آنه البعد فرگاچ يتوچه لو گام
وما بينت مكسور مثل الضوه بجام

جروحي بروحي ما سولفتهن حته ويه روحي
…
سولفت يم البير گتله الجرح باب
ومن حزني حته الماي ضم روحه بتراب
شيبت لون الليل من كثر العتاب
ضلعچ بموتچ طاب بس گلبي ما طاب
…
انه القلعت الباب بس بابي حرگوه
طبگة سمه اعله الگاع عالزهره طبگوه
ساكت صبر مو خوف من بابي دفعوه
كون بحرب وياي تتلاگه الوجوه
…
عاندت وجه الريح وشراعي مكسور
امدلي العطش عالماي وبروحي تنور
بيت وصفه بفرگاچ بي وحشة گبور
اتمنه موتي وياچ بس عشته مجبور
…
آنه المتعب السيف ومتعب الخيل
انتچي اعله الحيطان ما ظل بعد حيل
أبچي واضم عالناس دمعاتي التسيل
دمعتي تطيح اعليچ شامه بوجه ليل
…
بچفوفي ارد شمسين يدروني گدها
بس الايام وياچ محد يردها
دافن فرحتي بالليل وابچي لفگدها
اتمنه ابدي سنين عمري بلحدها
…
خادم الحسين ( عليه السلام)
كرار حسين الكربلائي
( ابو كميل )

اخوان اخوات فضلاً وليس امراً رحم الله من قرأ الفاتحه على روح الحاج بدر ال بو حمد

عنعينيلوردتيتروحين
وينانطيوجهييمالحسين
تدرينالچاشتاگ
مابيهحيلفراگ
...
ذبلانه اشوفچ يالحنينه وخافت الصوت
كلشي ولَـ تگليلي حضر ليه تابوت
يالزهره والزهره علي من بعدچ يموت

هدت عله الخد دمعتي وتصيح الجروح
المن تظل بدنيتك لو فاطمه تروح
بعدچ تظل سلوة حياتي الآه والنوح

عوفي الرحيل وظلي وياي
لو رحتي ما ترحمني دنياي
اعليچ الحزن ما لاگ
مابيهحيلفراگ
...
كبالج اضم دمعي اليصب وبحرگه ناديت
ما بيج غير العافيه يا شمعة البيت
بعدچ شسوي بعمري لو بالدنيه ظليت

دنياي خوف وروحي محتاجه لأمانچ
يام الحنان ولا تحرمينه حنانچ
باچر اموتن لو شفت خالي مكانچ

گومي اعله طولچ يالحبيبه
بعدچ علي ايطول نحيبه
عايش بديره اشواگ
مابيهحيلفراگ
...
صدي عليه وعوفي بالله طاري الوداع
وشوفي دمعتي الخضرت شيبات بالگاع
عافيتج بروحي اشتريها لون تنباع

باچر تگومين بسلامه وننسه الدموع
يا فاطمه ايطيب المتن واتطيب الضلوع
للفرحه مو للوحشه باچر نعلگ شموع

توه العمر بادي وبعدنه
ردنه سوه انكبر ولدنه
بروحي جمر حراگ
مابيهحيلفراگ
...
اعليمن يبعد اهلي اشوفچ گوه تحچين
شو ناسيه كسر الضلع واعليه تبچين
والله علي كل حيله ينهد من تموتين

يالزهره مو چنه سوه والعيش محلاه
عالدفع بابچ والظلمنه حسبي الله
خلانه نتوادع وداع الموت والآه

يا فرحه ما مقسومه اليه
اخفي الحزن والبيه بيه
طعم الالم ينضاگ
ما بيه حيل افراگ
...
يا زهرة الدنيه بغيابچ يظلم الكون
وطبع اليودعله حبيب يعيش محزون
يكتم شعوره بس تفضحه دموع العيون

يا ما تقاسمنه الألم يا ما صبرنه
بليل وضحه وسفه انتهت عشرة عمرنه
امر الله هذا ولله سلمنه امرنه

شگد صعبه من تموت الاعزاز
وبأغله ناسك تمشي جناز
من عيني حلمي انباگ
ما بيه حيل افراگ
...
خادم الحسين ( عليه السلام)
كرار حسين الكربلائي
( ابو كميل)

ليش تبچين يشمعه وتضوي بيتي
صار يومين
اشوفچ ما غفيتي
من تصبين الدمع
ينلچم كسر الضلع
يُمه زينب
…
عفت گبري ودمعي يجري
وجيت الچ يبنيتي
ما اعوفچ جيت اشوفچ
حايره ضليتي

