لە 14\10\2023
500 نوسخەی کتێبەکەمان لەچاپ هاتەوە.
ئەوڕۆ 26\11\2023یە
بەماوەی (مانگەک و دوازدە ڕۆژ) نوسخەکانی کتێبەکە تەواوبوو الحمد الله، تەنها چەند نوسخەیەکی زۆر کەم ماوە...

تێبینی:
هەمان فلتەر بۆ پیاوان و ئافرەتانیش دروستە، دروست نیە قسانێکی ناپێویست بکەن و باسێک بکەنەوە کە خودا پێی ڕازی نیە، هەروەکو چۆن پێغەمبەر موساو دوو خوشکەکە ئەو ئادابەیان فێرکردین.
پێغەمبەر موسا کاتێک چووە لای دوو خوشکەکە بەکەمترین ڕستە پرسیارەکەی لێکردن بەبێ ئەوەی سەیریان بکات(قَالَ مَا خَطْبُكُمَا)، ئەوە کێشەتان چیە؟
پاشان دوای وەڵامەکە بەبێ هیچ گفتوگۆیەکی تر(فَسَقَىٰ لَهُمَا) یەکسەر ئاژەڵەکانی بۆ ئاودان بەبێ گفتوگۆی ناپێویست و بڵێ: باشە ئێوە ماڵتان لەکوێیە؟ ئەی کوا باوکتان دایکتان یان برا گەورەیەکتان؟ ئەی ناوتان چیە؟ هەر ئەو هۆکارەش بوو سەرنجی پیاوە پیرەکەی ڕاکێشا و بووە هۆکارێک تا کچێکی خۆی پێبدات(هەم ئەمین بوو هەم بەهێز).
دوو ئافرەتەکەش بەهەمان شێوە بەکەمترین وشە وەڵامی موسایان داوە:
(قَالَتَا لَا نَسْقِي حَتَّىٰ يُصْدِرَ الرِّعَاءُ  وَأَبُونَا شَيْخٌ كَبِيرٌ)
ئێمە ئاوی ئاژەڵەکانمان نادەین تاوەکو شوانەکان لێرە دووردەکەونەوە و ماڵاتەکانیان ببەنە لاوە.
ئەوە بەشی یەکەمی قسەکەیان بوو، هۆکاری تێکەڵنەبوونیان بە پیاوەکان، بەڵام بەشی دووەمیشیان بۆی زیادکرد کە هۆکاری هاتنەدەرەوەیانە تاوەکو پێغەمبەر موسا پرسیاریان لەبارەیەوە لێنەکات:
(وَأَبُونَا شَيْخٌ كَبِيرٌ)
وە باوکیشمان پیرە و بەتەمەنە و توانای ئەو کارانەی نیە.
ئەم وەڵامە هەموو پرسیارەکانی مێشکی موسای پێ وەڵامدراوە، ئیدی بووە هۆکارێک تا درێژە بە قسەی ناپێویست نەدرێت.
پاشان لەدیمەنی دووەمدا کاتێک ئافرەتەکە باوکە پیرەکەی ناردوویەتیەوە تا بانگی موسا بکات بۆ پاداشت دانەوەی ئاوا ڕستەکەی پێفەرموو:
(إِنَّ أَبِي يَدْعُوكَ لِيَجْزِيَكَ أَجْرَ مَا سَقَيْتَ لَنَا)
باوکم بانگتدەکات تا پاداشتی ئاو دانەکەت بداتەوە.
لێرەدا یەکسەر بەناوی باوکی دەستیپێکرد، تا واهەست نەکات خۆی هاتووە قسەی لەگەڵ بکاتەوە، یەکسەر باسەکەشی پێفەرموو کە دانەوەی ئەجرەکەیە.
پێغەمبەر موساش هیچ درێژەیەکی پێنەدا و یەکسەر چووە لای باوکی. هەتا دەگێردرێتەوە پێغەمبەر موسا لەپێشەوە ڕۆیشتووە و ئافرەتەکەش لەدواوە بە بەرد هێما و ئاراستەی ماڵی خۆیانی بۆکردووە!
کچەکە نەیفەرموو:
سڵاوت لێبێت ئەی گەنجەکە، بەڕاستی زۆرسوپاست دەکەین کە ئاژەڵەکانت بۆمان ئاودا، ئێمە هەمووجارێک ئاوا تووشی ناڕەحەتی دەبین و ئەو کارەمان زۆر لەسەر زەحمەتە، چونکە برامان نیە و باوکیشمان زۆر پیرە و ئێمە دەنێرێت بۆ ئەو کارانە، بۆیە کە دوێنێ چوومە ماڵەوە باوکم سەری سوڕما کە ئاوا زوو هاتووینەتەوە و منیش بەسەرهاتەکەم بۆ باوکم گێڕایەوە، ئەویش پێیگووتم کە بانگت بکەم تاوەکو پاداشتت بدەینەوە، هەرچەندە دوعای خێری زۆریشمان بۆ کردی چونکە لەم سەردەمەدا کەم کەس ئەو کارانە بەخۆڕایی دەکات بۆ کەسانی تر بەدەستپاکی و بەبێ فێڵ لێکردن.
بۆیە باوکم گووتی با بێت بەشکم پاداشتەکەی بدەینەوە و ماڵیشمان لەودیوی دارەکانە.
نەخێر، هیچ یەک لەو گفتوگۆیانە ڕووی نەدا!

ئێستاش بەراوردێکی ئەو دیمەنە قورئانیە بکە لەگەڵ گفتوگۆی نێوان کوڕان و کچانی ئێستا!
بەڵکو کەسێک لەسەردەمی ئێستا ئەو دیمەنە قورئانییە پەیڕەو بکات پێی دەڵێن گۆشەگیر و توندڕەو!
بەتایبەتی لە کۆلێژ و قوتابخانە شوێنی کارەکان کە تێکەڵییەکی تێدایە...

ئافرەتێکی تازە بووک چووە لای خاتوو عائیشەی دایکی بڕواداران (ڕەزای خودای لەسەربێت)، سەرپۆشێکی (قبطی) ڕەنگ زەردی پۆشیبوو، خاتوو عائیشەش پێی فەرموو:
(لم تؤمن بسورة النور امرأ تلبس هذا...).
ئەو ئافرەتەی ئەم جۆرە سەرپۆشە بپۆشێت، بڕوای بە سوڕەتی نور نیە!

تفسیر القرطبي 14\244

کۆمەڵێک ئافرەتی بەنی تەمیم دەچنە ماڵی خاتوو عائیشەی دایکی بڕواداران، کە پۆشاکێکی تەنکیان لەبەر بووە(ئەو پۆشاکە نەبووە کە لەقورئان و فەرموودەکان فەرمانی پێکراوە).
ئەویش فەرمووی:
إن کنتن مؤمنات، فليس هذا بلباس المؤمنات، وإن كنتن غير مؤمنات، متمتعن به.
ئەگەر ئێوە ئافرەتی بڕوادارن ئەوا ئەم پۆشاکە پۆشاکی ئافرەتی بڕوادار نیە، گەر بڕواداریش نین ئەوە لەبەری بکەن و پێی ڕابوێرن!

تفسیر القرطبي 14\244