*📗*ҚАСИЕТТІ ҚҰРАН КӘРІМНІҢ АРТЫҚШЫЛЫҒЫНА ҚАТЫСТЫ 40 ХАДИС.

✍️(ҒҰЛАМА МУЛЛА АЛИ ИБН СҰЛТАН МҰХАММЕД ӘЛ-ҚАРИ)

1️⃣0️⃣-ХАДИС:

Әбу Умама әл-Баһили (р.а.): «Алла елшісінің (Алланың оған салауаты мен сәлемі болсын): «Құранды оқыңдар. Өйткені Құран Қиямет күні өзін оқыған адамдарға шапағатшы болып келеді. Құранның екі гүлі «Бақара» мен «Әли Имран» сүрелерін оқыңдар. Ақиқатында, Қиямет күні ол екеуі құдды бір екі бұлт сияқты немесе қалқалаған екі көлеңке сияқты не қанатын жайған екі топ құс сияқты келіп, өздерін оқып, оған амал жасаған адамдарды қорғайды. «Бақара» сүресін оқыңдар. Расында, бұл сүрені оқу берекет әкеледі. Ал оны оқымай ескерусіз қалдыру берекені қашырады. «Бақара» сүресіне жалғанға жақтасқан адамдардың қауқары жетпейді», — деп айтқанын естідім», - деген. Мұғауия: «Маған жеткен дерек бойынша «жалғанға жақтасқан адамдар» сөзі «сиқыршылар» деген мағынада айтылған», — деген

(Муслим)

Хадистің мағынасы**: Қиямет күні Құран Алла Тағала қалаған бір
кейіпке еніп, өзін оқыған адамға көрінеді. Сөйтіп, Құран өзін күні-түні оқып, амал жасаған адамға шапағат етеді.

https://t.me/ustaz_erkinbek_shokai

📌Тәжуид сабақтары

🔶1-дәріс

*?*ҚАСИЕТТІ ҚҰРАН КӘРІМНІҢ АРТЫҚШЫЛЫҒЫНА ҚАТЫСТЫ 40 ХАДИС.

✍️(ҒҰЛАМА МУЛЛА АЛИ ИБН СҰЛТАН МҰХАММЕД ӘЛ-ҚАРИ)

6️⃣-ХАДИС:

Әнәс ибн Мәликтен (р.а): "Алла елшісі (Алланың оған салауаты мен сәлемі болсын): "Құран оқитын мүміннің мысалы хош иісті, дәмі тәтті цитрус сияқты. Құран оқымайтын мүміннің мысалы дәмі тәтті, бірақ иісі жоқ құрма сияқты. Құран оқитын пасықтың мысалы хош иісті, дәмі ащы райхан тәрізді. Құран оқымайтын пасықтың мысалы дәмі ащы, иісі жоқ колоквинт тәрізді. Мәжілістес ізгі пенденің мысалы үстінен хош иіс аңқып тұрған адам сияқты. Одан саған бір нәрсе жұқпаса да, оның хош иісі саған келіп тұрады. Ал мәжілістес жаман пенденің мысалы көріктің басында тұрған ұста сияқты, саған оның күйесі жұқпаса да, оның түтіні тиеді", - деген.

(Әбу Дәуд)

Хадистің мағынасы:** "Бұл хадисте келген мысал жоғарыда айтылған хадистің мысалымен бірдей. Алайда аталмыш хадисте ізгі адаммен бірге отырудың маңыздылығы баяндалған. Мәжілістес болған ізгі адам миск иесіне теңелген. Ол жүрген жерінде игілік әкеледі. Жоқ дегенде айналасына хош иіс сыйлайды. Осыған байланысты Құранда: "Ей, иман келтіргендер! Алладан қорқыңдар әрі шыншылдармен бірге болыңдар", - деп айтылған. Ал мәжілістес болған жаман адам көрікпен үрленіп қыздырылған темірге теңелген. Одан еш жақсылық көрмейсің, тек жамандық әкеледі. Ол қызған темір сиқты лебімен жүзіңді, киіміңді күйдіреді немесе будақтаған жағымсыз иісімен саған зиян келтіреді. Уа, Алла, бізді мүмінмен дос болатын, асымызды тақуа адам жейтін құлдарыңнан қылғайсың.

https://t.me/ustaz_erkinbek_shokai

Мәһір жайлы анықтама