#thawheedhafahu_namaadhey

ނަމާދުގައި ހެދޭ ކުށްތައް މި ސިލްސިލާގައި މިހާތަނަށް ކުރެވިފައިވާ ޕޯސްޓުތައް ވަކިވަކިން ބަލާލުމަށް ބޭނުންވާ ބޭފުޅުން ތިރީގައި އެވާ ލިންކަށް ފިއްތަވާލެއްވުމުން ފެނިވަޑައިގަންނަވާނެ.

Post01. Post02. Post03 Post04. Post05. Post06 Post07. Post08. Post09 Post10. Post11. Post12

Join:-https://t.me/Namaadh

#thawheedhafahu_namaadhey

*? ނަމާދު އެޅުމުގެ ނުރައްކާ !*

އެއްފަހަރު ﷲ ގެ ރަސޫލާ (ﷺ) މާތްވެގެންވާ ސަޙާބީންގެ ކައިރިއަށް ވަޑައިގެން ޙަދީޘްފުޅުކުރެއްވިއެވެ:" ﷲ ތަޢާލާ ވަޙީ ކުރައްވަނީ ކީކޭކަން ތިޔަބައިމީހުންނަށް އެނގޭ ހެއްޔެވެ؟ އެހިނދު ސަޙާބީން އެކަން އެންމެ މޮޅަށް އެނގިވަޑައިގަންނަވާނީ ﷲ އަށާއި އެކަލާނގެ ރަސޫލާއަށޭ ދެންނެވުމުން ޙަދީޘްފުޅުކުރެއްވިއެވެ: "އެކަލާނގެ ވަޙީކުރައްވަނީ ތިމަން ﷲ ގެ ޢިއްޒަތާއި މަތިވެރިކަން ގަންދެއްވައި ވަޙީކުރައްވަމެވެ، ނަމާދު އެއަށް ކަނޑައެޅިފައިވާ ވަގުތުގައި ކުރާ ކޮންމެ މީހަކު ސުވަރުގެ ވައްދަވާ ހުށީމެވެ، އޭގެ ވަގުތު ނޫން އެހެން ވަގުތުތަކުގައި ކުރާނަމަ އެމީހަކަށް ތިމަން ﷲ އެދިވޮޑިގެންފިނަމަ ރަޙްމް ކުރައްވާ ހުށީމެވެ، ނޫންނަމަ ޢަޒާބް ދެއްވާހުށީމެވެ".

މިޙަދީޘުން ދޭހަވާގޮތުގައި ނަމާދުގެ ވަގުތަށް ފަރުވާތެރި ނުވެ ޢުޒުރެއްނެތި ނަމާދުކުރުން ލަސްކޮށްގެން ނުވާނެއެވެ. ލަސްކޮށްފިކަމުގައިވާނަމަ އެމީހާ އެވަނީ ވަރަށް ނުރައްކާތެރި ފައްތަރެއްގައެވެ.
_

{މި ޙަދީޘް ބައެއް ޢިލްމުވެރިން ޙަސަން ކުރެއެވެ، އެހެނަސް ޝައިޚް އަލްބާނީ ޟަޢީފްކުރައްވައެވެ.}

ލިޔުން ނެގުނީ: ފަޟީލަތުއްޝައިޚް އަބޫ ޢަބްދުއްރަޙްމާން ( ޤުރުއާނާއި ސުންނަތުގެ މީޒާނުގައި ނަމާދު )

~ ދަތުރުވެރިޔާ ~

Join:-https://t.me/Namaadh

ޞަޙީޙު މުސްލިމްގައި (رواه مسلم: 440) އަބޫ ހުރައިރާ رضي الله عنه ގެ އަރިހުން ޘާބިތުވެގެންވާ
ރިވާޔަތްވެއެވެ. ވިދާޅުވިއެވެ: ރަސޫލާ ﷺ ޙަދީޘްކުރެއްވިއެވެ:
މާނައީ: "ފިރިހެނުންގެ ސަފުތަކުން އެންމެ ހެޔޮވެގެންވަނީ އެންމެ ކުރީ ސަފެވެ. އަދި އެންމެ ނުބައިވެގެންވަނީ ފަހަތު ސަފެވެ. އަދި އަންހެނުންގެ ސަފުތަކުން އެންމެ ހެޔޮވެގެންވަނީ އެންމެ ފަހަތު ސަފެވެ. އަދި އެންމެ ނުބައިވެގެންވަނީ ކުރީ ސަފެވެ."

