https://youtu.be/1UGyXFZu420?si=5Z3NgCK2_qrnrlFs

**اتلوج ام حسن == ضلت ايام امن الوجع
وابـ گل نـفس == تحس ابـ كلـبها انشلع
اتغطي الوجه == من يمهه لو حيدر طلع

تعدل ضهرهاا == من يم علي اتعدل ضهرهاا
اولوو عـبـرهاا == تحـني الظـهر اولـو عبـرهاا
يوجع كسرهاا == ابجرت النفس يوجع كسرهاا

ما مـرتـاحـه بـس اتـريـده يـرتاح
علي وايـموت لو شـايـف ضلعهاا
يـضك بيـهه الالـم ما تكدر اتكول
اخ وهـاي تـكتـل لــو ســمـعهاا

ما تگدر تگله === علي يوجعني ضهري

يجرعهاا الالـم == الـزهـره كـل مـا تلـتفت
ونگدات الظلع == طـول الـنهـار اولا هدت
بـثـمنـطـعـش == ما ضن مره هل حودبت

امحودب مشيهه == منهم بقه امحودب مشيهه
ما مــر عــليـهه == يــوم وشـفَــت ما مر عليهه
ولــيل الــيجـيهه == ايهيـج الوجع ليل اليجيهه

تــندار اعــله يا صــفـحـه يـوادم
وعليـهه اللـيل كله اتلوج الاصفاح
عـلي واشـبيـج گلـهه اتكـله زيـنه
ما يدري كــسرهاا يـريد الاصـيـاح

ما تگدر تگله === علي يوجعني ضهري

اتگوم ابـ علي == وابيا علي گوه مشت
لهناك الالم == هاج ابـ گلبهه وانتچت
شهكت نفس == من عده حيل اتعذبت

ما تگدر اتگـوم == اتـشيل الحسن ما تكدر اتگوم
ما يعـبر الـيـوم == الــه ابسـگم مـا يعبـر اليـوم
وما راحت ادوم == الزهره الـ علي ما راحت ادوم

ما يبقه اعله طوله ايطيح متعوب
علي اعــله الزهـره ما يگدر يفارگ
هاذا اشلاع گلـب الـزهـره يا نـاس
اثـر بـاقـي الـ علـيـهه چـان طابگ

ما تگدر تگله === علي يوجعني ضهري

ابكسر الهظم == ما فكهه يلچمهه الجرح
واعـله الـظلع == لـو مــر هـوه الله تنذبح
عاشــت الــم == امــن الصبح حد الصبح

اتمــوت راحت == بــس لا صدك اتموت راحت
چم مــره مالت == امـن الكسـر چم مره مالت
واهــواي عانـت == مــا تشــتكي واهواي عانت

ابكلبهه الظيم كله ولا حچت يوم
وما خلت عـلي اعـله الظلع يدري
يجيهه اتكـوم چـن ولا ظلع طااگ
ومن ايـروح گــالت ااااخ ضــهري

ما تگدر تگله === علي يوجعني ضهري

ضــاگ الهوه == والصـوت ظل يطلع همس
اظعفّ البصر == والحيل من عدهه انحبس
ابآخــر نفس == صاحت علي ووراح النفس

مــاتـت يــوادم == هسـه صـدك ماتت يوادم
مــا بيـهه سالم == كلـشي مشه ما بيهه سالم
طيحوو العمايم == اتيتم علي طيحوو العمايم

من كالوله الـحــك فاطــمه اتموت
ركـض وابـلا عمـامه ومـعـمي دربه
ما يحجي وطلع بس فاطمه ايصيح
راح ايــموت فــوگ ام بيــته كــلبه

ما تگدر تگله === علي يوجعني ضهري

سجاد ابراهيم الكعبي**

مشيت ابهمي وادموعي ابدرب كل ذكره بي هزله
ولاگـاني بـطريـقي اگـماط طـايح مـن گـلب ثكله
شـميـته وربـاب ابـصـوت صـاحت يمـه عـبدالله
وعـرفته الـرايح امن حـسين بزر ما فز عالصمالله

