والله انت هنيالچ عليه تبوسيني تشبگين اديه تشميني لحد القضيه وتتنفسيني والهوى يروح واختنگ بيچ اشگد خطيه وتتگابلين عليه بيه ما گلتي هذا شلوني وياه شلون سلهم عمره بشفاه تغار الحبيبه من طواريچ وتتأذه من احچي وي ماضيچ ما بيچ فود وكلشي ما بيچ بس بيچ اذيتي وانه…

والله انت هنيالچ عليه
تبوسيني تشبگين اديه
تشميني لحد القضيه
وتتنفسيني والهوى يروح
واختنگ بيچ اشگد خطيه
وتتگابلين عليه بيه
ما گلتي هذا شلوني وياه
شلون سلهم عمره بشفاه
تغار الحبيبه من طواريچ
وتتأذه من احچي وي ماضيچ
ما بيچ فود وكلشي ما بيچ
بس بيچ اذيتي وانه ادريچ
لچن اشهگچ واگفل البوب
ومحبوب يتوچه على محبوب
الگاهم بخلگچ نواطير
اشگد زاته بليلچ عصافير
اشگد شايله بضيمچ نشامة
ويامه اهملچ والندامة
تاكل بچفي
وارجع نوب
افتح الشباچچ ملامة
تخرخش بصدري ماانامة
تشخبط تجاعيدي علامة
وضيمچ اعرفه شامة شامة
مابيچ ابد نشغت سلامة
... علي نغيمش

...

انت وحدك تخلگ بخلگي الاماني

يسخر المرء
او يحاول مط اعصابه للحفاظ على ما تبقى
... علي نغيمش

دمعي على الحزن شامة روحي الصافية ايمامة لچن للبطر توگف گفه جامة اطلع من عذاب الدنيا خزامة اطيحن للحسن محتام حاضن حسن محتامة وارد اردود اباهل كل نبي بنثية واجي بعفية يا انا عليك اجروحي متحفية تعال الزم تعال اشتم الهوى لو غاثك يندم انا اتيتم اتيمم واحلم وبوس…

توگف بعيني قصيدة اشما اذكرچ
تسجد ابالي شياطين البشر
واستغفر اذنوبچ واحبچ
تسكر الوادم بظلچ
وانا سكران بغيابچ
ياحبيبه العمر ركضه
وانا شيب شعز شبابچ
اشگد اضملچ شجر
وتعافه وي صبحچ
اشگد واربحچ
ياجمال يجيب قبحچ
تصحى روحي
وافتح الباب وجروحي
هلبت انت
ثاري سكته
ثاري اني
بدون وجهچ
بس اغانيي وحنيني
ملح ثاريها الاغاني
تواسي اكثر من رداني
اه يا اني
محد متنانيك تاني
وانسى لو ودك نساني
لا تردلي تريد ثاني
لا ترد بيك الاماني
وانت انت
ماتغيرتي على شفتي
وين صرتي
هاي بس انت على حطتي
بلايه شفتچ
شفتي طين
بلاية عينچ
شوفي دين
اذني مرضها الحچي الماصخ بدونچ
وجهي شاحب فگد لونچ
ياحبيبه شوية وديلي عيونچ
شوية من صوتچ بنفسج
شوية اريد بشوگچ الهج
معتكف زاهد حياتي
ومانسيت شلون اريدچ
شلون خليت القصد كله قصيدچ
شلونه چيدچ
يخجل من النسمه
ويشاقيها يتخيلني انه
يحطني شانه
ومغنجه وكهرب زمانه
لو نسانه
مانسانه
ادري يذكرني حبيبي
حاطني شامه بحنانه
ماخذتني وماخذچ
چا يمته نتبارة الفشل ونولنه
رايدتني ورايدچ
چايمته نعگد سولنه
اسمچ بگلبي حرز من كلشي يمي
انت مسؤولة بنقل كل الهواء بجسمي
لا تعوفيني يخلص دمي
وابدي اضيع ويبدي يكثر همي
ماتشوفيني على شوفچ مرهق
ومن تجيني بكيفي اشهگ
خايف ازهگ
والحگ
وايدچ ما تلحگ
... علي نغيمش

اجه الليل
وبدت تتشاور الوادم
كلمن بركنه حبيبه
وياخذ وينطي لهيبه
اجه الشوگ
وبزغ حزني
وانه وركنچ انغني
يا عزيزة العمر سفره
وانه من دونچ غريب بدنيا گفره
يا خضارچ ردته حضره
الگحط تعب اجروحي السمره
يا انه شبعد لليل ويخلص
وكف صبحي
يا انت
محنه وطيب ماتنگص
خساراتچ شغف ربحي
تجي وتمر لياليي
وانت انت
اغاني من الحزن للطين
تنام وتگعد العشاگ
وانت انت
حنين وتين
انه الخاطرچ مرتاح
اسير يومي وتخيرچ
وانت الخاطري ارتاحي
وحشميني اجي الشرچ
اجيچ من الهوى مخنوگ واشتمچ
اجيلچ شارد من اسمي واگول أسمچ
... علي نغيمش