މިއީ ނަމާދުކުރުމުގެ ޙާލަތުގައި އަދި އަޅުކަމުގެ މަޤާމުގައިއެވެ. ދެންފަހެ އެނޫން ތަނެއްގައި ކަންތައްވާނީ ކޮންފަދައަކުންހެއްޔެވެ!؟ އަދި ނަމާދުކުރާއިރުގައި ފިރިހެނުން ތިބެނީ އަންހެނުންނަށް ފުރަގަސްދީގެންނެވެ. އެއާއިއެކުވެސް ވަނުމާއި ނިކުތުމުގައި (ދެމިގެންނުވާ) ވަޤުތީ ބައްދަލުވުމެއް ހިނގާތީވެ މިޞިފަ ޙައްޤުވީއެވެ. އެހެންކަމަށްވާނަމަ ދެން އެއްތަންވެ ޖަމަޢަވެ، މަޖްލިސްކޮށް ބައްދަލުކޮށް ހެދުންވާނަމަ ކަންތައްވާނީ ކިހިނަކުންހެއްޔެވެ!؟ އަދި ކިއެއްތަ، އެފަދައިން ކަންތައްވަނީ އަޅުކަމުގެ މަޤާމެއްގައި ނޫންނަމަ އަދި ކޮންފަދަހެއްޔެވެ!؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــ
މަޞްދަރު: ހިލޭ އަންހެނުންނާއި ފިރިހެނުން ގައިގޯޅިވެ މަސްހުނިވުން

@LaILahaILLallah

#thawheedhafahu_namaadhey

? *މިތުރުންނޭވެ. އަޖަލު ހަމަވާނެކަން ވަނީ ޔަގީންވެ ބަޔާވެގެންނެވެ. ނަމާދަށް ރައްކާތެރިވާށެވެ. ހެޔޮ އަމަލު ކުޅަ ސާލިހު މިތުރުން ވަކިވެދާތަން ފެންނައިރު ހިތަށް އިހްސާސް ނުވޭތޯއެވެ.
ﷲ ތިބާއަށް ފުރުސަތެއް ދެއްވައިފިއެވެ.
ތައުބާވެ ފާފަތައް ފުއްސެވުން އެދި ދުޢާ ކުރާށެވެ. މިއަދު ތިބާގެ ހިތް އަހާގެ މަރުގެ ހަބަރުން ނުތަވަސްވި ހިނދު މާދަމާ ތިބާގެ ދާނަކީ ކަފުނަށްވެދާނެއެވެ.
މަރަށް ތައްޔާރުވާށެވެ. ތައްޔާރުވާށެވެ. ނަމާދުތަކަށް ރައްކާތެރިވާށެވެ.

Ix Xaara*

Join:-https://t.me/Namaadh

#thawheedhafahu_namaadhey

? ފަތިސްނަމާދަށް ހޭލުމަށްޓަކައި ކުރެވިދާނެ 7 ކަމެއް

? އިޚްލާސްތެރިކަމާއެކީ މަތިވެރި ޘަވާބު އެދި ފަތިސްނަމާދު އެ ނަމާދުގެ ވަޤުތުގައި ކުރުމުގެ ޢަޒުމު ކަނޑައެޅުން

?ނިދުމުގެ ކުރިން ވުޟޫކުރުން

?ނިދުމުގެ ކުރިން ކިޔަން ވާރިދުވެފައިވާ ޒިކުރުތައް ކިޔުން

? ފަތިސް ނަމާދަށް ހޭލުމުގެ ތަޥްފީޤުދެއްވުން އެދި ދުޢާކުރުން

? ފާފަތަކުން ދުރުވުން

? ނިދާ ގަޑި އަވަސްކުރުން

⏰ ހޭނުލެވޭނެހެން ހީވެއްޖެނަމަ، ނަމާދަށް ހޭލެއްވުމަށް އެހެންމީހެއްގެ ކައިރިން އެދުން ނުވަތަ ގަޑި އެލާމްކުރުން