وصوت ام الطفل مبحوح
بنعاوي وتقره يا مذبوح
البصدري يحن اعليك
بس يمه وعلي ما لوح

انـشلع گـلبي ينـاس اهـواي
وحـسـيت ابـسبي الـحـداي
هــاا گـد المـشـي ايـتـعـب
الــفرق واهــنا ثـواب الماي

==============================

سبيل الله الدرب متروس ثواب اعيوني شافتهن
وبـنـات حـسين عـالـهزل مـحد مـاي شـربـهن
ابتـمثـيـل الـظـعـن مـرتـاح الـحادي ما يتعبهن
بس اعله الصدك ياناس الحادي هناكه فحطهن

يشوفن موت لو عطشن
وايام اعله الظمه جرعن
يشربون الهزل بالماي
وخوات حسين ما شربن

غريبه ابصف غريبه اتصيح
رقـيه امن العـطش لتطيح
مـو بـس الـشمـاتـه اتـعيل
اعليـهن عـال حـتـه الـريح
==============================

رماد اهل الخدم شفته واخذني الركضت النسوان
حترك كلبي اعله حيل ام عون خيمهه من بقت دخان
تركــض والـــزلم تركــض وراهه وابگـٌلب لهفان
اشتــصير وزينب ابهل حال مره اجبيره وبلا خوان

عد اهل العرب زحمه
تطر اعله الزلم حرمه
بس زينب ركضت وصارت
طرت بالـ لالف زلمه

شبعت من حجي الوادم
ركضت ذيجه بت هاشم
طاحت من خجلهه ام عون
مثل صينيت القاسم

==============================

غصه ابكلبي من عثرت كدامي شفت حرمه
سترتهه الخلك يا ناس وخدرهه كامت اتلمه
اهنانه وانكسر گلبي اعله زينب محد اتهمه
كلهه اتكلهه هااا طحتي زلمه وابضهر زلمه

يخلگ الله التغثني وحيل
عين الزلمه حافر خيل
كل هاذه اعله زينب صار
چا مو حكهه من اتميل

مره ومتعوبه من البر
الحبل بجفوفهه وينحر
الله اولحد اشهل ضيم
الـ اعليهه ابشر ما مر

==============================

وصلـت الكـربله وگـوه النفس ابروحي ضل ينجر
المسافه ابعيده من التل شفتهه الذبحت المنحر
شلون وركضـت اعله حـسين زينـب والـزلم تفـتر
ام الخـمسه والخـمـسين يوادم صـعبه مـن تعثر

عثرت مدري چم مره
غير وتوصل النحره
گلبهه امن التعب لحسين
يوكف راد والزهره

الوجع ويعتهه عالصعبه
الاشد من التعب غربه
وصلت جسمه بس شافت
غمض عينه وسكت گلبه

==============================
سجاد ابراهيم الكعبي

**رحتله اركض درب ما شوف بي ناس
بس اولـيدي اشـوفه اكبـالي طـايح
امـدوهـن انـه هـايه عـود الـحسين
نسيـت احـسين مـن كـثر الـنـوايـح
‏ابـوو وحگي امن اصـيحن ااخ گلبـي
يـوادم هــاذا ابـنـي الــمـنـي رايـح

چـا ضـل المن === حـرگـت ابـنـي
خلت احسـين ايـروح وايـرد ضـايـع

ابيـن الـغـربه === مـحنـي اوحـايـر
يم جسمه بالـعبـاس روحـي اتـنـازع

اموتن من احط ايدي اعله گلبه
من المـاي هـچي ضل يـعـذبـه
======================

اضـل المـن علي وراح امـن الـحسين
اريـد ابـنـي انـشـلــع گـلـبـي يـوادم
مـا يـتـنـفـس ومــحــتــار ضــلـيـت
يـمـه وساعه گــاعـد سـاعـه گــايــم
اكـض ايـده واگله ولـيـدي بـس گـوم
واصــيـحـن گـام الاكـبر يلـ هــواشـم

