Odamni eng katta xatolari xatoligini bilib turib qilgan xatolari. Ularni har qaytarganida o’zi, O’zi va odamlar oldida yuzi yerga qarab boraveradi.

Bu jarayonni oxirini o’ylashga odam qo’rqadi.

Lekin bu yo’lni eng oxirgi nuqtasi aniq.

Metroying noto’g’ri bekatga olib borishini xohlamasang, tezda yurgan yo’lingni o’zgartir.

Xato qayeridan qaytsang ham foydada bo’lasan.

Xatoligini bilmasdan qilgan ishlaringdan xulosa chiqar, qaytib u xatoni qilma.

Xatoni surunkali ravishda bilib turib qilayotgan bo’lsang, o’zingga yaxshilab tan ol, bu xatoni qilganingdan rostan afsuslanyapsanmi o’zi?!
Afsuslanmayotgan bo’lsang, xatoni xato deb tan olmaslik qayerga olib borishini o’ylab ko’r. Bu xuddi gunohni gunoh deb hisoblamaslikka o’xshaydi.

Bu yo’lni oxiri senga yoqsa, Пожалуйста, marhamat.

Yo’q boshqa manzilga bormoqchi bo’lsang, eng yaqin bekatda u yo’ldan qayt.
Eng yaqin bekat esa hozir.

Odamning o’ziga bo’lgan hurmatini belgilab beradigan narsa uning yashirin yutuqlari.

Oxir oqibatda bu yashirin yutuqlar shu inson hayotining qanchalik mazmunli ekanini belgilab beradi:

• Judayam charchagan paytda tugatib qo’yilgan virdlar*
• Odamning hech kim ko’rmasa ham omonatga sodiq bo’lishi
• O’ziga bergan va’dasini bajarish

Shular hammasi o’zimga bo’lgan hurmatni belgilab beradi. Shu ishlarni qilsam, tashqarida ishlar yaxshi bo’lmasa ham xotirjam va hayotdan xursand bo’lib yuraman.

Bular yiqilsa, tashqarida ishlar zo’r bo’lsayam ko’ngil g’ash yuradi.

O’zi hech kim bilmasa ham bu ishlarni qilish nega yordam beradi?

Chunki bularni qilish orqali manda isbot yig’iladi, mani “толковый” bola ekanligimga.

Qo’limdan bir ish kelishini ko’rgandan keyin o’zimga ishonch oshadi.

O’ziga ishonch oshsa, ishlarni yaxshi bo’lishiga ham optimistik qaray boshlanadi.

Optimistlar esa ko’proq narsaga erishadi. (manba)

Natijada yaxshiroq natijaga erishasiz.

Yashirin yutuqlarni ko’paytiraylik.

Sizda nima yashirin yutug’ingiz bor?

1. Kecha tiniqib uxladim. Turgandan keyin buning sababini pardalarni qorong’u qilib yopib, chiroqlarni o’chirganimdan deb o’yladim.
   Keyin bir necha kishi bilan suhbatlashsam bu mavzuda, shahar tashqarisida markazdan ko’ra havo tozaligidan bo’lgani ehtimoli yuqoriroq ekan.

2. Sotuv uchrashuviga bordim. Mijoz bittada rozi bo’lib oldi. “Yorvordimda uchrashuvniyam, zo’r sotib tashadim” deb o’yladim. Aslida mijozda juda katta muammo bo’lib turgan ekan, shuni hal qilish uchun tez rozi bo’libdi.

3. Bitta odam ko’rdim: “ana meni shogirdim, men o’qitganimdan keyin kuchayib ishlari yurishib ketti” deyotgandi. Shogirdi bilan keyin yaqindan suhbatlashdim: u ustozdan keyinam juda ko’p joyda o’qigani, qanchadir risk qilgani va (eng asosiysi) omadi kelib qolganini aytdi.

Dunyo juda murakkab. Bitta natijaga juda ko’p omil ta’sir qilgan bo’lishi mumkin. (Va bitta omil ko’p narsalarga ta’sir qilgan bo’lishi mumkin)

O’zing qilayotgan ishlarning muhimlik darajasini ko’p baholab yuborma. Sen qilgan amal natijaga olib borgan ko’p omillardan biri bo’lishi mumkin. Lekin ko’pincha yagona sabab emas.

Natijada omadning, boshqalarning harakati va ( hatto ba’zida ) fizika qonunlarining ham ta’siri katta bo’ladi.

Shulardan keyin “Sababini qil, qolgani tavakkal” degan gapni yaxshiroq tushungandekman.

@usmonxon_mavlonov

Mana bunaqa holat ko’rganmisiz? Bitta biznes bor, ulardagi aniq muammo ko’rinib turibdi: masalan mahsuloti unchalik yaxshi emas. Lekin shuni to’xtamay reklama qilib yotadi. Muammoni yechimini boshqa joydan qidiradi

Xuddi shu narsa individual darajada sizda ham bo’layotgan bo’lishi mumkin, faqat tan olishga qiynalasiz yoki o’zizni aldab yurasiz.
Masalan ishlariz yaxshi emas, siz o’zingizni dam olishlar yoki uydagilar bilan sayohat yoki youtube’da shu bo’yicha videolar o’rganish bilan chalg’itishga harakat qilasiz.

