التعليم شي مهم، ودعمك لتخريب هالمنظومة بأي شكل، سواء بالغش او محاولة تخفيف معايير التعليم بحيث ننجح واحنا مجرد اسماء شهادات فارغة، او الغياب وعدم الالتزام بدون سبب منطقي، او اي شكل اخر من اشكال الاستخفاف، هو شي تدفع ثمنه بعدين انت وكل احبتك، اكو طفل راح يتالم من وراك، مهما كان مكانك بالدنيا، كل دول البشرية الي تمشي عدل وتمشي صح مو لانهم عدهم ترياق سحري، بس لانهم اشتغلوا عدل، كل شخص سوا الشي الي عليه بشكل صحيح، وما استخف بمكانه بالدنيا، والباقي مجرد تراكم اشياء صحيحة بنى الدنيا

اذا نلوم احد على الوضع الي احنا بيه، وما نريده يتكرر بالدنيا، خلي نلوم نفسنا وعدم التزامنا بالدنيا، ومرة الجاية من ننحط كدام طريق الجذب واللعب على قوانين الدنيا، نحاول نقلل لواتة بشكل عام ونتصرف ك ناس مسؤولين بالمجتمع، ناس تصرفاتهم بدون اي نقاش اثرها عالدنيا عظيم، عيون كاملة تباوعلنا من المستقبل وتباوع شراح نسوي، تباوع راح نخلي مايهم نظيف؟ لو راح نقتلهم باسهال؟ راح نوفرلهم بناية زينة؟ لو ما نعرف نخلط اسمنت؟ راح نوفرلهم ممرض محترم لو راح يموت لان الممرض ما يعرف يعقم؟ راح يعيشون طبيعي بامان؟ لو راح يكول الجيل الي قبلهم تصرف مثل اكبر شلة لوتية بالتاريخ ودمر الدنيا كلهم فوك روسهم حتى ما يتعب روحه ويادي ولو جزء من واجبه؟

اذا امهاتكم عندها شهادات، ف هذا لان بيبياتهم تعلموا بمحو الامية، ولان امهات بيبياتكم ما عرفوا يقرون ويكتبون يمكن بس مع هذا امنوا انه التعليم شي مهم والانسان لازم يعيش ويتعلم، كل جيل امن انه الدنيا لازم نتعب علمودها، لازم كل يوم نعيش بامانة تجاه النسويه بدنيانا لان حبل الجذب قصير وينقطع بيك، مهما كان مكانك سخيف وما تارس عينك بالدنيا

البشر قبلك تعبوا حتى ما تعاني معاناتهم، اذا ما جاي تكدر تلكه معنى بالتسويه، على الاقل خلي معناك انك تتعلم بحيث ما تكون اقل من الي قبلك، انك تتعلم بحيث ما تسود الدنيا اكثر مما هي سودة، حافظ على الضوا الموجود حتى الوراك يشوف بيه

ونفسها بالسياسة ونفسها بالتاريخ ونفسها بالجغرافية والاختصاصات الثقافية، مجتمع كامل قام وانت نتيجة لكل الناس التصرفت بشكل امين، وكوننا ندور فد طريقة نلتف بيها على المنظومات هاي، حتى نحصل فلس رخيص منا او حتى مجرد نحصل طريقنا بشكل سهل ما يتضمن انه نتعلم صح، بس تمشية حال، هذا مو بس اهانة للناس الي راح تجي ورانا الي راح نكون مسؤولين عنها، بل أيضا استهانة بكل شخص هسه ميت او حي خلص عمره يعيش بامانة علمود انت تطلع للدنيا بمكان اقل الما من الدنيا الي عاش بيها

كلهم طلعوا براءة

٧ متهمين جانوا

و التقرير انشر قبل كم شهر و المذبحة جانت ب ٢٠٠٥

هسة نروح ناكل ونطلع نوفي الديانة وهي تصفى

والله كريم

فنتأمل خير لأن الأمل كل الي عدنا

عرفتوا شلون