يـمـــعــذبـنـي === فـدوه انهـظـلي
كـل الـشـماته اتـگـول مـا گـام ابـنـك

شـيله اولـيـدك === بـس اتـشــوفـه
شويه ويـطيـح احـسين حـيله ابمتنك

اشـبع مـن علـي گـالولـي اشبع
لا تــقـنـع بـعـد ويــاك يـرجـع
======================

الـوج امـن الـتـعـب يـا غـيـر الاكـبـر
يـشـوف ابـ حال ابـوه اشـلـونـه يـمه
ثـواب الـعشـره كلـهن بيـه بـس كون
اعلـه طوله ايگوملي وابصـدره اشـمه
كـثـر مـا واگـف اعـله وليـدي يا نـاس
حـرت يا ضـهري هـسه امـنـين الزمه

وابــچــم مـره === گـتـلـه اولـيـدي
تتـعـوض اجـروحي اشـيعـوضـك انته

يـچـبـيـر امـك === يـا هـــيــبـتــنـه
يـا گـلب ابــوك وحـتـى هـم سـالـفته

هاي ايدي ودحطهه ابـيدك ابني
ترضـه احـچـيـهه كلـش تعبتني

======================

گـعـدت ابـصفه گـتله اوليدي وشلون
شبّـخ اعلـيك حـتـى اتـفـزلي واتـگـوم
وحـگـك يـا عـلـي تـعـبان الـحـسـيـن
ضـال الـمـاي بـس اعـلـيـنه مــحـروم
لا والـغــثــنـي بــس الـمـرني والـگـال
مــا يـرجـع بــعـد مـو كــافــي اتـحوم

شيـرجــعه ابـنك === ارجــــع دونــه
واحچـيهه مـات ابنـي وبـعـد لتحشمه

سـمـع اخـيامـك === گــلـهـم مـيـت
واتمـوت هـســه اگـبــالـك اويــاه امه

ما متعوب عمري وهسه متعوب
ليش وهل عذاب اعلينه مطلوب
======================

بـعـد واشـلون تنـضـم حتـى اضـمهه
مـات اوليـدي الحـگوو اولـيـدي احبه
عفـه وبـحسـين گلـب الـ هـسه ينبض
وابـنـه اگـبـالـه سـاكـت هـاذه گـلـبـه
شـبـعت امـن اللـطـم چـا غـيـر ابـنـي
الـمـاي ابـ ذمــتـه چــم ريـج اطـلـبـه

خـلـه حــسيــن === تــجــزع روحـه
مـوش اعله واحـد كلهـه نعـطـش منه

عـطـشلي ابـنـي === واللـبـ خـيـامـي
وخـاف زيـنـب هـسـه هـم تـلـحـگـنه

روحي اتموت ما تبـقـالي واتـموت
اذا زينب طلـع من عـدهه لو صوت
======================
سجاد ابراهيم الكعبي**

يـمه وصـلت وحـالي مو ذاك الحـال
غـير ويـكـون اگـدر اشـيله ويـنـشال
بچـوني مـن احـچـايه هـاي التـكسر
يا ابوو ضـهر الـميـت ابـ وجـهي انگال

طاح ابو فاظل == طاح ابوفاظل

امدوهن وماهيه الاعمامه اعله الراس
يا حيل هاذه العندي ضال امن الناس
لحد يگول حـسـين مـن هـسه ابـ خير
موش اعله خيـر ابـدون وجـه العباس

طاح ابو فاظل == طاح ابوفاظل

يـهـل الـبخـت لـحـگولي عبـاس الراح
شلته اعله خطوه ابيـا عـلي اورد وطـاح
تــعـبني كـلـش وانـه مـحـتـار ابـهـاي
ابـچي اعـله خـوه وحـيل يضحك ذباح

طاح ابو فاظل == طاح ابوفاظل

شـيردنـي من دونـه وحـيد اعـله اخته
مـامـش دعـاء اله اعـله راسـه وگـلـته
يـا كــون مـيـت هــسـه فـوگ الـخـوه
مـو هـيـنـه لا گـادر اعـوفـه وشــلـتـه

