الله معاك و لا حصل شيٍ غريب
و قلبي على فرقا محبّينه ضري

انا من الخذلان قبل اعرف حبيب
مخصصٍ له (شبر طعنه) بـ ظهري !

https://vt.tiktok.com/ZS6FM1E9v/

https://vt.tiktok.com/ZS6FM1E9v/

[الخفّاق الأخضر يماري ]??

الكرى طار .. والشاعر خياله عميله
مثل من صار الاجرب له عميلٍ مباري

شاعرٍ لو تقول الممكنه مستحيله
حطّ لك فـ اربع الجدران روض و خباري!

كلّ صبحٍ يهيضني بنسمه عليله
كيف صبحٍ به الخفّاق الاخضر يماري

جادك الغيث يا دار الكرم و الفضيله
كثر جودك على من جاك جايع و عاري

وحّدك من تجي له كلّ صعبه ذليلة
يكتب بْـ سيفه .. و تاريخ الابطال قاري

اعتلى مصيّحه لين اعتلى بالطويله
والطويله تبي رجلٍ يجيها انتحاري

للرضى نخله و للشرّ حدّ الصقيلة
لين خلّا الصقور تخاف تذّي الحباري

نتغنّم لو يدين السلامة بخيلة
يُولد النور الأبلج من بطون الغداري

كيف مانكتب التاريخ ب أسرع وسيلة
و ساري الليل ما يتعبه همّ المساري

لا تبدّا الاصيل يهون عسف الأصيلة
روسنا للسطر خلقت ماهي للطواري

تصبح أطوع من الطيب لكسب الجميلة
طالةٍ كانت أصعب من تناسيّ ثاري

ماطوى الحال طاوي يهلكه يا جميلة
دام للمجد شيخ و دام للقوس باري

انا ليش افهق شماغي واجر الطويله
وسيدي راسه الطيب يشمّ الذواري

صاحب الرؤية اللي ما ندوّر بديله
وارث العزّ يوم العزّ فالدمّ جاري

كنّه معزّي و لا هي غريبه سليله
فيه منّه و منّه فيه جلّ المواري

والله انّا تحت ظلّه غدينا قبيلة
مالنا دون مقصدنا ملفٍ جباري

خايف اقصر صلاتي بالمسارِ الطويله
دام كل السعودية محلي و داري
-محمد ابن هرشان

https://x.com/mas_f16/status/1837896911350550979?s=4

اللَّهُمَّ صَلِّ وَسَلِّمْ وَبَارِكْ على نَبِيِّنَا مُحمَّدﷺ

ابتعدتي ولا حصّلت عقبك نديم غير الابيات يوم اقف على بابها آخر اللي بقى لي منك : (عطٍر قديم) اثر عمر الهدايا أطول من اصحابها !

https://vt.tiktok.com/ZS29Q5RM1/

https://x.com/mas_f16/status/1835009651504517296?s=46

‏لا زلت اكذّب جور دورات السنين
‏ياللي ضميري عن غرامك ما سهى

‏طيّب واذا فتّحت عيني ترجعين؟
‏جعل الجفا كابوس ليله و انتهى !
——محمد ابن هرشان