?.

?.

مثل كل مره ، ما راح اعتمد على سعيي ولا حتى على شطارتي ب أي شي لأن ادري ما راح اوصل بيهن لأي مكان وصولي يكمل من تبارك بخطواتي الصغيرة لذلك أنا معتمد اعتماد كلي عليك يارب ..

بالاخير ماكو قطار راح يفوتك ولا حتى محطة توكف بيها حرفيا أمور حياتنا جاي تتيسر بطريقة عجيبة ما ممكن ندركها ، يعني شكد نرسم سيناريوهات ونتخيل احداث هي اصلا ما صايره ، جرب ولو لمره تتصرف كما لو أن ما بيدك شي حتى هاي الأمور الصغيرة البسيطة جدا لا تكول أنا اكدر الها بكل سهوله دائما خلي جملة "بعون الله" موجوده بكل امور حياتك ، بعون الله اكدر ، بعون الله اصير ، بعون الله توصل لأن فعلا انت لوحدك ما راح تكدر تسوي شي رغم بساطته راح يتعقد بطريقه غريبه بس لأن ما توكلت لأن ما خليت ذكره موجود بحياتك وبكل التفاصيل ، نلجأ لله بس بالشده ؟ ليش ما نلجأ اله بكل الامور بكلشي هو القوي واحنا الضعفاء ، وتذكرت نص كلش احبه يكول : كم تسلحت بـ إيماني بك وكم انقذني !!

لايك شير سبسكرايب???

كلشي يساعد على الاختناق الجو التراكمات الفاينل وحتى الناس .

أحد يعرف شلون اسوي skip للمرحلة الثالثه واروح على سنة التخرج مباشرة ?

مرات بيني وبين نفسي اكول أن كل المواد الي جاي ندرسها اليوم والي راح ندرسها بالسنين الجايه ولاشي مقارنة بالعقل والطاقة الي انطانا ياها الله عز وجل ، تخيل انت جاي تمتلك شي الله ميزك بي عن بقية المخلوقات من اشوف ناس محققين نجاحات مثل الي حصلو الماجستير والدكتوراه وختمها بأعلى شهادة موجوده بكل الدراسات الي هي "بروفيسور" بأختصاصه هنا سألت نفسي يا ترى هذا شلون وصل لهل علمية هاي ؟
والجواب كان جدا واضح استخدم اغلى ما يملك "عقله" وكدر يوصل ، هيج أمور خلتني أتيقن أن الإنسان يكدر يوصل لأماكن عمره وحياته ما تخيل يوصلها ويكدر يحقق كلشي دام العقل الي عنده هو نفسه عند غيره ، احنا بـ طبيعتنا من نشوف هيج اشخاص اول شي راح يجي ع بالك أن مستحيل اوصل مثله تتعامل مع الموضوع على أن هو أشبه ب المعجزه بينما الواقع يختلف تماما احس ان الانسان هو الي يرسم حدود لنفسه بينما هو ما اله اي حدود ?.

احس شكل الجلاد يساعد ع التسخيت وهو هذا الي اريده ? ..

لطفاً ما أحلل أخذ النصوص الي اكتبها ولا حتى الصور الي انشرها بدون علمي ، التوجيه من القناة مسموح وشكرا?.