طاح ابو فاظل == طاح ابوفاظل

صـاحـوني رد يحـسين محني ومجروح
شـويه وبـعد واتـصيـر انتـه الـمذبـوح
اخـيـامـك انطـبـهه وركـض تطـلـعـلك
ابـلا اخــو و اخـتـك علـى الـتـل اتــروح

طاح ابو فاظل == طاح ابوفاظل

غــثـونـي مــن گـالـولـي رايـح الــمـن
راحـن خـواتـك هـسـه هـم ايـطـلـعـن
وارمـاد فـوگ الـنـار بـيـهـن يـحـســين
وبـيـن الـزلم والـخـيل هـاي ايـركـضن

طاح ابو فاظل == طاح ابوفاظل

سجاد ابراهيم الكعبي

بــزغ مـن الــخــيـمـه == ماشاء الله
نـوره شــق الـهــيـمـه == ما شاء الله
يا جـمـاله الاكـبر امغـطـي كـل الدنيه
وبصدره شـايل شـيـمه == ما شاء الله

سبع ==وابوجه ابوفاظل
سبع ==غيره وعزم شايل
سبع== وامشچل العايل == علي الاكبر علي

دخـيله ويادخيل اسـمـه عـلي الاكبر
عطش وابـگـلبه تـسري ايـة الكـوثر
محطت عـين ابو فاظل خيم والماي
ومحطت عينه هوه القاده والعسكر
==========================

ابـ راسـه غـيــمـة غـيـره == ما شاء الله
وبـ عـيـونه خـير الـديـره == ما شاء الله
بذراعه حرز الساده عن لا تحسده الوادم
ابــن ابـــوه طـر خــيـره == ما شاء الله

شهم == وايلوح حته الطاير
شهم == اكـبر والاكـبر صاير
شهم == وايـ حـير الـما حاير == علي الاكبر علي

الشهامه اتلوگ عالساده وعلى گلبه
روس الـقـاده مـعبـاره صـبـح دربه
اباب الخيمه رافـع چـفه ابـو الاكبـر
يحـيـي ابـنه سـبيـل الـجاهد الـ ربه

==========================

امــفــحــط الــخـيــالـه == ما شاء الله
بـتـكـبـيـر ابــوه نــادالـه == ما شاء الله
العفيه من نحجيهه معروفه بس للفراس
وعــابــرهه ذنـي افـعـاله == ما شاء الله

گلب== عاليهه بسفل چفه
گلب == الجيش كله ابضفه
گلب == يبرق خطف لبصفه == علي الاكبر علي

دوامـه وصـبـح يـاخـذ شـكـوو قـائد
الجـيش وفر لغاد ايـعيـش بـس رايد
درع وابـصدره بـس امـن الكفه ماكو
وابـن امـه الـيـچهـبه روحـه مـا رايـد

==========================

اول بـــشـــر يـــتـــرتــل == ما شاء الله
بجـبيـنه قـل هـو البسمل == ما شاء الله
امكيفه كل الساده امن صياره حد الهسه
يــشــبه نـبــيــنه الانــزل == ما شاء الله

كلف == ما ينـگـحم بالعركه
كلف == يتـباهـه ابو چا حكه
كلف == هوه الهوه وايشهكه==علي الاكبر علي

حچه العباس لحسين ابـ علي اشلونه
ويگـله فـدوه اروح الـرمـشـت اعيونه
ضامـي وفـتـت الـعركه لـعد واشلون
الـنهـر والجـربه لـو گـطـره يشـربونه

==========================

امـخـوف اكـبـر زلمـه == ما شاء الله
واعلـيه لاگـت جـلـمه == ما شاء الله
امرجف العياله واعيونه بيهن لحسين
ولحسـين الله ايـسلمه == ما شاء الله

شرس == ابوحـده هـد الغاره
شرس == وجهه بضهر ما داره
شرس == ايگـلوله من اصياره == علي الاكبر علي

المراجل يمه كلهه تنتهي وتخلص
يكـثر هـوه والجـيش البقه ينقص
قمر ليلى تشـوفه الـوادم وشردت
اعـله گـد ما ضـل يـقـاتـل اتربص