حان موتي من بعد ذيچ المصيبه
وگلبي ظل يمچ يزينب يالحبيبه
صرتي بعد امچ مثل امچ غريبه
بگبري واسمع صوتچ العالي نحيبه

اشلون ارتاح واشوفن بيتي ظلمه
وانتي تبچين عله فراگي ييمه
ونتچ من تنسمع
ينلچم كسر الضلع
يُمه زينب
…
يالحنينه اتفارگينه
وبعد ما نتلاگه
يبعد اسمي گعدي يمي
هواي الچ مشتاگه

حسبي الله عالزمن عنچ بعدني
وما ترد ايامنه ومحد يردني
يُمه انه بخير لتسألين عني
بالگبر يوميه ويه المحسن ابني

المحسن بخير ييمه والضلع طاب
بگبري صارت يزينب لمة احباب
من تعلگين الشمع
ينلچم كسر الضلع
يُمه زينب
…
چنت اذكرچ راح عمرچ
من سمعتي بموتي
بحرگه صحتي وين رحتي
وشابگه تابوتي

من كثر ما چنتي مهظومه وتنوحين
خفت يا يُمه اعله تابوتي تموتين
صحت يا زينب عليچ بداعة حسين
بالصبر شديلي حيلچ كافي تبچين

يا هظيمه المثل هاي الهظيمه
من الزغر ليش اعوفنچ يتيمه
بابي كلما يندفع
ينلچم كسر الضلع
يُمه زينب
…
تندعيلي وتشتكيلي
لوجهچ اشتاگينه
الدنيه غربه الفرگه صعبه
الفاگد الله يعينه

الفگد غالي يموت وكت المغربيه
يذكر ايام المحنه بكل مسيه
وحگ كل شيبه بوجه حامي الحميه
فراگكم عندي اشد من المنيه

فارگتكم ييمه وگلبي يمكم
بگبر ميته وعليكم تبچي امكم
عدله ميته بكل وضع
ينلچم كسر الضلع
يُمه زينب
…
بدمعة النوح احچي الجروح
يا بعد عافيتي
راح امشي وانسه كلشي وبالحسين
وصيتي

حسين يُمه بكربله تشوفينه حاير
عمت عيني يصيح الا هل من مناصر
ينذبح عطشان وتسحگه الحوافر
ويبدي حچي دموعنه من يوم العاشر

ياخذونج سبيه وهِزَّل النوگ
بالدواوين ييمه وساعه بالسوگ
لون گلبچ ينشلع
ينلچم كسر الضلع
يُمه زينب
…
خادم الحسين ( عليه السلام )
كرار حسين الكربلائي
( ابو كميل )

سمعي يزينب يا ضوه العين يُمه
يمچ امانه ثوب الحسين يُمه
يبنيتي ودعيني
وعينج عله حسيني
يالحبيبه
...
بس ليله وحده ورايحه
اقري عليه الفاتحه
يا شمعة آمالي
كُفي المناحه والبچي
ويّاچ الي هوايه حچي
وسوالف ابالي

هذا القميص وقصته ردتچ تسمعيها
لو رحتي يُمه لكربله هناك تذكريها
خليتله دموعي عطر بالطف تشميها

من عيني هاچ اخذي الدمع هاچ للطف
وهذا قميص يروح وياچ للطف

شوفي واذكريني
وعينچ عله حسيني
يالحبيبه
...
بالطف اذا حط الضعن
اتحسين اكو غربة وطن
ما تغمض عيونچ
وبليلة عاشر ألم
تشوفين اخوتچ بالخيم
كلهم يودعونچ

عندچ اخو چنه علي راعي العلم إسمه
بالله اعله عباس الوفي سلميلي يا يُمه
گليله انه برگبتك من فاطمه ذمه

كله محنّه وغيره واحساس أبني
يا يُمه مثل حسين عباس إبني

راعي العلم عيني
وعينج عله حسيني
يالحبيبه
...
هالليله الموادع حله
يُمه اللقاء بكربله
وبكربله الفرگه

التوديع اذا وكته حضر
شمي الحُسين من النحر
بالدمعه والحرگه

وهنا بده وكت الحچي يا زينب احچيله
گليله امك ذكرتك يحسين هالليله
وشبگت قميصك يالولد وبهظمه تبچيله

