ئیسرائیل بە سیخوڕی بەستراوەوە بە مۆبایلەکەیەوە شوێنپێی هانیە گرت

بە گوتەی ڕۆژنامەنووسی لوبنانی ئیلیا مانی، ئەو نەرمەکاڵایە لە ڕێگەی پەیامێکەوە لە واتسئەپی نامەبەردا کەوتۆتە ناو ئامێری سەرۆکی مەکتەبی سیاسی حەماسەوە.

دەزگا سیخوری و هەواڵگریەکان نەک تەنها دەستیان بە داتاکانی شوێنی هانیە بگات، بەڵکو دەستیان بە وێنە و کامێرا و مایکرۆفۆنەکەی لە مۆبایلەکەیدا گەیشتوە. هەر زوو فڕۆکەیەکی بێفڕۆکەوان هێرش کرایە سەر ماڵی ئەو سیاسەتمەدارە.

(هێشتا پشتراست نەکراوەتەوە بە فەرمی کە چۆن تیرۆرکراوە)

بەپێی ڕاپۆرتی نیویۆرک تایمز، ئیسماعیل هەنیە بەرپرسی سیاسی حەماس بە تەقینەوەیەک تیرۆر کراوە کە بە نهێنی و بە قاچاخ هێنراوەتە ناو میوانخانەی تاران کە تێیدا دەمایەوە.

بۆمبەکە نزیکەی دوو مانگ لەمەوبەر لەناو میوانخانەکەدا شاردرابووەوە و کاتێک پشتڕاستکرایەوە کە لەناو ژوورەکەیدایە لە دوورەوە تەقێندراوەتەوە.

#تۆڕی_زانیاری
#ئاوتلاویزم
#outlawist
#outlawism

پیتاندنی یۆرانیۆم پرۆسەیەکە بۆ جیاکردنەوەی هاوشێوەکانی دیکە لە یۆرانیۆم، وەک جیاکردنەوەی یۆرانیۆمی ــ 238 لە یۆرانیۆمی ــ 235، بەمەبەستی بەدەستهێنانی ڕێژەیەکی بەرز لە یۆرانیۆمی ــ 235، کە دەگونجێت بۆ بەکارهێنان لە کوورەکانی وزەی ئەتۆمیی مەدەنی، هەروەها بۆ بەرهەمهێنانی چەکی ناوکی.

تۆخمی یۆرانیۆم لە بنەڕەتدا نزیکەی 99.3% لە ڕێژەی یۆرانیۆمی ــ 238 لەخۆدەگرێت و، 0.7% لە یۆرانیۆمی ــ 235 لەخۆدەگرێت، کاتێک ڕێژەی یۆرانیۆمی ــ 235 زیاتر دەبێت لە 0.7%، ئەوکات گونجاو دەبێت بۆ بەکارهێنان لەبواری وزەی ئەتۆمی.

پرۆسەی بەرزکردنەوەی ڕێژەی پیتاندنی یۆرانیۆمی ــ 235 بەچەند قۆناغێک دەست پێ دەکات، کە لە هەر قۆناغێکدا ڕێژەیەکی زۆر لە یۆرانیۆمی ویستراو جۆری "یۆرانیۆمی ــ 235" لە هاوشێوەکانی دیکەی یۆرانیۆم لەڕێگەی "ئامێرەکانی سەنتەرفیوج"ەوە جیا دەکرێتەوە، کە لەدوای هەموو قۆناغەکان پیتاندنی یۆرانیۆم دەگاتە ڕێژەی ویستراو، ئەویش ڕێژەی 5.3% لە یۆرانیۆمی ــ 235 بۆ بەرهەمهێنانی وزەی کارەبا لە کوورە ئەتۆمییەکان، 20% بۆ توێژینەوە زانستییەکان و 90% بۆ بەرهەمهێنانی چەکی ناوکی.