==========================
سجاد ابراهيم الكعبي

**لمولاتي رقيه ع

راسي حطيته اعله بلكت الكه راسك لو اصبعك
شبعتني افراگ حـرگه وبالبـواچي راح اشـبعك
طبعك انته ملگه خيرك هسه وينه اعليه طبعك
وجعتني ابـ هاذه نومـك بويه لو متـگوم اوجعك

مـنـهـه وراح اكـلـك لـو مـتـرجـع
يـمـك روحـي بـالـعـبـاس تـطـلع
شحـصـل غـير مـن الـوادم اهناااا
يـبت الـمـيت اعله الـگـاع اسـمع == يبويه
==========================

كلبي خليته اعله الله وبلـكت الله ايفـزلي كلـبك
كون من ادموعي ترجع حته ذني اعيوني اشربك
الهينه من طبتني عثـره وانته شـوو ذبـاح طـبك
ارد اشبكك بس اخافن من اشبكك حـيل اتعـبك

احضـنك بـس دكلي شلون ومنين
بدايـت جـسـمك هـل حـرت وين
اليشيل الدنيه صدرك ذاك الاجبير
مـا مـنه شبـگ خلـولـي يحـسـين == يبويه
==========================

عالتلـچمك ايدي احطـهه واقره بلكي ما تلچمك
من تكول اخ ع روحي ابروحي كون حسين اضمك
اسمـك الچان اشـحلاته ما اريـده الـميت اسـمك
تعـبتنـي ارجعلي بويه شگد غريب امخلي جسمك

رقيه اتموت چا واشعدهه متموت
اذا لـحسـين مـنه ولا طـلع صـوت
الـبـكلبـي يبـويه اعلـيـك كـلـهـن
وحكـك ما بقن هالـساعه الابتوت == يبويه
==========================

ضـعت عـنك شرد اكـولن غير اكولن شنهوو تالي
مـو حـلال الخـيـل انـتـه تـدري انتـه مـن حـلالي
لحگـو اعله الكلشـي منـي ورادوو ابـقه ابلا دلالي
مـا اريـد احـد يـريـدك انـه اريـدك تـبـقـه مـالي

مـو مـالـت بعـد تنـضـم واضمهه
وعـلـي حتـه الـحوافـر هم اردهه
احط كلبي اعله كلبك واليجي ايريد
روحـك كـون مـنـك روحـي عـتـهه==يبويه
==========================

اجفوفي ما لطمن عمرهن بس عليك اهوايه لطمن
انه والشيب اعله شنـهوو وگمت احس البيه شيبن
اعله كـون الـمـثلك انـته اولا يـضـلن ذنـي يـعـمن
مـنـك انه راح امـوتـن كلـبي روحـي الـمـوت يـردن

يـ أول مـن بـنـاتــ الـخـيـر ابـهـاي
راح اتـمــوت مــن الـماي عـالماي
چـا شـلـي بـعـد بالـدنيـه من كون
ابـــو الاكـبر وگـــع مـا گـام ويــاي== يبويه
==========================
سجاد ابراهيم الكعبي**

#ساداتي_البقيع_عليهم_السلام **ان شالله وي المـهدي نطـلع للـبقيع
ونـروح كلـنـه ورايـة الـحـگ تعـتـلي

انـأذن الـفـجر اعـله گـبـر ام البـنين
اشـــهـــدُ أّن ولــــيَ الله عــــلـــي

عرگ هاشـم ادعوو يضهر والگـبب أيردهه
والاحلوگ الحچت نهدم كلهه راح انسدهه
الحـجــاز اتـصيـر ضـلـمه والحـسن اينّور
واعله باب الباقر انطب والاعلوگ انشدهه

عجل عجل عجل يا صاحب الثار

هيه وحده امن الاثنين الـ عدنه هاي
الـگـبـب نـبنـيـهه لـو نبـنـي الگـبب

انـ چان عالـعـركه تـره زلـم الـزمـان/المهدي/
موش سيف السـان عدهه ايحز رگب

بنّـي عائـشـت الـرذيله عدنه الهه احچايه
شيلوو شرك الـحقـد عنهـم امر الكم هايه
بحيل آخر ضهر سيد من نطب اعله الحجاز
انقـيـم مـجلس شـور يـم الصادق ومشايه