بالطف الچ متخلي دنياي غالي
يالغاليه وحسينچ هواي غالي

يا شمعة سنيني
عينچ عله حسيني
يالحبيبه
...
يودعچ بعاشور الظهر
ساعه ويرد ليچ المهر
خالي من ابو سكينه

تروحيله مكسورة گلب
وتشوفچ اعيون الغرب
مذبوح تلگينه

هذا القميص بكربله من دمه يتخضب
من كل كتر طعنة رمح والنوب يتسلب
وساعة تشوفينه بحوافر خيل يا زينب

وليدي الحبيب بالله محروس ضلعه
تركض عشر خياله وتدوس ضلعه

حالچ يبچيني
عينچ عله حسيني
يالحبيبه
...
باچر حسينچ ينذبح
وراسه تشوفينه برمح
وجسمه برمل غافي

اسمع ندائج بالسمه
لحگيلي يُمه فاطمه
متورمه اچتافي

لحسين اجي والگه الابن بس جثه مرميه
شگعد شضمد يا جرح بالف وتسمعيه
يَمه اظل ابچي واون لو رحتي مسبيه

الاصعب علَيَ من ذبح الحسين زينب
مسبيه ويه الشمر تمشين زينب

مهظومه تلگيني
عينچ عله حسيني
يالحبيبه
...
خادم الحسين ( عليه السلام )
كرار حسين الكربلائي
( ابو كميل )

اقري عليه الفاتحه بحزاني راحله
يمه يزينب رايحه وتجمعنه كربله
وبآخر اللقاء
حي على العزاء
...
ابنيتي يا زينب تعاي ويمي اگعدي
لو رحت تستارثين مصابي بعدي
انسي ضلعي ومتني والسطره اعله خدي
اعليج من هسه المصايب راح تبدي
باب النوايب والحزن من بعدي تنفتح
طبرة علي جبد الحسن وحسين ينذبح
خل يعتلي النداء
حي على العزاء
...
يمه يا زينب اوصيج بوصيه
عينج اعله حسين يوم الغاضريه
من تقدميله المهر سلمي عليه
منحره وصدره تشميهن اليه
اتشوفين اخوته مذبحه واخفاهم القدر
زينب امانه بذمتج سلميلي عالگمر
يم صاحب اللواء
حي على العزاء
...
حسين للخيمه يردلج خالي مهره
وركضتج للتل يزينب تحني ظهره
اتشاهدين الشمر گاعد فوگ صدره
يمه اخوج من الگفه ايگطعون نحره
الف وتسعمية جرح وبچبدته سهم
مذبوح اخوج وشابحه عينه عله الخيم
من يحترگ خباء
حي على العزاء
...
ايعينج الله بكربله شتشاهد العين
اگبال عينج خيل تسحگ صدر الحسين
چني اسمع صيحتج لمن تصيحين
يُمه احضري خل ندور خنصره وين
تشوفينه عاري بالشمس والمنحر انچوه
حته قميصه ينسلب وي محبسه سوه
لو سلبو الرداء
حي على العزاء
...
بليلة الحادي عشر يا زينب اشلون
بين وادم غربه ما تغمضلج اعيون
ناخذج باجر سبي كلهم يصيحون
وچني اشوف الصوط شمسوي بالمتون
واليحرس اخيمكم شمر من بعد ابو الفضل
ومحضر النوگ الهزل ومحضر الحبل
وبسبية النساء
حي على العزاء
...
بالسبي يا يمه صعبه اتشوفج الناس
الهاشميه صعبه تمشي بلايه حراس
طبة الديوان يمه اتشيب الراس
من يضربونج يدخن راس عباس
راح اموت وماخذه آهاتي للگبر
زدتي اعله امج بالحزن والدمعه والصبر
ويلي يكربلاء
حي على العزاء
...
خادم الحسين ( عليه السلام)
كرار حسين الكربلائي
( ابو كميل)

ماعندهاخوهبغربهخلوه
وبطيحتهصاحو(أَريحوه)
يافاطمهعطشانذبحوه
…
ييُمه،انهزينب،بگيتانحب
انگطعچفابوفاضلوانهدمحيلي

والحسين،گضوولده،بقهلوحده،
انذبحعطشانيالزهرهالحگيلي

عمتعينيبحجرصابوجبهتهوظليكتدمه
عمتعينيرماهچفحرملهوطرالچبدسهمه
عمتعينيوگعفوگالرملمحدحضريمه

اربعفرقراحولهمنطاح
سهاموحجروسيوفورماح
ومنينمايلتفتيرموه
…
اويليالاخوطايحوعِلهالصايح
اريحوهوگلتشيشوفياراحه