Join:- https://t.me/Namaadh

#thawheedhafahu_namaadhey

#Q&A

ސުވާލު:-

? ވަގުތު އޮޅިގެން އެހެން ނަމާދެއްގެ ވަގުތުގަ ކުރެވިއްޖެނަމަ ނަމާދު ޞައްޙަވާނެތަ؟

ޖަވާބު:-

*"ޢުޛުރުވެރިވެފައިވާމީހަކު، މެންދުރުނަމާދުގެ ވަޤުތު ފާއިތުވެއްޖެކަމަށް ހީކޮށް ޤަޟާއަށް އެނަމާދުކޮށް ނިމުނުފަހުން ވަޤުތު އަދި ފާއިތުނުވާކަން އެނގިއްޖެކަމުގައިވާނަމަ، ނުވަތަ މިއާއިއިދިކޮޅަށް މެންދުރުނަމާދުވަޤުތުގައި ކަމަށް ހީކޮށް، އެވަޤުތު ދިޔަފަހުން އަދާއަށްކޮށް ނިމުނުފަހުން ވަޤުތު ފާއިތުވީކަން އެނގުނުނަމަވެސް އެމީހާގެ ނަމާދު ޞައްޙަވާނެއެވެ."

(މިބަސްފުޅުގެ މާނައީ: އޭނާ ހީކުރީ އަދިވެސް ޢަޞްރުވަގުތު ނުޖެހޭ ކަމަށެވެ. އެހެންވެ އޭނާ މެންދުރުނަމާދުކުރީ އަދާއަށެވެ. އަދާއަށްކޮށް ނިމުނުފަހުން މިއެނގެނީ ޢަޞްރުވަގުތު ލައިގެންފައިވާ ކަމެވެ. އެހާލަތުގައިވެސް އޭނާއަށް އެގޮތަށް ނަމާދުކުރެވުނީ އޮޅުމަކުން ކަމަށްވާތީ ކުރި ނަމާދު ޞައްޙަވާނެއެވެ. އަލުން ޤަޟާއަށް ކުރާކަށް ނުޖެހޭނެއެވެ.)

އެހެނީ، މިފަދަ އޮޅުމަކުން އަޅުކަމުގެ އަޞްލަށް އެއްވެސް ބުރުލެއްނާރާނެއެވެ. އެހެނީ، އަކަމުގެ ޤަޞްދަކީ ވާޖިބު އަދާކުރުމާއި، ޒިންމާއިން ބަރީއަވުންކަމުގައިވީހިނދު އެކަން ޙާޞިލުވެއްޖެއެވެ. މިބުނެވިދިޔަގޮތުގައި ޤަޟާކުރުމާއި އަދާކުރުމުގައި ތަފާތުކަމެއް އެކުލެވިފައެއްނުވެއެވެ."*

ޖަވާބުދެއްވީ:- އައްޝައިޚް މުޙައްމަދު ސިނާން

Join:- https://t.me/Namaadh

#thubulhi

ހުކުރު ދުވަހު ހުކުރަށް ދިޔުމަށް ރީތިވުމަށް ކަމަށް ބުނެ ބައެއް ފިރިހެންވެރިން އެބަފެނޭ ތުނބުޅި ކޮށާއި ، ބާލާއި އޮފް އަރުވާލާ ތަން މީ ކޮއްގެން ވާނޭކަމެއް ނޫނެވެ. އެހެނީ މާތް ނަބިއްޔާ މުޙަައްމަދު ﷺ ތުނބުޅިފުޅު ކޮށްޓެވިކަމަށް އެނގޭކަށް ނެތެވެ. ރީތިވުމުގެ ގޮތުން ތުނބުޅީގައި ފުނާއަޅާއި ތެޔޮލައި ހުވަނދު ލެވިދާނެއެވެ. ކޮށާއި އޯމާން ކުރުމެއް ނެތެވެ. وﷲ اعلم

https://t.me/IslamDheenah

#thawheedhafahu_namaadhey

? އޭ ފުރިހަމަ ޞިއްޙަތެއްގައި ހުރެ، އެހެނަސް ނަމާދު ނުކުރާ އަޅާއެވެ. ތިބާ ނަމާދު ނުކުރަނީ ފަހެ ކީއްވެހެއްޔެވެ!؟ ނަމާދު ދޫކޮށްލުމަށް ތިބާއަށް އޮތީ ކޮން ޢުޛުރެއް ހެއްޔެވެ!؟

އޭ ދުލުކޮޅުން ތަވްޙީދުގެ ކަލިމަ ކިޔާގެން، އެހެނަސް ގަސްތުގައި ނަމާދު ނުކުރާ މީހާއެވެ. ތިބާ އިސްލާމްދީން ދޫކޮށްލީ ފަހެ ކީއްވެހެއްޔެވެ!؟ އެހެނީ ތިބާ ނަމާދު ނުކުރާހާ ހިނދަކު، ތިބާއަކީ މުސްލިމެއް ނޫނެވެ. ސަބަބަކީ އަހަރުމެން މުސްލިމުންނާއި، ކާފަރުންނާއި ދެމެދުވާ ހަމައެކަނި ފަރަޤަކީ އެއީއެވެ. ނަމާދެވެ. ނަމާދެވެ. ތަވްޙީދަށް ފަހު ވަނީ ނަމާދެވެ.