عجل عجل عجل يا صاحب الثار

يا لثـارات الـبـقـيـع وهـل شـعـار
حگنه ما نسكت علـيه طول الزمن

الـه وانشـوف الـمـناره اعليهه نور
موش فوگ الگبه فوگ امن الحسن

فـوگ كـل خـشـم اليـشـرّع مـا تصير الگبه
ركضت اطـويـرج نـركـض فـوك راسه وگلبه
الكال هاي الكاع مالي انطبله كلنه امحزمين
بعوچيت السجاد طـولـه وعـلي راح انصلبه

عجل عجل عجل يا صاحب الثار

هـيه هـاي وغـيـرهه ولابـد تـصـيـر
بينه حـرگـه وحـيـل مـن الــزلـزلــه

الـه نـبنيـهه وضـريح ابصـف ضريح
وايضوي صـحـن ام البـنيـن الكربله

اتـصـير ألـخدمه ونسـوي الـواقعـه بالعاشر
والـبقـيع ايـغـص مـواكـب زايـر ابـصف زاير
الرضيتو ما رضـيتـوو احـنه اهـلهه بكـلـشـي
امن ابو فاظل عدنه حيل انلـوح حتـه الـطاير

عجل عجل عجل يا صاحب الثار

الدوله راح اتصير باجـر للـ عظيم
ان شالله دولة المـهدي المنـتقم

اللـزم گـاع الله حـولهه الـ فـجور
ندخـل ابعـيـنه يحـتمــاً ينــهـزم

موش مطلب هاذه حكنه الگاع كلهه ومالنه
الجـحـيم امـچـان الكـم والـبقـيع امـچانه
المهدي عدنه وعلي وانتو عدكم اولاد الحرام
من عـمر للـ ابـنـه ياهو مـا يعــرف اخـوانه

==========================
سجاد ابراهيم الكعبي**

الحگوله الحگوله
علي امضمد بالاعمامه الحگوله
اليگود الدنيه چفه اليوم = زلم گامو يتچوله
خطوه اعله المشي وخطوه
حيله ايطيح وچماله هم هوه
اعله حيله الراح افزعوله == الحگوله
شماته البسلف كلهه اعله مولانه
كلهه اتباوع ال حيله الو لا عانه
اعله كد ما نزف راسه ابسلامه اتكوم
السلف واهل السلف محد يگلوله == الحگوله
يشده وتكسر الخاطر == اليجي يحچي للعابر
شفت لو ما شفت هسه يسندونه علي صاير
علي صاير == علي صاير ضهر جربه
حودب من كلام الناس كل ساعه وكف گلبه
كثر ما نازف اعله الكاع غواش الدم ترس دربه
يخدام الجرح راسه يكون اليوم
ضهر ما يبقه اكسروله == الحگوله
الحگوله الحگوله
علي وبلـ يا علي گوه يوادم يمشي بجدامه
من تالي الوكت ماكو اعله راسه حيدر اعمامه
محني امن الوجع واتشوفه شمّاته
وكلهه اتكول = علي هاذه = علي هاذه
رداد الشمس شو رد نزيفه اهوايه عـ الهامه
وسم السيف حيل امتعب اعيونه
وصل بيه التعب يا حيف من يمشي يعينونه
القلع خيبر امن الكاع
من الــگــاع هلـگـامـو يــگومـونه
يعني اتوقع الـ هل حال
ما يگدر علي ينهظ على طوله == الحگوله
يشده وما تفض بشلون
بس هالليله واتسمعون
باجر من فجر الله يتيمه ام عون
اعله فاتحته = اعله فاتحته
باجر تفطر الدمعه اعله فاتحته
باجر والحسن اصفاحه كاسرته
وقبل الطف الحسين يحس الدنيه ناحرته
باجر والدموع اتغطي عالـ اشهد
باجر صفنت ام عون اعله مولانه
شكبرهه الله اولحد
اعله اهل البيت باجر يطيح البيت
الراح ايــروح زلــمه اجـبير ابچوله===
==========================
سجاد ابراهيم الكعبي

