Ёзишни унутаёзибман...
Ҳозир одатларни, инсон ҳаётида муваффақиятнинг энг муҳим омилларини ўрганяпман.

Янги одатлар шакллантиряпман. Дам оляпман, маънавий, жисмоний.

Лекин ёзишни яна қайта йўлга қўяман, Худо хоҳласа.
Қандай китоблар ўқиганимни @kitoblar_sinoati каналимдан топасиз)

Ҳар гал самолётда учганда, яхши инсонларнинг машиналарида манзилимга етганимда доим ўйлайман:

" Аллоҳим, биз минглаб йиллар инсоният орзу қилган замонда, қулайликлар ичида, неъматларга кўмилиб яшаяпмиз, Ўзингга шукур. Шу неъматларни қадрини билишн , уларни авайлашни ва Ўзингга шукур келтирувчи бандалардан бўлишни насиб қилгин".

Бир тафаккур қилинга, 100-150 йил олдин ҳам ватандошларимизда биз яшаётган ҳашамат йўқ эди. Манаман деган бойларнинг, хонларнинг шароитидан ҳам зўр яшаяпмиз.

Лекин ношукурлигимиз, норозилигимиз осмонга етади. Озгина уят ҳам керак лекин))

@solihas_thoughts

У такрорланмас бўлишни истарди. Бутун дунё уни севишини истарди. Одамзоднинг юрагида бўлгиси, ҳамма - ҳамма уни дейишини истарди.

Шунга монанд орзулар қурди. Орзулари осмон қадар эди. Лекин кучи қолмади. Ҳаммага яхши кўринишга, ўзини исботлашга кучи етмади.

Қурган хаёллари сароб эканини тан олишга кучи етмас, нафсининг кибрини тан ололмасди.

Бир куни меҳрибон ва раҳмли Зот унга кетма-кет, кетма-кет қалбини тозаловчи устозлар жўнатди. Жуда мўрт қурилган калласидаги орзулар қасрини бирма-бир бузадиган вазиятлар юборди.

У ҳаётнинг чиройли синовларини* кўрди. Тобланди. Ўзидан, ота-онасидан, қариндошларидан, дунёдан норози инсон аста-аста ерга туша бошлади.

Қалбида муҳаббат куртаклари пайдо бўлди, севди. Ҳаммани севди, дунёни севди. Ҳаётни севди. Беҳуда яшамаётганини, ҳаётга бахтни ҳис қилиш учун келганини англади.

Бугун у бахтли. Қалби шу қадар покланяптики, бир гард қўнса кўриниб қолади. У бугун бировларнинг ёки сароб орзуларнинг қули эмас. У эркин ўзини англаб бораётган, кучли шахс.

У бахтли.

#Унинг_ҳаёти_туркумидан

*Синовлар жуда чиройли аслида, чунки уларнинг ортида катта ҳикмат, чуқур маъно бор ва Улар энг Одил Зотдан бўлади. Шунинг ўзи чиройли бўлишга арзийди.

@solihas_thoughts

Нимадир иш қилмоқчисиз. Бошлолмадиз. Ташлаб кетдингиз. Тугатмадингиз.

Энг зўр синалган усул билан ҳал қилиш мумкин. Одатлар трекерини юритинг. Яъни қачон қайси ишни қанча миқдорда қиласиз - белгилаб олиб, ҳар куни бажаринг.

Филни бутунлай эмас, уни бўлакларга бўлиб, чучвара қилиб енг, дейишадику. Рост шу.

Ҳар кунги жараённи кузатиб бориш, қаерда бажардингиз ва қаерда йўқ, ҳаммаси кўриниб тургач, сиз бу ишни осон эплайсиз.

@solihas_thoughts

#Кино_рубрика

Анчадан бери яхши кинолар рубрикаси қилмагандик.

1. Суғур куни - ўша ҳар куни бир хил яшайдиган амаки ҳақида, энди тўлиқ кўрдим, аслида жуда ажойиб филм экан.

2. Дикая парочка - Ирландия табиати ва инсонларининг адирлардаги ҳаётини кўрсатган юмористик филм.

3. Вам письмо - интернет орқали танишган икки инсоннинг тақдири, жуда ёқимли, кўримли кино. 90чи йиллар эстетикаси, Нью-Йорк ва китоблар ҳақида.

@solihas_thoughts

Каналимда актив жуда паст. Балким ҳамма ўқир, о ҳа, шундай дер. Балким.

