوفتكم دوه جروحي
جلماتي باشد نوحي يـاذنــب البدر مني

بطاموره وحيد ودمعتي بخـدي
مجتوف بسلاسل والـدمـه تـدي
وبدت نيران سمهم تاكل بجبدي
اتلوه واعيش بهل الالم وحــدي
حيلي بسجـني يتهدم ما يرحم عروكي السم
اتلوه وكتلني الهم يـاذنــب البدر مني

بدهـاليـز المأسـي مـوتـي انـتـظـره
صبح شم الهوه بنفاسي جن جمره
بجت حيطان سجني لحالي متأثــره
اكل عـظـمي الحديد واقـبلـت أمــره
مـنـبـع لصبـر طـبعـي سجاني عرف وضعي
لاكن اشتكي بدمعي يـاذنـب البدر مني

الشاعر الحسيني ظاهر حبيب الهليجي(أستشهاد الزهراء)

بمدامعها ومواجعها زينب بويه وين امي
يواسيها ويعزيها بمدامع عل وجن تدمي
يجاوبها علي بدمعه بديه دافن البضعه
بمدامع عل وجن تدمي

وين أمي العزيزه بويه حاجيني
يل تنحب نحيبك زيد أونيي
اشوفن قصه بعيونك تأذيني
وحيده ما اظن أمي تخليني
بده بعبره علي وحسره يجاوبها ودمعته ابدم
يباصرها ويصبرها أعله امها وحيله متهدم
يگلها حگي من انعه بديه دافن البضعه

يبنيتي انمرد جبدي عله الزهره
اغسلها ودليلي انطر ألف طره
شفت شوفه خلت ناري مستعره
بخد امج اثر موجود للسطره
ضلع مهشوم يسيل أدموم لمسته وحيل هد حيلي
أثر بسمار لهجوم الدار أثر بل أه يشكيلي
أحسها ضاكت الوسعه بديه دافن البضعه
اغسلها ودمعي عل وجن سجاب
يزينب من شفتها والدليل انصاب
بأدين أمج اشمن ريحه للعطاب
وأثر باقي يبويه من لهيب الباب
بعالي الصوت انادي الموت يكون وياهه ياخذني
بعد مگدر اعيش أكثر اخذني أولا تخليني
روحين وسوه الطلعه بديه دافن البضعه

وانه ادفن سمعت الصوت بيه أونين
رد يا حيدر البيتك تره الحسنين
وزينب بل مدامع ياعلي متانين
عله فراگي يهلون الدمه من العين
تراها أمج درت همج وهموم الحسن وحسين
البواجيكم ونواعيكم اسمع من لحدها ونين
وعليها ناحت السبعه بديه دافن البضعه

وي امج يبويه انه إدفنت عمري
يازينب وأحس النوح طر صدري
عله الزهره الزجيه ونكسر ظهري
عليها ولا ابد ينفع جبر كسري
اون ونعي يظل طبعي أشما طال الزمن وندار
انه المفجوع بحزن موجوع عله الزهره ودليلي بنار
العمر دون امج اشنفعه بديه دافن البضعه

الشاعر الحسيني ظاهر حبيب الهليجي (للسيدة فاطمة الزهراء ع)

وداعاً فاطمه الزهره
وداعاً فاطمه الزهره

الله وياج رحتي وضلعج امهشم
حدر الگاع ما يبطل نزيفه الدم
وجرحج للحشر مولاتي مايلتم
عله أصحاب السقيفه لا ولايبره
وداعاً فاطمه الزهره

رحتي وريحت الدخان بثيابج
وبگلبج سعير النار من بابج
ولحد هسه دموعج تشكي بعتابج
والمحسن مصابه بداخلج جمره

غفت عينج غضب من ذاك اولهم
وذاك الي هجم عل دار صاحبهم
تظل مشؤمه للتاريخ سيرتهم
غايتهم نوايا السوء للعتره
وداعاً فاطمه الزهره

حرگوا بابج وبابج بقه قبله
عليه مكتوب كلا كلا للذله
اليريد الحق يقره وهوه يندله
وتاريخ المزيف ينتهي امره
وداعاُ فاطمه الزهره

ظلموج بقساوه صحبة المظهر
ولا راعوا أحاديث النبي الاطهر
المعروفه فدك موروثه للكوثر
اولهم اخذها وأتضح غدره
وداعاً فاطمه الزهره

وحگ حيدر علي يابظعة المختار
عهد يبقه الدمع لمصيبتج مدرار
وعله مصابج نخلي عل صدر آثار
الجفوف الأيد تبقه علصدر ذكره
وداعاً فاطمه الزهره

يظل ضلعج ألم بينه أعله طول البين
ماننساه للمحشر وحك حسين
وألج مهما نقدم احنه المقصرين
اشفعي بيوم نار الباري مستعره
وداعاً فاطمه الزهره

الشاعر الحسيني ظاهر حبيب الهليجي (للسيدة فاطمة الزهراء لسان حال أمير المؤمنين)

من الدفن رديت أهوى المنيه
هوه العمر شيفيد بعد الزجيه

بيدي أدفنتها اليوم زهرة سنيني
وبلا وعي امنل نوح يطلع ونيني
مو هينه من تروح الجنها عيني
البيها اشوف الكون واهل البريه

اليفگد عزيزه يذوب بل ون دليله
وهم ما أظن النوح يشفي غليله
يلزهره روحي إعليج صارت عليله
والعهد ابقه بنوح صبح ومسيه

