Reklama emas, tekin maslahat. Esingizda bo‘lsa, Cubic Podcast jamoasining podkastiga borgandim.

Bu loyihani mehmonlari orasida mendan x1000 marotaba kuchli insonlar ko‘p uchrab turadi. Har bir podkast — liq-liq foyda.

Loyihaning maqsadi o'zbek tilida korporativ rivojlanishni istagan marketing, biznesga doir mutaxassislarni tajriba almashish, netvorking imkoniyatini taqdim qilish va eng muhimi marketolog uchun diqqatlilik, qiziquvchanlik kabi ko'nikmalarini oshirishdan iborat.

Ishonaman, @cubicuzb nafaqat marketologlarga, balki kreatorlarga ham foydali bo‘ladi.

Kopirayterga strategiya, biznes, marketing yo‘nalishida bilimlar nimaga kerak?

O‘zingni ishingni bilib, ko‘zingni qisib yursang bo‘ladi-ku, har xil sohalarga tiqilmasdan. Bo‘ladi, lekin bunda sen o‘ylab topgan zo‘r, kuchli g‘oyalar ko‘pincha shunchaki g‘oya bo‘lib qolaveradi.

Amalga oshirilmagan kreativni narxi bir tiyin. Uni amalga oshirish uchun esa kopirayter g‘oyani sota olishi kerak. Kimga?

Tadbirkorga, marketing direktoriga, strategga, TOP-menejerlarga.

Biznesni “B” harfiniyam bilmagan kopirayter 1) kuchli va ishlaydigan g‘oya topa olmaydi 2) mo‘jizaviy taqdir taqozosi bilan topsa ham uni brendga sotib kela olmaydi.

Shunaqa endi bolla, uzr, kopirayting “prosto” matn yozish va rolik olish deb yurganlarga repost qivorasila)

Reklama, kreativ va kommunikatsiya sohasiga, ayniqsa strategiyaga 0,1% qiziqishingiz bo‘lsa — shu master-klassga bormaslikka haqqingiz yo‘q.

Ishonavering.

Bugun nima ko‘rishni bilmay yurgan bo‘lsangiz, Cubic Podcast ko‘ring — naqd 1,5 soat gapiribmiz. Qiziq chiqqan.

Bugun ozgina strategiya haqida gaplashamiz.

Brend arxetiplari degan narsa haqida eshitganmisiz? Eshitgan bo‘lsangiz, zo‘r, bo‘lmasa — Google qilib o‘qib oling. Men esa arxetiplar haqida qiziq narsa o‘rgandim. Ilinmoqchiman sizga.

Xullas, ayrim hollarda bitta brendga ikkita, yoki hattoki uchta arxetip to‘g‘ri kelishi mumkin. Masalan, Apple — sehrgar va hukmdor, Gucci esa — isyonkor, sevgili va ijodkor.

Lekin arxetiplarni bir biriga mos ekanligini qayerdan bilamiz? Ularning hayot yo‘lidagi o‘rnidan.

Jozef Kempbellning (Amerikalik buyuk tadqiqotchi) talqiniga ko‘ra, har qanday personaj (arxetip) umri davomida hayot yo‘lini bosib o‘tadi. Ayrim arxetiplar bu sayohatning boshida, boshqalari o‘rtasida, kimdir esa yo‘lni allaqachon bosib o‘tib bo‘lgan hisoblanadi.

Arxetiplarni birgalikda ishlatish uchun, ular sayohatning biror bosqichida birga bo‘lishlari kerak.

Boshida: beg‘ubor, do‘st, qahramon va mehribon.

O‘rtasida: yaratuvchi, sevgili, isyonkor va tadqiqotchi.

Yo‘lni bosib o‘tgan: hukmdor, sehrgar, dono va masxaraboz.

Ayrim hollarda sayohat boshidagi va sayohat oxiridagi arxetiplarni ham birlashtirish mumkin. Lekin yo‘lni o‘rtasidagilar boshqa hech kim bilan birlasha olmas ekan.

Bilaman, murakkab mavzu. Lekin juda foydali. Mana bu yerdan batafsilroq o‘qib olishingiz mumkin.

Uchrashuvga kelganlar bormi?

Qanday bo‘ldi, fikrlarni izohlarda qoldiring — gaplashamiz)

Charchab ketdim — iltimos, imlo va nuqta-vergullardan biroz boshingizni chiqarib, ma’no izlashga ham urininglar)

Imlo hech narsa emas. 2003-yillik Microsoft Word ham to‘g‘rilab beradi imloni kerak bo‘lsa. O‘zbek tili yo‘q-ku unda desangiz, xo‘p, tahrirchi.uz bor.

O‘tinib so‘rayman, yalinaman, yolvoraman — ma’no izlang. Foyda izlang. Xato emas.

10 ta postdan 9 tasidagi birinchi izohlar orasida albatta imlo yoki punktuatsiya haqida biror gap chiqadi. Charchadim, rostan)

Sizlarga yaxshi vakansiya olib keldim.

Biroz avval yozganimdek, joy emas, odam tanlash kerak. Rosmana o‘sib, rivojlanib, yangi bosqichlarni zabt etish uchun vizioner jamoada ishlash muhim.

Xuddi shunday vizioner, mahalliy IT-kompaniyasi kopirayter izlayapti — kompaniya nomini oshkor qila olmayman, lekin, ishonavering, mehnatga arzigulik joy.

Agar fidbeklarga ochiq, ToV nimaligini bilib, unga moslasha oladigan va albatta O‘zbek tilini mukammal biladigan kopirayter bo‘lsangiz: mana shu Google Form’ni to‘ldiring.

Afsuski, onlayn ishlab bo‘lmaydi, Toshkentdagi ofisga kelish kerak bo‘ladi.