Bir amaldor kulib ustimdan,
-"Eh shuncha yil o’qiysan nega?
Undan ko’ra to’rt-besh yil o’qib"-
Dedi-"o’tir menday kursiga".

Javob berdim shunda jilmayib,
Tilim zahar, jahlim burnimda.
Bo’lmasaydim eh endi mayib,
Qolarmanmi yana o’rnimda.

"-To’rt yil o’qib, amaldor bo’lib,
Xalq qonini so’rgandan ko’ra.
Yetti yilda shifokor bo’lib,
Shifo bermoq yaxshida jo’ra.

Kimsan Muslim           

Qadrli shifokor do'stlarim, bayramingiz muborak bo'lsin!

https://t.me/kimsanmuslim

Qo'lingni ber menga ey bemor,
Og'ir kunda birga turaman.
Men shunchaki oddiy shifokor,
Senga shifo istab yuraman.

Ikkimizning dushmanimiz bir,
Do'st bo'lamiz sog'lig'ing uchun.
Kasallikka keyin birma-bir,
Ko'rsatamiz do'stlikning kuchin.

Umid uzma neki bo'lsa ham,
Kasallikka bo'lmaymiz mag'lub.
Ishonib tut qo'limni mahkam,
Va bo'lamiz albatta g'olib.

Kimsan Muslim

Qadrli shifokor hamkasb do'stlarim, bayramingiz muborak bo'lsin!

https://t.me/kimsanmuslim

*Kuz...
kelishing ketishdan darak,
Boshing ham yakunning daragi balki.
Yaprog'i shamolda ketgan bedarak,
Mung'aygan daraxtning yuragi balki.

Kuz...
Umrning yakun timsoli,
Har ishning oxiri senga qiyosdir.
Boshing jazirama olov misoli,
Oxiring qahraton sovuq ayozdir.

Kuz...
Sukunat ichra parishon,
Alamlar yutguvchi, doim, muttasil.
Kuz...
olovli yaproqlar ostida pinhon,
Bir dunyo umidni berkitgan fasl.

Kimsan Muslim*

https://t.me/kimsanmuslim

Bu kunlarga yetolmay mahzun,
O'tib ketti necha-nechasi.
Alloh bizga sovg'a qilgan tun,
Kirib keldi Qadr kechasi.

Bugun tunni bedor o'tkazish,
Musulmonning asl rejasi.
Tuni bo'yi duolar o'qish,
Fursatidir Qadr kechasi.

Samolardan taralar bugun,
Firdavs bog'in ifori, sasi.
Jannatlarga qiladi maftun,
Yana bir bor Qadr kechasi.

Bugun dildan duo qilganning,
Yoritilur yurgan ko'chasi.
Islom dinin haq deb bilganning,
Bayramidur Qadr kechasi.

O'chirilur peshonalardan,
Gunohlarning necha-nechasi.
Ayamaydi bechoralardan,
Savobini Qadr kechasi.

Uyingizga ziyoday to'lsin,
Yaratganning buyuk tuhfasi.
Birodarlar muborak bo'lsin,
Ulug' ayyom Qadr kechasi.

Olamlarga olampanohning,
Shafqatidir Qadr kechasi.
Bizni suygan qodir Allohning,
Rahmatidir Qadr kechasi.

           Kimsan Muslim.        

https://t.me/kimsanmuslim