Aslida bu 2 holatdayam qilish kerak bo’lgan narsa aniq:
• biznes holatida, produktni yaxshilash ustida ishlash kerak, reklama qilavermasdan. Produktni ishlatib ko’rganlar foyda olsa, uyog’i tavsiya bilan ham sotuvlar oshadi.
• Shaxs holatida esa ishidagi muammoni hal qilish kerak: boshliq bilan gaplashish kerak bo’lsa gaplash, qayergadir borish kerak bo’lsa - borish.

| Muammo qaysi sohada paydo bo’lgan bo’lsa, o’sha sohada hal qilinadi.

Uydagilariz bilan munosabatda muammo bo’lsa, uni ro’zg’orga ko’proq bozorlik qilish bilan hal qilolmaysiz. Odamlar bilan muammolarni noqulay suhbatlar bilan, ish bilan muammoni esa bajarish qiyin tuyulayotgan vazifani qilibgina hal qila olasiz.

Oxir oqibat, sizni qutqarishga, muammoyingizni hal qiberishga hech kim kelmaydi. Faqat o’zingiz hal qilishingiz kerak.
Siz ham boshqalarni muammosini hal qilib berolmaysiz, ularni o’zi qilishi kerak.

@usmonxon_mavlonov

Supermarketda skidka so’rang
Yangi narsalar sinab ko’ring:
• kirmagan kafelaringizga kiring;
• Oldin qilmagan sport turlaringiz bilan shug’ullaning;
• Bormagan joylaringizga boring;
• supermarketdagi sotuvchidan skidka so’rab ko’ring;
• Konduktordan tekinga obketishni so’rab ko’ring.

Bularni hammasi sizni noqulay vaziyatlarga soladi.
Noqulay vaziyatlarga tushib turish sizni ko’p narsaga nisbatan fikrlarizni o’zgartiradi:
- Aslida ko’p narsani unchalik qiyinmasligini;
- Odamlar ko’ringanidan ancha yordamsevar ekanini;
- Yaxshi odamlar ko’pligini ko’rasiz.

Bir xil hayot tarziga ko’nikib qolmang. Yangi darajaga chiqishingiz qiyinlashib qoladi. Muhitni o’zgartirib turing.

Nima uchun har xil eksperimentlar qilish kerak? Tajriba oshishi uchun.
Chunki 1 xil ovqatni 20 marta yesangiz ko’proq tajribali bo’lib qolmaysiz.

Dunyoqarash keng bo’lishi uchun bugun fast-food, ertaga turk taomi, indinga xitoycha lag’mon yeyish kerak, masalan. Shunda umumiy holat bo’yicha ozgina ko’proq tushuncha bo’ladi.

Noqulay va noodatiy vaziyatlar bizni o’stiradi.
Kunlik odat qilib olsangiz ham bo’ladi: 1 kunda 1ta yangi eksperiment

Anchadan beri telefon qilmagan do’stingiz, qarindoshingiz yoki tanishingizga shunchaki telefon (ha, telefon ?!) qiling. Hol ahvolini so’rang.

U odam ham hayron bo’lib, tinchlikmi deb so’raydi (qarz so’rarmikin deb o’ylab ?). Ha tinchlik sog’ingandimda, manga ko’p yaxshilik qilgansiz rahmat deb bir eslay degandim deb ayting.

Kayfiyati ko’tariladi. Undan ko’proq o’zizni kayfiyatiz ko’tariladi.

Aslida odamga uncha ko’p narsa kerakmas. Bir og’iz shirin so’z va bir dona gelik bo’lsa yetadi ;).

Hazil hazil bilanku lekin silai rahm juda savobli ish.

Telefon qilishdan oldin niyatni to’g’irlab oling faqat:

- Musulmonni xursand qilish;
- Silai rahm qilish;
- Sunnatga amal qilish;
- Boshqalarga o’rnak bo’lish;
- Ummatni birdamligi va kuchliligi uchun harakat qilish.

Har biriga alohida savob olamiz Xudo xoxlasa.

P.S: Mangayam telefon qilaveringlar, qarz so’ramanglar faqat ?

Moslashasiz

Odam hamma narsaga moslashadi.
KFC va CocaCola’siz hayotini tasavvur qilolmaydigan qancha odamni bilardim. Boykot boshlanganidan keyin ularni birontasiniyam og’ziga olishmadi.

Marketologlar “hayot tarziga qo’shilib ketgan produkt” deb maqtaydigan narsalaridan bir kunda voz kechishdi.

Dars 1: Hech narsa “voz kechib bo’lmas” emas. Sensizam hayot yuraveradi

Dars 2: Biror narsani tark etish uchun yetarlicha katta sabab bo’lishi kerak. Boykotda mahsulotlardan odamlarni uzoqlashtirgan narsa - “buyuk g’oya”

Dars 3: “Любой” vaziyatda moslashib, yangi yo’l topsa bo’ladi. Bizni misolimizda bu Milliy Cola