**يمنحور اعله كاع الله ابعطش خيل
اجيتك موش زينـب راكـضه هـواي
غيـر الـماي اشـرب ردت يـحـسين
ما ريـده وارجـعـك رايــده ابـمــاي
اعلـه راي وگلي اصـفه ابر بـالـخيام
ركضـت وضـيـعــته الـراي بـالـراي

يخو كلبي واخوو الروح =چـذب عـينـي مـذبوح
دكلي ابخيـر يحـسيـن ==واقنع تشفه الاجـروح

الوج اعـليك مچـتول == وعلـيك اتلوج الاخيول
ارجعي امن التعب هاذ == علـيه حسـين لتكول

يعزوت كلبي نهظه ولاكو منك
كلب واشلون عدي اندار عنك
=========================

يل مـشيـب وجـع مـن حـرك الاخيام
نـدهـتك عـازه وانتـه الضـال متعوب
دلـيـنـي اعـلـه حـل وگـلي يـحـسـين
مـوش ابـنـاس كلـبي افـراك مچهوب
طـحـت وطـاح هـمـك بـعـد فـوگـاي
بقـميـص انته واخيـتك حـال مـنهوب

اضل يمك تجي الگوم == ولا بيك انته عالكوم
ولا تنـطـيـني عيـني == اشـوفك حيل ملچوم

وحك اعدال جرحك == اشوغ العطش نحرك
قبل لا راح واتصير == مثل يحسين ذبحك

تتكلب تعب والهمك ابهاي
شلون ويوصل اعله اخيامك الماي
=========================

الخدري احتار مدري اعلـيك يحـسين
اعــزاز اثـنـيـن عــدي خـدري وانـتـه
شلـت ضـيم الخـيم والـعثـره والـتـل
بـس افـراك كـلـبــك مـانـي شـلــتـه
اليـتـعـب غـير كـون حـسيـن يـرتـاح
لـيــش وانـه كـبـر الــطـف ركـضـتـه

چبيره ومحد الكال == يضيمي اليكسر اجبال
وحيده وتالي شيبي == تناطر چفي الاحبال

جنت مهيوبه بزلام == اعله راسي مثل الاخيام
ضعت هسه يالحسين == الدلال اوياي مادام

الگظت روحي اكلك بيهه اسمع
من تغمض عليه اعيون تطلع
=========================

وحك چلـمة الطلـعت اخـت الحسـين
افــورن حــرگــه مــن انــدار عـالـتـل
شنـهـي واركـض ابـخمـسين مـن خيل
مـلـيـت وجـدمــهـه الـخـيـل مـا مـل
من كلـبـك جـبت عمـري اعـله عبـاس
وهـسه امـچـان مـن الـركـض مـا ضل

سـاعه اعلـيـك انـدار == وسـاعه الـخيم والنار
وكفت ابطولي يحسين == الكلب والراس محتار

الـ بلكت تخلص ابساع == خلصت عثره عالكاع
شفتهه النـاس اهـواي == عـلـيـه ولاكــو فـزاع

وترضه حسين ما ترضه اعله الاصياح
كلب من الركض ماعدي هالطاح
=========================

بـعد هـاذه التـعب صـدكـتّ الاعيون
ابچيني الغربتي وابچـيـك مذبوح
يشده وهـاي خلـصـت تالي بالـ موت
اسنـين ابـضهر واحـد خـوتـي اتـروح
يــحـيـل وعـدي كــون ولا اخــلـيك
اعله هاذه الحال وانته اتلوب مجروح

من هاي وبده افراك == راح الوجهك اشتاك
برمح انته واخيتك == تطـوف ابيـن الاسواك

هوه الليل وانشوف == يخلص والسبي ايطوف
عليه وعـينك بـهاي == تنـظر حـالـي مچـتوف

لا گـلـك بـعـد واتـگـلـي بـشـلون
اباب الشام كـون اتمـوت ام عـون
=========================
سجاد ابراهيم الكعبي**