الدمعه من رديت بعيوني حمره
ونفاسي شهگت موت والباري ادره
والله شتهيت الموت بعدج يزهره
اتحسب بدمعات عل يجره بيه

نبضي عليج ونين من گلبي مسموع
بفگدج احس شريان من گلبي مكطوع
والحالي حته الكون يلزهره مفجوع
يافاطمة مهضوم حامي الحميه

بين بياض العين بهدوب العيون
موأنتي جن اليوم انه إعله المتون
والگبري احس والله گامو يشيعون
من كثر ما ونيت لجل الوفيه

الشاعر الحسيني ظاهرالهليجي (نعي أستشهاد رسول الله ص)

البنيه ابوها أيصير غالي
وبوي اليوم منه البيت خالي
يتيمه وآه يابعده أشجرالي
بعد شيردهن وياه الليالي

تذوب الروح وكت المغربيه
لن متعوده اشوفك كل مسيه
وحشه الدار ودموعي جريه
اشحال الزهره بويه بهل رزيه

يشمعة بيتي بوبه وضي العيون
تعال أولادي بخلافك يونون
زينب والحسن وحسين يبجرون
عله فراشك مدامعهم يهلون

ينوح الكون عل الون الاونه
ابوي الماكو بين الناس منه
راح وراحت أوياه المحنه
بعد هيهات مايلتم شملنه

كون الموت يأخذ روحي وياك
ادعيلي اموت وياك ارجاك
تعال الدنيه ما تسوه بلياك
ذبل عودي بكثر ما انه اانعاك

نعي استشهاد رسول الله محمد ص

الشاعر الحسيني ظاهرالهليجي
(أستشهاد رسول الله ص)

يدوي نحيبه ودع حبيبه
حدر الترايب هاي مصيبه

ابد ما يوم بين عل وجه همك
لاكن عل الحنين امبين أبرسمك
لأن حب النبي مولاي وي دمك
بحيث الهاب لومر ريتك أيلجمك
شيب دليله الخله وخليله
مايغفه جفنه والهم ربيبه

علي الليله يرد مخنوگ بل عبره
بي وداع الحبيب الي كسر ظهره
رسول الله وابن عمه وابو الزهره
يدفنه اليوم بيده وياعظم صبره
حيله تهدم دمعاته من دم
من المأسي ماخذ نصيبه

الدفن بيده أخيه شلون يتصبر
متخوصر يرد وجدامه تتعثر
عله فراگه ويظل الموته يتنطر
لان صعبه يعيش بدونه ما يگدر
يهوه المنيه بعد الرزيه
لجروحه صعبه يلگه طبيبه

علي شحالك يل شايف نبض گلبك
طبك جفنه و روحه صعدت الربك
وانت الََماتعيش بدون الي يحبك
صعب حالك علي وأظلم صبح دربك
دنياته ظلمه فگده يأامه
يصعب مثاله يكدر يجيبه

الله إيعينك وانت التهيل اتراب
عله گبرلحبيب ودمعك. امنخضاب
جم اصواب گلبك صابه جم صواب
بلحظة مدفنه وجرحك ابد َماطاب
جرحه مواجع هم ومدامع
موسهله گلبه. يبرد لهيبه

الشاعر ظاهر حبيب الهليجي
(استشهاد رسول الله)

اويلاه اويلاه يالمصطفى
اويلاه اويلاه يالمصطفى
--- ---
عيني تدمع يم ظريحك ماترد اجوابي
انه فاطم بويه اجيتك اشكي ناري صوابي
هشموا ظلعي يبويه والسعير ابابي
اسمع بحسرة دليلك من سمعت اعتابـي
اويلاه اويلاه يالمصطفى
اويلاه اويلاه يالمصطفى
---
شبــو النار أعلـــه بابـي وانــه شاهـد حيـدره
مكيد بحبل الوصيه صعبه اوصف منظـــره
والاشد شاف الظربني ودمعه دم أعله الجره
يمــك الليلــه اشتكيلــك بيــه نــار اموجــــره
اويلاه اويلاه يالمصطفى
اويلاه اويلاه يالمصطفى
---

طبع اصابع فوك خدي من حقــدهــم ظــل اثـر
وعيني حمره من السقيفه وهذا ظلعي الي نكسر
وهذا طفلي جبته بيدي يالله فك باب الكبـــــــر
خاطري مكسور ما اظن ينفــع جبــــــــر
اويلاه اويلاه يالمصطفى
اويلاه اويلاه يالمصطفى
---
انت انفاسي اﻻشمه صعبه بويه حالتــــــي
والله ليل ألي يمرني بصدري تلهب حسرتي
مدلي ايدك انه يمك طلبه تمسح دمعتـــــــي
عن ونيني السدره تشهد تجري دمعه لحالتي
اويلاه اويلاه يالمصطفى
اويلاه اويلاه يالمصطفى
---
كوثري من الدمع وشل يارسول الله عليــك
حزني فاق الكون كله وانه بلدمعه ارتجيك
طلبه ادعيلي يبويه يدنه موتي حته اجيــك
ظاكت الوسعه بغيابك للجليل ارفع اديـــك
اويلاه اويلاه يالمصطفى
اويلاه اويلاه يالمصطفى
-----

برنامج ليله السابع ابا الفضل عليه السلام مع الالحان اعلاه ☝️☝️