رحتلهشفتموقفوبقيتارجف
تربعفوگصدرحسينذباحه

لزمالشيبهالشمرفرحانواتربععلىصدره
لزمشيبهوگلبوجهالحسينوظليحزنحره
لزمشيبهييُمهوشيبته من الدمه حمره

بيده يأشر عالخيم چان
الكلمه الاخيره گال عطشان
عطشان گلهم ما يرووه
…
غريبه وعله حسيني عمت عيني
شفت واحد ركضله وباگ العمامه
حبيبچ حرت بامره انسحگ صدره
عشر اخيول ظلت تطحن عظامه

صحت يا خيل هذا حسين اخيي لا تسحگنه
صحت يا خيل
طلعت روحه كافي لا ترضنه
صحت يا خيل
اسحگني الي وابن امي عوفنه

سلبوله درعه وحته الثياب
وخنصر يمينه ضاع بتراب
اصبع اخوي اگبالي گطعوه
…
اجه الليل وانه بهيمه بلا خيمه
وصفه بس العليل وياي من اهلي

يضحكون وانه ابچي وحرت شحچي
وصحت يا ابالحسن من گبرك الحگلي

علي بويه اجانه الليل واحنه بس نساوينك
علي بويه يبو حسين وذبيح گبالي احسينك
علي بويه اريد فزعتك يا والدي وينك

حاچتني سواده بدمعة العين
زينب بويه جيتج لا تخافين
گالتله اخيي ليش سلبوه

…
افكر بگلب حاير بفجر باچر
شفتهم جابو سياط وحبل والنوگ
غريبه يچتفوني يضربوني
يريدوني سبيه واوگف بنص سوگ

صدگ زينب يچتفوها بحبل لمن يموت حسين
صدگ زينب تطب ديوان والكافل بلا چفين
صدگ زينب يزيد يسبها ويگلها اخوتج وين

آخر ألم من ضيم الايام
موتة رقيه بغربة الشام
گلب الحنين اشگد يعذبوه
…
خادم الحسين ( عليه السلام)
كرار حسين الكربلائي
( ابو كميل )

ميمر
...
جاسم فزع ومن السيف ياخذ الموت مراده
...
يهل الحرب طب للحرب جاسمها
ارباع وانصاص الزلم جسمها
سبعين الف طول بعرض رادَمها
مو عجبه لو صال وجال عباس چان استاده
...
العباس مستانس بجاسم من فات
ويگله هاشم بيك شالت هامات
عفيه ابن اخوي وعلي الخلف مامات
سيفك ايعزب بالروس والكرم عدكم عاده
...
اتناوشهم من اربع جهات بسيفه
والزلم ياخذها ويردها بكيفه
وايدور البيهم كلف ويخيفه
حاجبه من انشد ياناس رجفت گلوب القاده
...
قائد القاده وامره لازم ينطاع
الطف والزلم شردهم لسابع گاع
ختلو سوه الچانو يگولون اسباع

بالساعه واگف عالجيش هل من مبارز ناده
...
حر كربله يچوي الشمس يچوي الكون
مدري شعجب چانو گباله يرجفون
ارتبكت وذيج وجوههم صفره اللون

جبريل يوم الطف صاح منهو المزعل الساده
...
بچفه جهنم واعتنه يحرگها
يشيل الزلم فوگ الزلم ويدگها
واتلتطعش عمره منو يصدگها

خبرة ابن مية عام خبرته ومثل اجداده
...
خبرة علي بروحه الحرايب عيده
والگال انه ازلمه يرفع ايده
طش الخرز طش الزلم بالبيده
صايغ ومن روس الجيش للگاع سوه گلاده
...
هوسات
بس القدر حان وگرب ميعاده
من كربله للجنه ربك راده
وهناك زفوه بالبواچي اجداده

عريس ومتحني بدمه
من الله يساعد گلب امه
...
رمله بحزنها تصيح ذبحو عيدي
وشموع عرسه هذن يبچن بيدي
شمسويه للدنيه وخذتلي اوليدي

يفراگ اوليدي مبچيني
ما نام بليلي مخليني
...
العدها ولد تحلم بيوم الزفه
اتحضرله حنه وتحط حنه بچفه
وبعرس جاسم امه ماتت لهفه

عريس ارماح يزفنه
لا شاف شموع ولا حنه
....
خادم الحسين (عليه السلام)
كرار حسين الكربلائي
( ابو كميل )