Eng yaxshi suhbat tunda bo'ladi. Chunki kuni bo'yi dunyo bilan band bo'lib charchagan qalb tundagi osudalikdan ruhiy ozuqa oladi.
Ko'p emas 5 daqiqadir, 10 daqiqadir qalbingdagi hislarni gapirib berolmasang-da, ularni bilguvchi va malham beruvchi Zot borligini sezib xotirjam bo‘lishingga kifoya qiladigan suhbat qur.

Xohla jim tur... qalban so‘zla...
Xohla pichirlab gapir...
Xohlasang, bir so'zni qayta-qayta takrorla...

Faqat Alloh bilan bo'ladigan suhbatda yig'laganingdan so'ng qalbing gullari iforlanib ketadi...

"Hech nimaga ulgurmayapman"

Har kuni rejalar qilaman: kitob o‘qish, uy tozalash, sotib olgan kurslarimni konspekt qilish, loyiha va o'zimning kurslarimga audiolar yozish, yaqinlarimdan hol-ahvol so‘rab qo'ng'iroq qilish... va hokazo.

Ammo endi nimadir vazifani boshlashim bilan qizim injiqlik qila boshlaydi, ko‘tar deydi, men bilan gaplash deydi. Shunda asabiylashmayman: mayli, uy tartibsiz bo‘lsin, ishlar chala qolsin, kitoblar ham o‘qilmasin, lekin farzandimning menga ehtiyoji qondirilishi lozim.

Alloh farzandni omonat qilib bergan. Uylar tozalansa yana to‘ziydi, ish izlasak, chiqaveradi, kitoblar hamisha biz bilan, ammo jajjigina dilbandimizning chaqaloqlik davrlari, sizga talpinishlari, bo‘sh qolgan o‘rinlarini to‘ldirish uchun sizni izlaydigan vaqtlari hech qachon qaytib ketmaydi!

Mayli, hech nimaga ulgurmang, ammo siz eng buyuk vazifa ustidasiz, unutmang! Bir farzandni tarbiya qilyapsiz, bu kelajakda ummatning bir bo'lagi bo'ladi.

Allohim, bizlarni O'zing rozi bo'ladigan farzandlar bilan siylagin. Ularning tarbiyasi, sog‘lig‘i, ulg‘ayishini faqat O‘zingga ishonib topshiramiz. Illo, biz ham ojiz bandalaringmiz.
Allohim, bizlarni go‘zal xulq bilan siylaginki, farzandlarimiz bu xulqlar bilan xulqlansinlar. Ortimizdan duo-xayr qilguvchi, Qiyomatda Rosululloh Sollolohu alayhi vasallam "ummatim" deb faxrlanadigan zurriyodlar bergin, Amiyn.

*Insonlarni ilk tanigan, ishongan va mehr qo‘ygandagi vaqtimiz juda go'zal hislarda yashaymiz...

Vaqtlar o‘tib bu hislarimiz o‘zgaradi yoki o'zgartirishadi...

Taniganimizdan to hozirgacha qalbimizdagi o'rni o‘zgarmagan, o‘zgarishiga imkon bermagan insonlarimiz bor bo‘lishsin...

Shunday samimiylikni sog‘inganman...*

Sen davo istaysan, qayerdan bilasan, seni dard tuzatar...

#mushohada

Insonlar Jahannam azobidan xabardor boʻlganlarida aslo va aslo bir-birlarini norozi qilmas edilar va bir-birlaridan norozi ham boʻlmas edilar...

Hayotingda shunday voqeliklar bo'ladiki, bular Allohning Seni O'ziga majburlab chaqirib olishi uchun bo'ladi, va sen bundan hayratda qolasan...

Ha, biroz alamli, biroz achchiq, biroz jabrdek tuyuladi, ammo hayotingdagi har bir sodir bo'layotgani Robbingning Senga ikromi, qachondir "Sendan faqat Seni so'rayman" degan duolaringning ijobati bo'ladi...

Bu naqadar go'zal qurbat...
Bu naqadar go'zal chaqiriq...

Sendan boshqalar, hatto men o'zimni unutib qo'yganimda ham meni unutmagan Robbim... Rahmating, Hikmating meni million bor xijolat qiladi..

Xayrli oqshomlar ? qalbga yaqinlarim

1. Va alaykum assalom va rohmatullohi va barokatuh. Alloh sakinat bersin

2. Va alaykum assalom va rohmatullohi va barokatuh. Bu holatga tushish taqdirda bormi, uni oldini olishga qancha urinsak ham, baribir bu holat bo'ladi. "Qaror ustida qaror bor"
   Ojiz bandaning qarori ustida Allohning Qarori bordir. U O'z Ishida g'olibdir.

3. Amiyn... Atrofdagi hamma shu hislarni tuyib yashayotgandek, nazarimda...