​​#Rasmiy_munosabat#FEYK
Toshkent tibbiyot akademiyasi huzuridagi pedagog kadrlarni qayta tayyorlash va ularning malakasini oshirish tarmoq markazida o‘qishni tashkil qilish yuzasidan ijtimoiy tarmoqlar orqali tarqalgan asossiz murojaat yuzasidan quyidagilar ma’lum qilinadi:
Ushbu markaz Oliy ta’lim muassasalari rahbar va pedagog kadrlarining malakasini oshirish institutining tarmoq markazi hisoblanib, O‘zbekiston Respublikasi Vazirlar Mahkamasining 2019-yil 23-sentabrdagi “Oliy ta’lim muassasalari rahbar va pedagog kadrlarining malakasini oshirish tizimini yanada takomillashtirish bo‘yicha qo‘shimcha chora-tadbirlar to‘g‘risi”dagi 797-sonli qarori bilan tasdiqlangan Nizomga (keying o‘rinlarda - Nizom) ko’ra tibbiyot oliy ta’lim muassasalari pedagog kadrlarining malaka oshirishi faoliyatini amalga oshiradi. 
Professor-o‘qituvchilar Oliy ta’lim, fan va innovatsiyalar vazirligi tomonidan tasdiqlangan reja-grafik asosida yil mobaynida malaka oshirish uchun jalb qilinib, https://markazlar.bimm.uz/ sayti orqali ro’yhatga olinadi. Malaka oshirish jarayoni bir necha bosqichdan iborat bo‘lib, barcha bochqichlar shaffof tarzda tashkil qilingan (darslar va imtihonlar videokuzatuvlar orqali qayd etib boriladi) hamda online tarzda Oliy ta’lim muassasalari rahbar va pedagog kadrlarining malakasini oshirish instituti tomonidan nazorat qilinadi: 
1. Kirish-chiqish testlari online tizim orqali https://markazlar.bimm.uz/ tinglovchi sahifasida topshiriladi va Oliy ta’lim tizimi kadrlarini qayta tayyorlash va malakasini oshirish institutining platformasida qayd etiladi, bu tizim online bo‘lganligi sababli platformada shaxslar aralashuvi qayd etilmaydi. 
2. Oliy ta’lim muassasalari pedagog kadrlarining uzluksiz malaka oshirish shakllari bo‘yicha so‘nggi uch yildagi ma’lumotlari elektron portfolio tizimiga shaxsan pedagogning o‘zi tomonidan https://pf.bimm.uz/ saytiga kiritiladi va ko‘rsatkichlar elektron monitoring tizimi orqali qayd etib boriladi.
3. Masofadan o‘qitish usullari asosidagi kurslarda tinglovchilarning o‘zlashtirish ko‘rsatkichlari onlayn shaklda qayd etib boriladi va kurslarni to‘liq o‘zlashtirgan tinglovchilarga bevosita qayta tayyorlash va malaka oshirish muassasalarida o‘tkaziladigan onlayn test sinovlari hamda bitiruv (loyiha) ishi himoyasida onlayn ishtirok etishga ruxsat beriladi. 
4. Elektron portfolio ko‘rsatkichlari va onlayn test sinovlari natijalari asosida tinglovchilarga bitiruv (loyiha) ishini himoya qilishga ruxsat beriladi. Bitiruv ishi himoyasi videokuzatuv orqali qayd qilib boriladi hamda onlayn ravishda Oliy ta’lim muassasalari rahbar va pedagog kadrlarining malakasini oshirish instituti tomonidan nazorat qilinadi. Videokuzatuv yozuvlari bir oy davomida saqlanadi. Bunda qayd etib o’tish lozimki, Attestatsiya komissiyasi a’zolari tinglovchilarga dars berish jarayonida ishtirok etmaydi hamda imtihonlar online tarzda tashkil etilganligi sababli inson omili aralashuviga yo‘l qo‘yilmaydi. 
5. Shuningdek, Nizom talablariga ko‘ra qayta tayyorlash va malaka oshirish kurslarida o‘qish yakunlari bo‘yicha attestatsiyadan o‘tmagan oliy ta’lim muassasalarining pedagog kadrlari bir yil mobaynida pulli asosda o‘qishning tegishli yoki turdosh yo‘nalishi (mutaxassisligi) bo‘yicha keyingi qayta tayyorlash 
va malaka oshirish kursi yakunida attestatsiyadan o‘tishi shart.

Yuqoridagilarni inobatga olib, Toshkent tibbiyot akademiyasi huzuridagi pedagog kadrlarni qayta tayyorlash va ularning malakasini oshirish tarmoq markaziga nisbatan bildirilayotgan fikrlarni asossiz deb hisoblaymiz.

Toshkent tibbiyot akademiyasi huzuridagi pedagog kadrlarni qayta tayyorlash va ularning malakasini oshirish tarmoq markazi direktori U.A.Tashkenbayeva

Vazirlar Mahkamasining "Oliy ta’lim tashkilotlari rahbar va pedagog kadrlarini qayta tayyorlash va malakasini oshirish tizimini samarali tashkil qilish chora-tadbirlari to‘g‘risida" 11.07.2024-yildagi
415-son qarori qabul qilindi.

Boshqarmaning rasmiy sahifalari:?Telegram |?Instagram|?Facebook |?Twitter