Лекин мен ҳеч қанақа реакция олмаяпман.
Ва бу ўзи ёзганларим қанчалик тушунарли, керакли ва қизиқарли эканини билишимга халақит қиляпти.

Ўзингни тинч қўй. Шундоқ ҳам бошинг ичидаги ота-онанг, бувиларинг, дўстларинг, устозларингни жаранглаб турган, сени етарли даражада яхши, ақлли, меҳнаткаш эмаслигингни айтиб тургани етади.

Сен энди ўша кичик болакай эмассан. Улғайган шахссан. Ўзинг ҳақингда бошқаларнинг гапи билан ўйлашни бас қил.

Ўзингга ўзинг кераксан??

@solihas_thoughts

Ko'zgu neyronlari

Insondagi eng go'zal ne'matlardan biri. Yosh bola ota-onasiga, kattalarga qanaqa taqlid qilishini yaxshi bilasiz. U shunday qilib hayotga o'rgana boshlaydi.

Biz kattalarda ham shu xususiyat juda yaxshi rivojlangan bo'ladi, lekin buni biz umuman sezmaymiz. "Qovun qovundan rang oladi", deyiladi o'zbek maqolida. Gap qovunlar haqidagina emas, gap bir-biriga ta'sirini o'tkazadigan insonlar haqida.

Amerika Mudofaa vazirligida o'tkaziladigan tadqiqotlarga ko'ra, birgina yaxshi jismoniy tayyorgarlik ko'rmagan askar, butun boshli rotaning faolligiga katta ta'sir ko'rsatar ekan. Undan boshqa qanchalik kuchli, ilmli askarlar bo'lmasin, bir kishining ta'siri baribir kattaligicha qolaveradi.

Yana boshqa misol, agar sizning oilangizdan yoki yaqinlaringizdan biri to'lisha boshlasa, yuqori ehtimol bilan sizda ham semizlikka moyillik ortib ketadi. Xuddi shunday atrofingizdan bir kishi muntazam sport bilan shug'ullanishni boshlasa, katta ehtimol bilan siz ham sportga qiziqishni boshlaysiz. Atrofingizda chekuvchi, ichuvchi, bemaqsad insonlar bo'lar ekan chuqur bilimli sizga ham baribir ularning ta'siri bo'ladi. Hech bo'lmaganda yashash tarzingizda, shaxsiy samaradorligingizda. Yoningizda hammaning hayotiga burun suqadigan, g'iybat qiladigan do'stlaringiz bormi, o'zingizdan ham g'iybatchilikni kutavering.

Endi yana bir muhim narsa, biz bugun faqat atrofimizdagilar bilan emas, balki san'atkorlar, bloggerlar va inflyuenserlar bilan ham yashaymiz. Ya'ni sizning sevimli san'atkoringiz, sportchingiz va yana boshqasini albatta kuzatasiz. Yoki juda ko'p videolar ko'rasiz. Shularda har kuni ko'rib borayotganlaringizning o'zi ham sizning shaxsingiz, yashash tarzingiz va fikrlashingizga yaxshigina ta'sir qiladi. Sababi biz ne'matlantirilgan "ko'zgu neyronlarida".

Qisqa qilib aytganda, mana nega bizda iymon sust, mana nega amal sust. Biz jamoaviy tarzda ham bir-birimizga yaxshi o'rnak bo'lmayapmiz. Saodat asrida esa Rasululloh alayhissalomning o'zlari eng katta namuna bo'lganlar va u kishi bilan yurgan, yashagan, zamondosh sahobalar Ul zotdan ko'zgu neyronlari iymon, e'tiqodni ham ko'chirgan. Biz aynan sahobalar, payg'ambarlar, solih insonlar haqida o'qish bilan ham o'zimizda bu buyuk zotlarning odatlarini, fikrlarini shakllantirishimiz mumkin.

Tanlov o'zimizda, men hech kimni kuzatmang demayman, ammo tanlab, saralab kuzatishni, o'z taqdiringiz va hayotingizga bee'tibor bo'lmaslikni maslahat beraman.

@solihas_thoughts

?

Alloh ilmlarimizni katta, aqllarimizni undanda katta qilsin!

“Har kishining bilimi bo’lsa-yu ammo unga loyiq aqli bo’lmasa, bu bilim unga zarar yetkargusidir”.

Nafaqat o’ziga, o’zgalarga ham zarari tegadi.

@avan_ilmlar