ނަބިއްޔާ ﷺ ޙަދީޘްކުރައްވާފައިވެއެވެ:

(الْعَهْدَ الَّذِي بَيْنَنَا وَبَيْنَهُمُ الصَّلاَةُ فَمَنْ تَرَكَهَا فَقَدْ كَفَرَ)

"އަހަރެމެން މުސްލިމުންނާ ކާފަރުވީ މީސްތަކުންނާ ދެމެދުގައިވާ ފަރަޤަކީ ހުރަހަކީ ނަމާދެވެ. ފަހެ އެކަން ދޫކޮށްލައިފިމީހާ ކާފަރުވެއްޖެއެވެ."

އަދިވެސް ޙަދީޘްކުރައްވާފައިވެއެވެ:

(إِنَّ بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكَ الصَّلَاةِ)

"ހަމަކަށަވަރުން ޝިރުކާއި ކުފުރާއި މީހާ ވަކިކޮށްދޭ އިންފާރަކީ ނަމާދުއެޅުމެވެ."

މި ދެ ޙަދީޘުގައި ނަބިއްޔާ ﷺ ކުފުރާއި ޝިރުކު ކުރުމާއި މުސްލިމުން ވަކިކޮށްދޭ ކަމަކީ، އެބަހީ ކާފަރުވުމުން، ތަފާތުކޮށްދޭ ކަމަކީ ނަމާދުއެޅުން ކަމުގައި މިވަނީ ބަޔާންކޮށްދެއްވާފައެވެ.

އެހެންކަމުން ނަމާދު އެޅުމުން މި ތަފާތު މި އިންފާރު ލުހިގެން ދެއެވެ. އަދި ކުފުރާއި ޝިރުކަށް އެމީހަކު ވެއްޓިގެންދެއެވެ. ފަހެ ވިސްނާށެވެ. ވަގުތު ފާއިތު ނުވަނީސް ނަޖާވާށެވެ !

މަޞްދަރު

Join:- https://t.me/Namaadh

#thawheedhafahu_namaadhey
*? 4 ރަކުޢަތް ނަމާދެއްގައި، އިމާމު މީހާއަށް އަށް އޮޅިގެން ނަމާދުގެ އެންމެ ފަހުގެ ރަކުޢަތުގައި އައްތަޙިއްޔާތަށް މަޑުނުކޮށް 5 ވަނަ ރަކުޢަތަށް ތެދުވާ ވަގުތު، މައުމޫމުން އިމާމަށް އެކަން އަންގަން ސުބްޙާނަﷲ ކިޔާނީއެވެ. އަދި މައުމޫމުން އިމާމަށް ތަބާނުވެ މަޑުކުރާނީއެވެ. މިހާލަތުގައި އިމާމު ކުށް ރަގަޅުކޮށް ފަހުއައްތަޙިއްޔާތު ކިޔައި ކުށުސަޖިދަ ޖެހިނަމަވެސް، މައުމޫމުންގެ ތެރެއިން 'މިކުށުގައި ބައިވެރިނުވާ މީހުން' ފަހުއައްތަޙިއްޔާތަށްފަހު ކުށުސަޖިދަ ނުޖަހާ އިމާމް ސަލާމް ދޭދެން މަޑުކުރާނީއެވެ. އަދި އިމާމް ސަލާމްދިނުމުން މައުމޫމުންވެސް ސަލާމްދޭނީއެވެ.

ނޯޓް މިއީ 18 އޭޕްރީލް 2024 ވަނަ ދުވަހު ނައިފަރު މަސްޖިދުލް ހާދީގައި އަޞުރު ނަމާދުގައި މިފަދަ ކުށެއް ކުރެވުމުން ނަމާދު ނިމުމަށްފަހު ޝައިޚް އަޙުމަދު ނާޒިލް މިސްކިތުގެ ޖަމާޢަތަށް ދެއްވާފައިވާ އިރުޝާދެކެވެ.*
#ކުށުސަޖިދަ

Join:- https://t.me/Namaadh